今日係蘋果見到低B IQ 題, 睇下你估中幾多個
（ 1 ） 隆 胸 兩 邊 隆 晒 要 一 萬 ， 但 隆 一 邊 只 需 三 千 。 估 四 字 成 語 。
（ 2 ） 話 說 有 間 名 牌 舖 頭 一 折 大 減 價 ， 有 個 女 人 走
今日係6月29日, 過多2日就到7月啦. 7月除左有我越來越唔中意過ge生日(因為越黎越老
), 以前讀書個陣最期待ge暑假之外
, 係日本, 當然就係大減價ge開始啦!!!
其實好多舖頭已經係星期四/五 (6月26-7日) 開始減價啦, 星期四去睇2号屋之後, 係北千住間0101行街, 見到原來我最愛ge ZARA星期五開始減價, 當然星期五一放學, 就撲落池袋, 都唔係話好多人 (比起HK大減價超長龍ge fitting差得遠), 可能因為日本ge ZARA標價比HK貴, 所以好多野就算減完價, 我都覺得: 「呢件野如果係HK一定會減到HK$xxx (大概比日本平HK$100左右)」, 咁令我ge購買慾當堂激減. 最終 我都不過係買左一條one piece咁大把, 比起我係HK ZARA唔買到4-5千都唔收手, 真係差天供地, 可能加上而家係窮學生ge身分啦...............
不過仲有好多好多shops未行, 雖然應該都要等我搬屋之後嚕.
行完ZARA, 都不過係6點幾, 同行2位女士就話肚餓要食dinner....真係好鬼佩服d成日食但係又唔肥ge人 (我就會變左
). Ms J呢個西人又話要食意粉, 我地又去左五右衛門, 不過今次呢間同平時去開ge有d唔同, 係 [にんにく屋五右衛門], 裡面d料理顧名思義好多都係有にんにく（garlic）.
朋友叫ge韓式石頭飯. 見唔見到塊紫菜印左店名落去? 好得意.
個樣好正, 味道都好正ge garlic bread
我又係seafood spagartti
甜品都同平時ge唔同 (有一個類似mango milk pudding + garlic做型ge cake + 杏仁sorbet ), 我中意平時個個strawberry ice cream + choco mud cake ge多d.
食完之後, 因為房東ge朋友會黎, 所以我要趕返去開門, 真麻煩.
「 關 我 甚 麼 事 ， 我 出 來 買 醬 油 的 … … 」 廣 州 一 名 男 子 早 前 在 街 頭 接 受 電 視 訪 問 ， 被 問 到 對 香 港 藝 人 床 照 有 甚 麼 看 法 時 這 樣 回 答 ， 背 後 大 有 「 我 只 關 心 我 的 柴 米 油 鹽 」 之 意 。 受 訪 照 片 在 網 上 貼 出 後 ， 隨 即 引 起 各 方 網 友 共 鳴 。 「 醬 油 男 」 一 詞 成 為 網 上 流 行 語 ， 既 有 表 達 不 關 心 、 沒 興 趣 、 不 參 與 討 論 的 意 思 ； 也 引 伸 指 那 些 對 新 事 物 漠 不 關 心 ， 甚 至 無 知 的 人 。
**點解無啦啦po出黎, 因為我班上有個同學花名就係しょうゆさん, 雖然跟上面ge係無關, 不過覺得好巧合!!哈哈
續前, 其實我而家睇左2到, 我都覺得唔錯, 不過決定唔到租邊間, 等我list下d pros and cons出黎先:
1号屋 (3房apartment)
好處:
- 比較平, 以剩下個9個月計, 會平我住緊呢到大概15萬.
- 同學校同一條線, 合法買通學, 返學大概40mins左右
- 同另外2個人share, 不過電視, 雪櫃都係房, 所以基本上好似自己部屋咁
壞處:
- 離開站後, 大概要行10分, 一路都比較靜, 因為係大馬路, 會車多過人, 似外國suburb (大馬路隔離, 有car showroom個d). 不過買菜個d都唔會話唔方便, 係比較少shops同restaurants
- 無common area可言, 有一個好細ge kitchen/shower/toilet, 要自己打掃
- 自己比房電費, 無得喪開冷暖氣
- 比較舊
2号屋 (大型share house, 共6層)
好處:
- 超新, 超clean, 專人打掃common area
- 附近好多shops, 比1号繁榮得多
- 轉車ge站都有好多大型departo, 超方便
- 非常good ge security --> 用keycard入
- 包電費, 可以喪開冷暖氣
- 有日本人同其他國籍ge人住, maybe可以識多d人
壞處:
- 要轉2次車, 車費貴 (如果我買到通學, 就無問題), 返學校大概要1hr (acceptable)
- 住女仔flr 有 toilet , shower就要上一層
- 大概30多人share kitchen, living room, 不過廚房好大好clean, 有3 個爐頭 (6個爐), 如果怕多人, 都可以早d煮飯ge
- 比起1号屋貴, 因為而家可能要揾保證會社, 就要比多3萬多. 如果買唔到通學, 足足比1号屋貴超過10萬 (雖然都係會平過我而家住個到); 買到通學, 就貴大概7萬; 如果唔洗揾保證會社, 就不過貴3萬到. 可接受!
