《mag爲食紀》突然爆紅好似未handle到@原味館

雖然很多人閙爆X假期成日介紹完d景點、餐廳後會搞到好多人，但無可否認亦真係令到更多人認識某些餐廳或地方。

 

這次來到的《原味館》位於荃灣，基本上我是不會踏足，就係因爲睇到報導介紹的[三鮮麵]，嗜食海鮮的我又點可以放過。

 

 

 

是日（3/17）慕名而來，真係完全低估了報導的威力。
大約8點到達，除了全店滿座之外（唔難，因爲其實大約得12-15個位左右）--〉後來後巷位再加了幾檯。

店外亦圍住很多人等候。

 

拿到號碼紙大約要等8張檯，以爲吃個麵應該好快，點知都等左一個鐘左右。

 

9點幾其實已經等到極餓，一場來到梗係[三鮮麵]啦。

可惜麵綫、米綫、面綫等已經賣哂，只剩米粉，唉雖然無奈但只可接受。

 

很快就先上一碗。我讓朋友先吃。

點知，等左勁耐（15-20分鐘）第二碗都未出現。
忍唔住終於問夥計，好明顯係漏單，大佬，兩個人，點兩碗麵都可以漏一碗。
廚房先話無哂蟶子，心諗WTF，廚房提議比牛肉我，sorry我真係一心食海鮮。
最後話比多d唔知花蛤定蚵仔我，雖然我望落同朋友個碗無分別。

 

**呢碗係我個碗無蟶子（有一隻係朋友個碗比我的）

好啦，呻一大論。味道點呢？
以$58來講，有2-3隻蟶子，幾隻花蛤，幾隻蚵仔的麵係抵ge。
海鮮的size都算合理，
而且個湯的味道真係幾鮮甜。
不過就唔會引到我下次再長途跋涉入荃灣食咯。
如果經開或者係附近的都可以一試。

 

之前見到有人post食唔飽，朋友（一般女仔）覺得OK剛好，比較爲食的我就覺得大約7分飽左右，之後兩個再食到豆腐花（笑）。

 

原味館
地址：荃灣大河道91-97號天保大廈地下F2號舖  
電話：6855 2041
營業時間：星期二至日: 12:00-22:30 逢星期一休息
是日消費：每人$58

 

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《Trial》懶人必試，輕鬆排汗瘦身@美人蒸—古法薰蒸養生館

成日見到韓國人樣靚（不論真假）身材正，身為平庸港女一枚的mag當然好羡慕啦。
除了飲食養生外，好似7-11一樣走兩步就有一間的汗蒸幕佔了重要的一環，韓妹由細到大得閑就去下汗蒸幕，除了排毒令皮膚靚靚之外，更可以祛除水腫，想唔瘦都難！可惜香港人多地少，想好似韓國周圍都係大大間汗蒸幕簡直是妄想。當然香港人這麽多ideas，我地不會比地方細而局限的。

 

地方細細一樣有其玩法，位於荃灣的[美人蒸—古法薰蒸養生館]就引進了韓國韓國最HIT的懶人運動：薰蒸療法。這個來自韓國的薰蒸療法，只要短短40分鐘的時間，配合不同的草藥包，就可以達至排毒、美顏、消脂瘦身、祛除水腫、改善睡眠質素、舒緩經痛等功效。

 

 

到達[美人蒸]後，首先店員會講解古法薰蒸前後需要注意的事項。
譬如有皮膚病或中藥敏感、糖尿病或高血壓、懷孕中等等都不適合做全身的古法薰蒸。

如果中了其中一項，店員就會建議改做腳部薰蒸。

 

 

確認可以做全身古法薰蒸，就可以從list上6種選取其中1種古法薰蒸藥包。

我無打錯，原來老闆話有一個隱藏版的藥包主要成分爲薑，可以祛寒之餘會特別熱，所以老闆通常會等客人來了幾次後才推薦。

本來我想試試#1消脂瘦身（本人最需要），但諗諗下都係先挑戰去水腫的#2 排毒美顔。

 

選好藥包，店員就帶我去更衣。點知經過一家好似幼稚園play room的房間。
原來[美人蒸]有托兒服務（需預約）！哇，太customer-friendly！呢啲咪就係超加分。

 

換好衫後發現更衣室内的梳妝臺居然有一大堆名牌的護膚品與香水。
老闆解釋說這些是免費提供比客人，在蒸薰後因爲會比較乾，沒有帶產品在身的人都可以即時護膚，不怕太乾，超級貼心（心心眼！）

 

