【試用】捍衛咪咪大行動！成果篇！

我覺得我完全會被blacklist, 連續連篇blog都要3催4請先打......

 

其實我相啊都準備哂，係未過電腦jeh....

 

繼續我的“捍衛咪咪大行動！”，爲了令咪咪挺而美，經過三個星期的努力不懈（？）夜夜使用CLARINS的BUST BEAUTY LOTION，成果點呢！？

 

 

香味：★★★★☆

很香！！不是濃郁的花香昧，而是很清新的citrus類香味。

質地：★★★★☆

乳液狀，十分容易推開。塗抹起來不會覺得像Gel狀產品般黏黏的,.吸收很快,不會油膩

 

價格&用量：HK$450/支     ★★☆☆☆

使用三星期，基本上已經差不多用完一支。雖然每日晚上使用一次，但每次大概要pump 2下（1邊1下），所以用量算用得很快。另外因爲要按摩到下巴位，就算經過三個星期，還是覺得挺不順手.....

 

爲了令使用效果顯著，我特地穿同一樣的underwired no pad bra  + 背心拍照~ 會唔會容易d compare?

有小小犧牲色相feel添.......

正面，好似無乜分別..........

 

側面：好似有d 提升的效果，整體感覺望落去好似大左！

 

效果：★★★☆☆

一個星期：產品標榜的更豐滿/更緊實效果,暫時未看到.但是咪咪&胸口的肌膚,明顯變得比較幼嫩。

三個星期：我覺得這個產品是專for 小胸部的.....好似有點唔太對。

豐胸效果，確實地是有的。用完3個星期，我覺得胸部肌膚有幼嫩左，而且有緊實到的效果。唔知係咪心理作用，我覺得好似有挺左d d，視覺效果上就好似大左。

但係，如果單純地係挺左而睇落去大左，咁如果本身係小胸部的人，會不會變大左而不是單單挺左（大d)，我就無從得知.........

 

回購度：★★★☆☆

有無興趣回購.....對呢個產品，其實真係還好。

但我會有興趣買CLARINS另外一支的胸部firming lotion. 因爲試用完呢支，其實效果係有的，所以我都對呢個牌子有信心，但因爲個人需要問題（？），我會選擇買賣點係緊實的bust beauty firming lotion。

 

以上。

 

【買物？】頻撲過返工的豐收日

尋日打完篇文，按錯製無哂，由頭打過當堂hea哂...咁
話説，我呢個九龍人，1個月都出唔到幾次港島，無奈雖然“試用運”零，有返少少抽獎運補數....
但係，要自己親自攞，仲要去到港島的篤篤----柴灣，筲箕灣.....平日放工根本趕唔切，之前已經放棄過禮物，今次有幾份，就一炮過出去攞!

 

 

fnb的CURAL BEAUTY COLLAGEN＠柴灣
東周的everyBODY Labo Set＠筲箕灣
Cosmo的Laneige＠CWB

其實fnb雖然遠，但近mtr所以好ok!
但東周（星島bldg）就......可能無識行，剩係地鐵出口條路已經行到癲，出去後仲要行多5-10分.....

 

去開CWB，順勢殺過Times換sample

 

呢次換sample體驗（？），得出以下BA評估：

讚：
CLARINS

個人認爲CLARINS送sample算爽手，教足你點做！
加上今次送的係最新V Shape facial serum 的7days trial， 有2支sample啊！之前就好想買，而家可以試真d先！！仲有把尺幫你度下塊面離perfect 90degrees 差幾遠，好搞笑！

 

唔錯（BA態度正常，有講sample用法）：
雪花秀
SHU UEMURA （意外！出名攞sample黑面的S.U., 個BA居然態度好正常，仲問我prefer白d定自然d添！）
ORIGINS （有mini facial做，ok! 有少少被燒到）
LANEIGE
COSME DECORTE AQMW

 

不過不失（BA態度正常，無講sample用法）：
GUERLAIN

 

唔掂：
ARMANI
個counter本身好多BA (我覺得多得濟)，至少half of those BA係遊手好閒企係counter邊吹水，可能我打斷左咩討論（&最重要無幫襯！）個BA粒聲唔出，無表情地攞左我要換的sample, 遞比我就算！可能expect我一定知道換的係foundation base & 用法，無必要講一聲啊？！

 

 

最後係........登.登.登.登
最憧憬BRANDS No1的CHANELさま！

買左乜？

 

 

 

 

 

 

 

 

 

 

 

 

 

 

其實係紙袋only (爆！) 裏面係chips & cakes!! （好無聊啊我！）

 