總括而言, 1号屋私人空間多d (其實2間房ge size 差不多一樣), 返學方便d, 係附近環境比較偏僻d, 無咁多食肆同舖頭. 2号屋就多d機會識其他人, 週邊環境方便, 夜少少返去都唔怕, 係多人share shower/kitchen個d唔知會唔會好煩.....
****好難choose啊!!!!!******
大家有乜意見?
繼續之前ge blog, 記唔記得我之前有呻過d電費好貴, 2個人total 7千幾yen. 同區都係2個人, 人地就3千左右. 咁我就同個房東講點解會咁貴, 個房東先同我講話因為公用電 (好似電梯, 走廊燈) 都計, 之前因為3個人住都係7,8千電費, 就唔發現有問題. 咁我就諗我一個人住個陣, 咪要比5-6千電費, 就算我冷氣又未開, 幾咁energy saving都一樣.
我就email個房東, 叫佢比大概5千電費for 公用電, 因為講真, 呢d就好似管理費一樣, 你有無人住都要比, 根本就唔應該要我地比 (而且, 之前係完全無同我講過要比埋公用電) . 我話我一個人比唔到將近8萬ge開支 (記住, 係未開風扇, 冷氣ge情況下, 夏天就唔只呢個數) , 如果佢唔比, 我就要搬走. 之後, 佢就覆左我: 大致係咁------>
電費的大約金額我之前就有先告訴過你(佢同我講水電gas一個月5-6000, 即係電費ard 3000yen. 我一個人比5-6千, 係咪過哂個數先? ) , 況且,電梯的使用是房客在使用,公共地區的電費也是房客在使用也就是說是你們在享用這些福利,要我們負擔不合理
而且一個月的管理費用是22000日幣, 我們只跟你收取3000....其他的都是我們自己負擔, 管理人員幫忙收發信及照顧環境還有維護安全也是房客的福利,我們也已經負擔超過一半的金額了...
而且就算要求業主跟房客分擔也是要一半...為什麼我們要負擔超過一半的5500日幣呢?
房屋的坪數本來就比較大 (屋size比較大, 就要用多d電嗎?咪有係開one 燈開電腦),而且我也已經說明了,洗澡是用電不是用瓦斯,電熱器24小時都要保溫,用電量應該不低.如果要比照你朋友的電費來計算對我們來說也不公平
如果真要如此,使否管理費用我們也可以要求房客負擔一半或是4/3呢? (真係咁都講得出, 你租房 < not house> 比人, 係咪計埋呢d管理費入房租先? 無房客變吉屋, 你係咪都要比管理費, 公用電費先? 真係天方夜譚)
室友搬走之後本來想說電費方面我們也負擔一點(第一次聽囉), 等找到9月新房客之後再由房客們去分擔,不過我們覺得你提出來的要求太不合理, 業主沒有住在那邊,所有福利由房客享受 管理費用我們已經負擔了超過3/2, 通常有的一些定期檢查費用也都由我們支付, 電費還要我們負擔4/3....這樣有點太over了
如果您有困難...沒關係,.,,,就請您另找適合的住處..
------------------------------------------------------------------------------------------
真係公說公有理, 佢仲要講到我ge要求好唔合理咁. 大佬, 而家諗返, 佢收我管理費都過份啦. 我而家不過租一間房, 唔係租間屋. 管理費一係就計埋落房租到, 仲要另外同我收?! 仲要馬後砲, 話乜本來都諗住比d電費, 真係第一次聽囉, 你話係咪唔搬唔得先?!
唔知大家有無發現我其實好耐都無update blog, 雖然間唔時都有entered 一, 兩個entry, 但係都係啲介紹嘢嘅 entry (即係我唔洗好多時間打個啲). 因為最近我煩惱/忙緊一樣嘢, 係乜? 就係搬屋啊!!!!!