最近店内亦增設按摩服務（需預約），我一諗到蒸薰後出了一身汗，再來個body massage就爽歪歪~~

 

腳部薰蒸蒸箱

 

 

終於到戲玉——全身古法蒸薰蒸箱
我這次用的蒸箱一間房間裏有兩個，有布簾隔開保持私隱。

 

在我更衣期間，店員已經將藥包放入蒸箱內，蒸箱内薰出的高溫蒸氣含藥包内的藥氣，當我地進入蒸機箱內，就可以在這40分鐘内讓藥力透過全身毛孔吸收，比起内服或外塗更能吸收功效。

 

坐入蒸箱之後，可以將衣服拉低，令背部更好吸收蒸氣。
蒸箱有兩個洞口供人伸手出來，所以在蒸薰的過程内，大家可以玩玩手機或休息，就不怕悶咯。
最讚的是，[美人蒸]提供免費wifi，又可借外置充電器，不怕會玩到手機無電。
因爲蒸薰過程會大量流汗，所以在蒸薰前、途中與蒸薰後都建議多喝水補充水分。

 

雖然說40分鐘好似很耐，轉眼間就過去了。
Mag本身都是挺怕熱的人，所以在最後10分鐘蒸薰溫度最高時都有叫店員把溫度調低。
最神奇是，平常我可能要快走1個小時才會微微出汗（因爲代謝較慢），這次不過做了40分鐘的蒸薰，除了整件衣服濕透，還滴汗！！！平時就算去桑拿我都不會流這麽多汗。

 

做完之後全身都紅彤彤，可想而知血液循環是有多快！！！
（這張加了特效的相是已經減低了我的紅，將這個加深大概3倍就是實際的紅度！）

 

 

雖然流了這麽多汗，但店員提醒不能夠立刻沖澡或進食，因爲加快了代謝循環，立刻進食就會變了雙重吸收（oh no！）。而立刻沖澡就有可能會著涼，好在雖然唔可以沖澡，但不會有很濃的汗味，反而有點點的草藥香味。

 

這次的古法薰蒸，雖然一次不會立刻達到你想要的祛水腫或瘦身效果（又唔係抽脂！），但做了一次後出了一身汗，渾身的疲勞得到舒緩，而且皮膚即刻邊光滑，相信持之以恆一定達到所需的功效。

 

 

美人蒸 – 古法薰蒸養生館收費與現有優惠（2017年3月）

 

 

 

美人蒸 – 古法薰蒸養生館
Facebook: https://www.facebook.com/SteamBeauty/
地址: 荃灣大河道99號99廣場1504-05室
電話: 2771-2148

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《mag爲食紀》平平地又一韓燒選擇@OPPA韓國燒肉店

行過先達一帶，老遠就聞到好香燒肉味，見到呢間OPPA韓國燒肉店，見到價錢OK就嘗嘗鮮。

 

餐廳都算幾細，而且檯放得有點逼。
我6點半左右到，餐廳已經半滿。（7點左右就full）

 

餐牌都好多選擇，都係韓燒例牌野。

 

 

比較特別係有和牛拼盤（$428）

另外亦有2人餐、3-4人餐等選擇。

 

 

因爲得兩個人，所以我地點了“潮食二人餐”$268
- 頂級安格斯肉眼扒 或 特色牛排骨
- 五花腩 或 豬肋肉
- 海鮮拼盤 （原粒帶子 x 2，多春魚 x 4，八爪魚）

 

 

未食先送上小菜。
除了常見的泡菜同豆芽菜之外，比較特別的是海帶(yummy)

 

在燒肉盤旁邊放上了泡菜加蛋液，又多一味餸。

 

一次過上哂二人餐，都挺壯觀。

- 頂級安格斯肉眼扒
肉同脂肪分佈都算OK。
食落不會“un”，都算淋身。

- 五花腩
五花腩是我韓燒的favourite
不過今次的五花腩有點肥
可幸食落不會覺得太膩或有臊味
燒到無乜油，外層微脆，加上韓式小菜用生菜買來食真係完美~~~

 

- 海鮮拼盤 （原粒帶子 x 2，多春魚 x 4，八爪魚）

帶子超級大顆，但唔知係咪不夠新鮮，我食落有怪味（朋友唔覺）就放棄左。

多春魚好味，如果可以多d就好

八爪魚反而好多，好爽同埋算厚身，有咬勁。

 

 

 

身為飯桶，食肉就一定要配飯（$12）。
可惜d飯有點兒太多水.....