話説，一直想買Chanel Classic， 由開始的接近2萬到now接近4萬，少於10年内升幅達1倍，死得！

 

以上。

 

【買物2】邊到跌倒，邊到企返起身！

事源，mag一向係花園街的粉絲，由中學幫襯到而家熟女年紀十多年黎無間斷，“雙方”關係一直維持友好狀態，但係，情況改變了！

何解，因爲我係花園街獻上我人生的第一次................被偷電話！！！

 

個日，約左食飯時間未到，一個人蛇去最愛的花園街打個白鴿轉，想睇下夠鐘未時，抄極都抄唔到個電話.....就係咁，我千里迢迢帶返黎的手機就咁比人偷左！！真係要詛咒小偷 xy$%&#%&%^&*$^&!

p.s. 不過大家真係要小心，係我被偷電話的個2日，原來有2個朋友都一樣比人偷左電話！！大家出門真係要小心個袋！

 

本身諗住買野，當堂無哂mood啦.........但以爲我會怕左而隔一段時間唔去就錯了！係邊到跌倒，就要係邊到企返起身！所以隔個禮拜我就去掃一轉！！

 

但今次收穫我覺得還好.........唔夠勁........

 

連身earth tone shirt dress, 我朋友話係“不自由”色......

鮮色西裝款薄外套，呢幾年都ok，所以買！

 

 

嚴格黎講呢2件係旺中買，睇中的係藍色呢件，但買2件平5蚊就買埋件打底花花背心。

 

最愛的izuma買的粗踭涼鞋，着得好舒服！

室内光影唔清楚，加flash個顔色會清楚d。

 

如果我有咁ge腳就好了.........假garter stocking我覺得幾得意就買！

 

以上。

 

【試用】學BB一樣便便暢通，試下白蘭氏InnerShine益生素+益生菌啦！

上班一族，如果係成日1日2餐都外食的，真係無幾何有幾條菜食！一日所攝取的纖維量，大概就係幾條菜，好彩的話再加1個水果，所以原來身邊好多人都有便秘問題！好多人更因此搞到皮膚暗啞，常年生粒粒；或者係明明好瘦都有個肚腩！

很幸運地，我無便秘的問題，反而係腸胃太“暢順”，好容易肚屙！細細個仲誇張，係一飲凍野即痛！大個左凍野有時都會，但主要係奶類飲品，萬試萬靈！

今次試用“白蘭氏®InnerShine益生素+益生菌”，就係想改善腸道健康，等我唔洗成日肚屙！而且可以清下宿便！

 

介紹下“白蘭氏®InnerShine益生素+益生菌 (附加高纖成分) ”
加入益生菌同益生素, 在抑制及對抗害菌生長的同時, 更能改善腸道機能促進腸道機能平常化及促進體內益生菌生長. 每日飯後2小包, 腸道健康,皮膚靚哂!

適合食用的人：- 因生活忙碌而常進食高脂肪&低纖維食物
- 腸道蠕動慢及容易腸道不適（肚瀉/肚脹）和排便問題
- 腸胃不佳，皮膚暗啞

 

 

 

- 一盒30小包，1日食2小包，全部獨立包裝，食用攜帶方便！
- 零脂肪，唔怕肥
- 1日的分量已經等於1.5個蘋果的纖維量！
- 每日的分量，有10億個益生菌！

食用方法有2種，你可以直接倒入口裏面，或者係用冷水沖開飲。通常我係會飲水時順便沖買黎飲。聞落去，有好濃甜甜的桃味，本身都怕會太甜，點知沖開左後，雖然顔色都係淡黃，但係係完全無味的，怕甜野的人都可以安心。

服用了白蘭氏®InnerShine益生素+益生菌2個星期，我唔清楚對便秘的功效（因爲我無呢個問題），但呢2個星期，我肚瀉的情況少左好多，就算飲奶茶咖啡，都唔會有肚瀉的情況，應該都係這產品的功效吧！！以後我在都唔洗驚要周街搵toilet啦！！下一次我要挑戰凍牛奶！


同場加映：之前抽到的白蘭氏®InnerShine®活顏馥莓飲，白蘭氏真係好大手筆，送14支盒裝，仲要送埋上門！讚！

 

 

以上！

【試用】捍衛咪咪大行動！

胸部,作為女人的性徵,已經由單純的功能性(哺乳),變成女人的一大"武器".
好多女人的煩惱都是源自此,真的是無又煩,有(或者應該是太大?!)又煩.
在這個「瘦=美」的社會,大部分人的煩惱,可能是怎樣才可以變成又要瘦,又要大!
可惜胸部主要構成是脂肪,脂肪少/瘦的人通常的會比較小,如果你有這煩惱,CLARINS新出的美胸產品就可以幫到你!

作為歐洲美胸專家,CLARINS的幾個皇牌產品都是關於胸部的保養.最近新出的BUST BEAUTY LOTION主要針對的就是Enhances Volume,特別為小胸部而設.配合獨門配方Voluform,可以增加胸部的脂肪細胞,及提升儲存脂肪的效能.

那如果非常幸運地,你沒有咪咪大小的煩惱,這個含有越南奶果&有機溫柏果萃取精華的LOTION,亦可以促進彈力膠原的增生及強化,提升胸部線條,及令肌膚更柔滑.

體貼的附上了產品說明及一個小環保袋

盒上有清晰的產品簡介/盒底印明"made in France"+有效期為開封後18個月等資料

美美的磨砂瓶+緊密的開口

CLARINS的3款美胸保養品的使用次序&按摩手法

有別於很多的美胸保養品,這產品的質地是乳液狀.塗抹起來不會覺得像Gel狀產品般膠膠的,有層膜一樣.吸收很快,不油膩.

個人屬於幸運(?!)一族（如果這麽肥還airport....就太可憐了吧！）,咪咪size中規中矩,但踏入熟女年紀,咪咪跟臉部和其他肌膚一樣,絕對需要促進彈力膠原,防止皮膚鬆弛!

不想胸部下垂,原來除了咪咪外,下巴到咪咪,即鎖骨,胸口的一大片肌膚,亦是決定胸部的豐滿&胸型的美觀與否重要的一環.所以建議的按摩手法,是由下巴,繞過胸部下方,到頸部一圈.

使用一個星期後,產品標榜的更豐滿/更緊實效果,暫時未看到.但是咪咪&胸口的肌膚,明顯變得比較幼嫩~~yeah! 雖然開始使用的時候,我有擔心會不會令我胸口的粒粒更嚴重,可幸的是並沒有令我生粒粒,而且剛好這段時間使用的肥皂令我胸口的粒粒好很多!所以跟我有一樣困擾的姊妹們,可以安心使用!

【試用】寧做剩女，莫做味女！QB 3 Steps 試用！

唔好誤會，我唔係試用R牌產品，不過係借用一下個term jeh.

 

夏日炎炎，除了怕曬黑外，另一樣怕的就係熱出一身汗，除了濕到一噠噠的汗跡不雅觀外（君不見報章雜誌最中意影女明星腋下兩噠汗跡！），最最可怕的就係臭汗味！！試想下，你自己已經一身汗笠癡癡時，再係繁忙時間逼地鐵，身邊一堆不怕笠死你的男女+各種不同體味的混合，係幾咁噁心！！

 

唔想成爲人人厭惡的味男味女，除了要養成使用止汗產品的好習慣外，亦要慎選有效的止汗產品，唔好貪個香字，亦要真係止到汗先好！

但我發現，止汗產品雖然琳琅滿目，但for腳部的止汗產品並不多。雖然係香港，係屋企外的地方脫鞋的機會沒有日本多，但萬一你要試鞋，或突然要脫鞋的時候，一陣“香味”飄出都令人很尷尬。

 

之前其實行雅施的時候，就已經有留意過Quick Beauty 呢set 止汗產品（無法啦，香港腳部止汗產品choice不多）感覺好似好pro，但因爲價錢挺貴的，（QB止汗香體膏 5g $78/30g $296!）所以一直無機會買來一試（咁貴，買左唔work咪慘！

）。好好彩，見到雅施FB有呢set旅行裝的試用，又比我中到

！等我試下work 唔 work先！

 

試用的產品係QB 3 Steps，内有QB藥用止汗肥皂，QB藥用止汗潤膚液，QB藥用止汗膏 （無香料、無着色）

 

 

 

等我講下自己的“狀況”（？），我係一個朝9晚6的OL，平日最愛著平底Ballerina（唔著襪），有使用止汗SPRAY的習慣（for both 腋下&腳部）。但係呢排咁熱，雖然我曝露係室外的時間不過係返工的短短30分鐘，但係返到office的時候，腋下已經有d汗（太陽暴曬+趕頭趕命追車

）。一日下來，腳部都會有少少汗&異味。

（止汗SPRAY我只在出門前用，不會補噴第二次）

 

為左準確地試用QB 3 Step的功效，搵左個朝早早d起身shower，用了QB藥用止汗肥皂沖涼，再用另外2樣於腋下&腳部這些多出汗的位置。

 

Step 1 QB藥用止汗肥皂沖涼---〉雖然見到雅施FB話只用於出汗嚴重的地方，而非用作全身清潔使用。但我睇過官網，係可以全身使用的，因爲其中一個功效就係可以減少暗瘡的產生！！應該有好多人背部，甚至胸口都會有粒粒，呢舊肥皂都可以有效清潔！當然，如果你身體無生粒粒的問題，亦可以專用於出汗的地方，因爲要慳d洗！

唔想舊soap融哂，我從別的blogger到偷師把舊soap切一小塊一小塊咁用
Step 2 after shower，就用QB藥用止汗潤膚液@多汗位置，如腋下/足部。

Step 3 等潤膚液乾左，就用QB藥用止汗膏。建議用量係一粒小豆（？！），即約5mm的大小。官網建議係1周用1，2次，或者覺得有味味，需要時用~

 

用後感：

肥皂：用少少已經好夠，感覺好d乾，用後一星期，心口粒粒好似生少左！

潤膚液：我唔明點解叫“潤膚”液，介紹完全見唔到提過任何關於“潤”的。主要的功效不過係收緊毛孔，減少排汗。水溶性的質地，好快吸收同乾！

止汗膏：講起cream，大家可能會覺得會笠，但係係完全唔笠，仲好快吸收，好乾爽。搽完lotion後，再搽cream，唔洗怕要等乾，即刻着衫着鞋都無問題！

 

今日早上一樣都係34度，陽光普照，但比起平時，返到公司我雖然個身有少少汗，比平時出少左d! (平時我要濕紙巾抹一抹身的

)。腋下有微微滲汗，亦比平時少！最犀利係一整日，完全無出腳汗（= feel 唔到有濕！）。但腳仍然有少少味，可能係對鞋本身的膠味，但比平時已經淡d。

 

Overall 我都十分之滿意！雖然價錢係貴左d，但係真係堅有效！！（有睇過我其他試用文的，都知我好少咁咬牙鐡齒讚）。尤其係對於不時找尋有效的腳部止汗的我，簡直係非常滿意！

可惜3樣一起用，我唔sure會唔會只用一樣都有唔錯的效果，如果3選1，我會選止汗膏，感覺係最有效之餘亦方便用！

最後感謝雅施今次的試用機會，不過亦因此賺到個會回購的客仔（i.e.我

）！

 

至於詳細的產品介紹，或者成分，使用方法，大家可以參考QB的官網。有英文version，唔怕睇唔明日文啦~

QB website: http://qbqb.jp/

【mäg談食2】非一般的方包☞Danish Bread@BO-LO’GNE

我是個對食無乜特別要求的人，亦唔太會周圍去搵新野食，好在家裏有人是我的相反，所以我安在家中都可以食到好多熱門的野食~

前陣子，家裏買了這個面包，是類似我好懷念的日式厚麵包！但更正的是這麵包的“皮”是danish bread （所以呢個麵包叫Danish pastry），而且麵包好重牛油味！！我好中意酥皮&牛油，呢個麵包就正中下懷~

而且原來係熱賣野，上網一search發現好多人讚過！是日本過江龍BO-LO'GNE的招牌麵包。（可惜我孤陋寡聞，係日本的時候未聼過，原來係店鋪設于Kyoto）

官網介紹：

    BO-LO'GNE是一家代理和銷售博洛尼亞面包的專業面包店。
   折後有81層的丹麥面包系列 傳說博洛尼亞是第一個在日本牽起吃丹麥面包的熱潮。在京都誕生，流行到日本全國，被稱為魔幻的面包 獨特技術制造成出美麗的大理石模樣，外面香脆裏面柔軟，味道鮮甜，就好像吃糕點那樣美味有奢侈的口感。

廢話少講，看圖！

我仲嫌唔夠肥，再加牛油！！（要“真”牛油，Say No to Margarine!）

 “我肥，但我好好味！”

塊麵包本身已經有牛油味，烘左之後，外面的酥皮有d脆，麵包依然係好鬆軟！

上網search, 原來BO-LO'GNE有間Cafe, d Toast正到！！雖然好想好想好想試，但唔多就腳......

“借用”Openrice上的相（唔係我影的！）下次要參考Cafe的做法！

Openrice Link: http://www.openrice.com/restaurant/sr2.htm?shopid=32153

好似好食到暈！！！

有機會一定要一試！！



以上~