有無好驚訝我不過到左日本3個月, 居然就要搬屋呢? 其實我自己都好驚訝. 好地地, 你估我真係想由頭pack過哂啲嘢, 花左N咁多晚揾Share house (無錯, 我都係唔係自己一個人住, 你估發左達咩). 而且, 真係好鬼煩架, 搞到我日日夜夜都掛住揾屋, 溫書啊, 打blog啊都完全無心情. 見到我嘅人都知, 直頭好似漫畫咁有舊黑雲落住雨喺個頭頂到咁
, 無誇張. 係呢兩日事情明朗化, 我先叫做放下舊心頭大石 (誇張到我呢, 哈).
好啦, 講左咁多無謂野, 都未入正題. 不過因為而家成1am (Tokyo time), 我都係時候溫書and 訓覺, 下回待續! おやすみ！
)
著 名 化 妝 品 牌 Estee Lauder ， 為 使 女 士 的 眼 睫 毛 像 扇 子 一 樣 顛 倒 眾 生 ， 推 出 全 球 首 支 電 動 睫 毛 液 ， 以 震 動 方 式 把 睫 毛 刷 得 又 鬈 又 濃 密 。
TurboLash 全 效 電 動 睫 毛 液 設 計 與 普 通 睫 毛 液 相 似 ， 最 大 分 別 是 刷 頭 藏 有 小 電 池 ， 擰 開 刷 頭 ， 刷 頭 會 以 每 秒 125 微 脈 衝 震 動 ， 把 睫 毛 刷 得 既 長 又 鬈 又 濃 密 之 餘 ， 又 不 會 濺 潑 在 皮 膚 上 。 睫 毛 液 呈 gel 狀 ， 遇 上 睫 毛 便 立 即 變 亁 ， 確 保 女 士 不 會 變 成 熊 貓 眼 。
這 種 革 命 性 的 產 品 ， 下 月 17 日 率 先 獨 家 在 美 國 高 檔 時 裝 零 售 商 Saks Fifth Avenue 發 售 ， 售 價 30 美 元 （ 234 港 元 ） 。
咁神奇, 好想試啊!!!
呢2日日本最熱哄哄ge話題一定係星期日中午發生ge大屠殺. 因為我個人比較背ge關係(無睇news嘛), 都係尋日同阿咪講電話, 佢話我聽日本有人係條街到亂砍人, 不過佢話我聽o係千葉 (點知係錯左), 加上佢太清楚我呢個懶鬼星期日係唔出街ge, 所以都無話點擔心.
全世界都知呢單新聞啦掛, 我都無謂copy and paste啦, 簡單黎講, 就係有條癲佬無啦啦駕貨車闖入秋葉原的行人專用區，橫衝直撞輾過d人 ，再跳下車用把刀見人就桶, 搞到7死11傷. 比警察一攞支gun對住就棄械投降. 佢犯案ge理由居然係「我厭倦生活，來秋葉原是為了殺人，殺甚麼人都好。人人都很好，我是獨行俠。」
今日返學, 即刻有同學話佢地咁岩個個時候都係秋葉原, 又話甚麼早行出去3分鐘就見到個犯人, 佢地都見到d傷者, 真係好彩!
Anyway, 我剩係可以話條友真係癡X左, 呢d真係生舊叉燒好過生佢. 自己癲就好, 咁厭倦生活咪去自殺囉(反面教材)，做乜要搞人地. 比人攞支gun對住就投降, 又唔癲得哂喔("正常"應該自刎之係) 我話佢父母就慘啦, 一定比d傳媒起底, 唔知洗唔洗道歉添架, 仲要比人指指點點. 唔知佢會唔會被判死刑呢 (我而家先知原來日本仲有死刑)?
其實黎左日本住之後, 都覺得其實日本d治安唔係話十分十分好, i mean 當然好過美國啊香港咁啦, 不過周不時都有呢d殺人事件(要知道我呢個人係幾咁背, 我知道ge都不過係小部分), 前陣子有幾單女子高生被殺, 又有一單有個人潛入同大廈一個女仔個單位殺人(inside story我就唔清楚), 總之大家就小心門戶啦!
好鬼掛住熱浪, Doritos Spicy Nacho啊!!!
前兩日係Supa買左3包chips, 迅速差不多比我KO哂啦
有Pizza-La (日本Pizza hut) Seafood Italiana Doritos, 島唐辛子味Cheetos & 期間限定Italian Pizza (pizza again?) Pringles
除左Cheetos, 其他我都無下次. 尤其係 Doritos, 比起HK個d真係太無味啦!!! 唔通會健康d?
之前買一盒新出ge 桃哈多 bitter caramel 味, 難食到呢, 因為有我最憎ge cinnamon 味
都係食返原味桃哈多, 不過裡面有花生, 唔知點解呢