 

另外加點真露煮蜆。$98
酒味無算強，内有不少菜同韓式粉絲，食燒肉食得太熱氣的時候可以飲少少湯降火。

 

朋友追加的韓式4色冷面 $88
我無食過難食的，這個冷面當然過關！

 

 

美中不足的係，因爲座位實在太擠，

我的檯比較接近裏面，所以不太可以享受到侍應幫我地燒肉這個福利。

 

 

其實我地點得有點多，少一個菜就差不多。
Overall OPPA韓國燒肉店都有一定水準，話最好食又唔係，但以這個價錢來說很OK。
推薦給想平平地食一餐韓燒的大家。

 

 

OPPA韓國燒肉店
地址：旺角洗衣街117號建煌華廈地下 
電話：2381 2193
營業時間：星期一至日: 17:00-02:00
是日消費：每人約$265

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《mag爲食紀》Gimmick贏哂的Selfie Cafe

Lunch後行過呢間新的cafe，睇個門面覺得OK，奢華公主風最啱我地，終於搵日早收工同朋友來個early dinner。

 

 

飲品除了堂食當然可以外賣，價錢亦比堂食便宜不少。

 

 

另外還有訂制馬卡龍，送禮一流。

 

 

 

Selfie Cafe亦提供午市與Tea Set。

 

 

可能Selfie Cafe主打都係飲品同甜品，晚餐食物選擇不多。

 

 

室内裝潢，本來以爲好靚，睇真d又覺得還好...

 

 

 

有10款主菜（送飲品一杯），價錢由$108到$238不等，再配搭以下優惠：

+$9 轉飲品餐牌上任何特飲，$19轉任何自拍系列飲品

+$29 配前菜及餐湯各一客

+$15 配餅櫃蛋糕一件

 

 

 

我地點了

D：香辣茄醬鮮蝦意大利粉 $108

L：美國極黑安格斯肉眼扒 $238

 

再+$29 配前菜及餐湯各一客

 

可惜餐湯沒得選擇，只有蘑菇湯（我最憎，所以no comment）朋友話都幾好飲。

沙律一般般.....

 

 

 

美國極黑安格斯肉眼扒 $238

 

雖然2百幾不期望有咩靚牛扒，但這個真的還好。

 

我地叫了7成熟。

但這個好明顯不是7成熟吧.....

 

朋友不喜食太生，要他們拿回去加熱（用微波爐....）

 

如果個扒一般，至少要汁搭救，可惜呢到的係無汁，

只係有少少醬點。味道略嫌不足。

 

 

價錢平一截的香辣茄醬鮮蝦意大利粉反而有驚喜。

香辣茄醬食落好惹味，鮮蝦雖然是雪藏蝦，

但至少料夠足，不會整盤只有意粉。

 

 

 

最期待梗係杯Selfie飲品啦。

話説，落單的情況都挺波折。

 

 

我問個侍應自拍系列飲品點落單，他話我知只要將張相send去他們的whatsapp就可以

咁我再問[特濃英式風情奶茶]係咩，他答我係烏龍茶+紅茶奶茶。

我同朋友分別點了[極品皇后奶茶] & [特濃英式風情奶茶]

 

等等等，等了15分鐘都無影，問其中一個女侍應，她回覆我整緊。

再等等等，又問多次。該位女侍應之後幫我check，先答我話原來我要先落單，再whatsapp。

我話你地位男侍應話whatsapp就可以，原來唔係。

小姐，咁我之前問你杯野飲點，你又答我整緊？！

我等左超過30分鐘，你先話我落單方法無啱，根本無整過！！

 

最後杯野飲係total等了超過45分鐘才有。（汗）

最滴汗係，落錯單。😓😓

[極品皇后奶茶] 變左 櫻花皇后奶茶

[特濃英式風情奶茶] 的烏龍茶+紅茶 變左  Earl Gray。

 

你話我落單時你聼錯或我講錯，我whatsapp張相有寫咩飲品，

難道極品同櫻花兩個字都可以睇錯？！

 

 

不過要一讚係，真係將張相print到飲品的奶泡上。

而且像真度100%！！

顔色應該是食用色素，飲落去有一點點caramel味。

 

整體覺得Selfie Cafe 飲品OK，但服務/食物真的一般。

推介大家去飲杯自拍系列飲品~~

 

**以上價格全部是會員價（免費登記）！

 

 

Selfie Cafe

地址：尖沙咀金馬倫道2-4號地下A號舖

電話：2622 2228

營業時間：星期一至日: 11:00-21:00

是日消費：每人約$240

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag