《Trial》洗髮護髮天然無添加！日本銷量NO.1 天然植物護髮品牌 BOTANIST 保濕滋潤系列

Mag係頭髮一無染無電就會覺得悶爆的人。但係好多朋友都話，睇你的髮質又唔覺得咁差喔。

咁係因爲我選對了洗髮護髮的產品，要知道我的秀髮（？）已經被無數次的漂染、電髮摧殘，上次去韓國，更加被髮型師拒絕我電髮，可想而知我的髮質係幾damaged。

而本人最近愛用的就是BOTANIST黑蓋的保濕滋潤系列。
 

 

有留意開日本藥妝彩妝的朋友，一定知道BOTANIST植物學家這個天然植物護髮品牌。

 

就算唔知，都一定係IG、FB一定見過它的蹤影。這個白底黑字簡約包裝的BOTANIST，由上兩年開始一直瘋魔日本，@cosme、各大美容雜誌票選NO.1 的日本頭髮產品。
 

 

究竟呢個日本牌子的洗護系列有咩咁特別？！

 

原來BOTANIST是日本的天然品牌植物學家，它推出的天然護髮產品成分源自植物的原料，當中的核心產品洗護系列兼顧清潔功能和完美護髮，而且成分天然對地球環保，推出後受不少名人追捧，更陸續於美國、法國、香港發售。

 

BOTANIST洗護系列的洗髮水和護髮素成分大多源自天然植物，如椰子、大豆、甘草或牛油果等，不僅追求天然，更重點研究弱酸性肥皂成分以打造高效能的清潔功能和光滑效果。

除此之外，很多人時常忽略頭皮的保護及其新陳代謝的重要性，受到頭皮痕癢及頭屑問題的困擾。記得，有健康的頭皮，先有健康的頭髮！

BOTANIST洗護系列源於自然的肥皂成分與頭皮表面形成的脂肪膜一樣，都是由脂肪酸構成，具有滋潤、保護的作用，卻又不會過分清潔頭皮的角質層，可維持理想頭皮的新陳代謝，減少刺激頭皮，讓頭皮回到最原始健康的狀態。

在香港發售的BOTANIST有兩大系列：

- 黑蓋的保濕滋潤套裝（洗髮水：杏桃＆茉莉花香 護髮素：蘋果＆野莓香味）
- 白蓋的清爽順滑套裝（洗髮水：青蘋果&玫瑰花香 護髮素：蘋果＆野莓香味）

 

當香港有得賣BOTANIST時, Mag真係開心到飛起，因爲終於唔洗大老遠係日本搬返香港啦~~~

 

價錢都算OK，HK$117/支（日本售價約HK$105），不過貴少少就可以慳水慳力。

 

我最愛的黑蓋的保濕滋潤系列（洗髮水：杏桃＆茉莉花香 護髮素：蘋果＆野莓香味），特點就係修復性強。

以植物性精華將受損的頭髮輕柔洗淨，撫平毛躁的同時還能深層修護，使秀髮變得保濕潤澤。

 

洗髮水：杏桃＆茉莉花香

 

輕輕一搓，都搓到不少泡沫
 

 

護髮素：蘋果＆野莓香味

比洗髮水硬身少少的膏狀，我大約按2pump，塗抹耳朵以下的頭髮

 

呢個就係用完之後，睇落去係咪超順滑呢？（利申：我無做/噴任何野，只係吹乾)
 

 

 

比你睇下髮尾Closeup

有圖有真相，無開叉唔乾
 

有無留意到 洗髮水：杏桃＆茉莉花香 同 護髮素：蘋果＆野莓香味 的香味係唔同架呢？

唔洗擔心兩種香味會crash或者聞落好濃好俗。

洗髮水：杏桃＆茉莉花香是甜杏與茉莉花的清新香甜香氣，而護髮素則是帶有蘋果與莓果淡淡香甜的氣味，兩者加埋聞落依然很清新很香甜，雙重香氣沒有衝突反而令人聞得好舒服~~

 

BOTANIST的洗髮護髮系列，係我強烈私心推介的產品，有機會一定要試下。

以上。

《mag為食紀》期待已久！中環「平平地」鋦個扒@ La Vache!

呢排食左幾間想左食好耐（由佢開到而家！）終於食到嘅餐廳👍 其一就係中環中價扒房 La Vache!

 

 

 

呢到book位要5位起，否則就要walk in。 之前來過知道walkin要等個幾兩個鐘所以放棄左，今次朋友7點先來登記（佢在有檯時會打電話通知），都等左大約1個鐘。

 

內裏環境都好似歐洲的bistro

 

 

 

餐廳只要一樣餐點：牛扒+任添薯條 每位$298

 

 

Drink list如下

 

我地點了house wine，橙汁 同 L'elixir (cocktail)

 

 

講左牛扒要幾成熟後，先送上麵包+沙律食住先

 

 

沙律個dressing（唔清楚係咩）似加左檸檬汁，酸酸味味好refreshing

 

 

吃完沙律後，牛扒大約係點左餐後30分鐘上 餐廳會在牛扒盤子下放了小蠟燭keep warm

 

 

 

我地3人都要medium rare，覺得比medium rare熟d d但可接受

   
 

外層煎得幾香脆、裡面keep到d肉汁，食落唔會好硬，肉質算柔軟 牛扒碟上有3種不同醬汁，番茄醬、芥末、蒜味蜜糖醬（？），我最喜歡係蒜味個個醬，不過其實唔點醬牛扒本身都好有肉味！

 

當然呢個價錢，唔好expect有好靚的牛扒，但以 出街食·中環·晚餐·牛扒 來講，呢個價錢好ok。

 

主角我反而覺得係個薯條，佢似麥當勞個陣幼薯條，灑上小小辣蒜粉味，次次添加時都係熱辣辣脆卜卜（就算攤涼左都仲係脆），真係好好好好食，好想無限添食🤣

 

食完牛扒+薯條都好飽、有點可惜食唔到甜品，佢d甜品就咁放係甜品架，一目了然，引死人，可惜實在無位食了。

 

總結覺得呢到算係一間以中環而言性價比算不錯的餐廳，難怪開了幾年都依然大排長龍。

 

 

 

《mag為食紀》唔止得米線嘅米線專門店 MiSS‧Mixian Sour Spicy 米線專門店

是日旺角做完facial，夜夜地又餓餓地，返屋企前係附近行下覓食。 經過呢間米線專門店，見到有個厚切豬排好似幾正就試下。 除了米線，仲有焗飯（隔離點左聞到好香）同埋一人一鍋（70幾蚊都ok抵） 我點了厚切豬排+春卷，米線轉巑岐烏冬，加凍飲+$3，total$57

 

 

 

 

厚切豬排+春卷巑岐烏冬 $ 54  

好快就上桌，豬排啱啱煎起，熱辣辣好香！唔算話好厚切，切開裡面唔乾都算juicy，醃料都算入味👍

   
厚切豬排  

 

算的是辣味番茄湯底，問左侍應話唔太辣先點應該自己食得小小辣程度only。來到即刻試個湯底，都幾辣下（小辣？），陣味變左有少少似羅宋湯，酸味幾強，食落有少少假，好在有幾舊番茄粒搭救。

 

 

烏冬話係巑岐烏冬，食落都好Q同少彈牙，有少少烏冬酸鹼味。 overall 呢個價錢以快餐來說算ok，個豬排👍，下次都係試下米線，話哂都係米線專門店（笑）。

 

 

少少補充：可能來嘅時間都夜，已經接近過晚餐時間之前可能有唔少客，但餐廳嘅清潔真係要加強，檯底大大舊春卷，周圍地下都髒髒der，檯面同餐具感覺都唔太乾淨

《mag為食紀》好味道鐵觀音卷蛋

Kumanon造型鐵觀音蛋卷 @ 「cha FOR TEA」 by 天仁茗茶 HK$108 好surprise，超出我期待的好吃。 雖然其實唔太食得出鐵觀音味，我反而覺得似焙茶味(hojicha)的甘香， 茶香很濃郁 蛋糕本身很鬆軟，中間的忌廉唔會太甜太膩 一條唔算大條，但係每人食細細塊，都夠6-7個人食 真心推介！ 題外話，雖然話係熊本熊造型，其實不過係張膠紙有熊本熊造型😂 收錢位哥哥好似好新，落單啊個d好似無咩經驗，公司應該安排個熟練d嘅做cashier

 

 

 

《mag為食紀》終於一試Uncle Tetsu

係將軍澳東港城一田「都島屋」對面就係Uncle Tetsu 一直又想試uncle tetsu的cheese cake但係又無機會 今次除了招牌日式芝士蛋糕，仲食埋東港城店限定的芝士味雪糕新地 《Uncle Tetsu日式芝士蛋糕》 HK$68

 

 

日式芝士蛋糕 $ 68  

 

 

 

sorry，真心覺得很普通。 雖然真係好鬆軟，濕潤，但味道不過係一般的日式芝士蛋糕味 受到熱捧相信主要係因爲價格算好便宜？ 《Uncle Tetsu芝士雪糕新地》 HK$48

 

 

 

 

芝士雪糕新地 $ 48  

 

用膠杯裝，上面有Uncle Tetsu芝士味軟雪糕加上草莓粒topping 下面有corn flake 芝士味軟雪糕真係有芝士蛋糕味（廢話），幾特別 加上酸酸的草莓粒這個配搭唔錯 但個人建議都係試軟雪糕筒（HK$28）就OK，因爲都差$20！

《mag為食紀》日本必食Cremia雪糕來到香港啦！都島屋 (將軍澳)

自從知道香港都有日本Cremia雪糕賣我真係超開心。 呢個每去日本必食的軟雪糕，如果你唔知道係咩，其實就係牛奶軟雪糕。

 

同一般軟雪糕不同，它的牛奶味係超級濃郁 （25%北海道鮮奶油(fresh cream)及12.5%高乳脂肪使用） 而雪糕筒的餅係類似白之戀人的餅乾-儂格酥（Langue de chat）

 

就算係日本，都係比較「高級」的軟雪糕，賣500yen（平時的軟雪糕大概3-400yen）

香港第一個賣的地方就係太古康怡「秋櫻屋」，第二個有售的地方就係將軍澳東港城一田「都島屋」。

 

得幾個位  

 

 

 

 

Cremia雪糕 @ 都島屋 HK$48

 

 

 

 

   
Cremia  軟雪糕 $ 48  

 

呢個價錢話貴又唔算好貴，我覺得可接受。 唔知係咪自己凝住，真心覺得同日本的味道有點兒不同。 日本的牛奶味真係好重，而且味道係好接近“真”牛奶/fresh milk 香港的味道雖然都係牛奶，但似奶粉味 日本的令我想再食多個，香港的就唔會 不過overall都係一個好食的牛奶味軟雪糕 如果係日本未食過Cremia的，都值得一試 P.S.個雪糕筒就完全一樣，應該由日本直接進口。 都有章魚小丸子賣

 

 

 

 

有章魚小丸子賣  

除了Cremia雪糕，當然要食埋pancake。

 

 

 

 

      
夏威夷果仁醬班戟 $ 50  

 

唔係而家被熱捧的souffle pancake，係結結實實的pancake/hotcake （類似麥記早餐個種） pancake牛油味好重(which i love!)，而且隔住玻璃睇住廚師整，一上檯熱辣辣超加分（係冒煙那種熱） 不過選擇的夏威夷果仁醬可能揀錯左 個醬係類似牛奶味，再有點夏威夷果仁，太普通 而且無忌廉又無雪糕，單調了點。 好在pancake本身好味道。 如果下次再來應該會選擇其它口味

《Trial》革命性肌底液！SOFINA iP 土台美容液

日本近年流行「碳酸泡沫」的護膚品，因爲碳酸泡沫的分子細小，容易滲透進肌膚。各式各樣碳酸泡沫洗面、爽膚水、面膜、防曬等，而其中最特別、最突破性的產品，就是SOFINA iP土台美容液（$420/90g）。

 

第一次看到SOFINA iP土台美容液的名字，大概每一個人的疑問就是--何謂「土台」？

 

原來「土台」在日文是根基的意思。而SOFINA土台美容液，顧名思義就是由肌膚底層提升改善肌膚質素。

 

 

經過30多年的科研，SOFINA發現皮膚的老化和身體機能之「血管力」有著重要關係，科研團隊認為要從以全身機能來推動，透過改善血管力來提升「土台之力Physical Power」，從而點燃「皮膚之力」，用全身的力量來孕育美麗肌膚。

 

 

「土台之力」是什麽？

 
 

在「生命美容科學」的領域中，血液循環系統、免疫系統、新陳代謝機能的運作效率，都屬於「土台之力」，當中以「血管力」最重要，是賦予肌膚美麗和健康不可或缺的力量。

 

隨著年齡增長，血管力呈現下降趨勢。另外，在寒冷天氣及睡眠不足的情況下，面部的血流量亦會較弱，難怪當疲勞、寒氣入侵時，面色特別容易顯得暗啞及憔悴。

而SOFINA iP土台美容液超越護膚領域，透過「微米碳酸泡沫」刺激皮膚的「感覺神經」，提高皮膚局部的血管力，使血管擴張，促進血液循環。

 

SOFINA 土台美容液使用的步驟是清潔面部後的第一步，即於塗抹化妝水及乳液前使用，便能從基礎開始提升肌膚血管力。

 

 

##要注意返，有別於一樣的泡沫產品，土台美容液是不需要上下搖晃，只需要直接按噴嘴就行

 

用量大約3cm直徑大小，已經足夠全臉與頸部使用。

 

一次用量已充滿2000萬個微米碳酸泡沫

1/100mm (10μｍ)的高濃度微米碳酸泡沫，由於比毛孔(約200μｍ)還要小，能迅速滲透至皮膚深處。

將土台美容液的極致高濃度微米碳酸泡泡點在臉部，再按摩到肌膚上，碳酸泡泡會像面膜一樣伸延開來，並迅速滲透到肌膚底層，使血管擴張，促進血液循環，塗抹後皮膚血管力上升1.5倍，激活肌膚「土台之力」，加速營養輸送，令隨後使用的化妝水及乳液滲透更佳。

 

留意返，雖然是泡沫，但是碳酸泡泡不像洗面膏濃稠的泡沫，而是較多空氣的泡沫，將泡沫分開點在臉頰、額頭、鼻子、下巴等位置時要小心不要弄破泡沫，點開後要立刻按摩到臉部（不然就會化成乳液狀滴落）

 

剛塗抹到臉上時會感到細微如碳酸「沙」～一樣的感覺，但不會有刺痛感，且不會刺紅。靜待約30秒等土台美容液大致滲透後，就可以使用之後的護膚程序。

 

試用了SOFINA iP 土台美容液約三個星期，我覺得肌膚的狀態有改善。

現在我的使用程序是 土台美容液 -〉 爽膚水 -〉 防曬乳液 （剛巧全都是SOFINA）

最顯著的改變是膚色比較均勻白皙，而且膚質更柔軟細緻。

 

 

SOFINA iP 土台美容液的價錢定位不算貴，加上嶄新的技術與成分，且效果不俗，很推薦給想提升增強自己護膚routine的人。

更多產品資料，可以到品牌網站：
http://web.sofina.com/hk/ip/mousse/

 

 

以上。

 

 

  *以上產品/服務以及有關的資料乃由該品牌提供。

 文章分享内容純為本人之個人意見, 如有興趣的朋友，請自行向該品牌查詢。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《mag爲食紀》抵食、味道OK--喜記蟹將軍：雙蟹宴

話說，同事見到免費報紙有蟹將軍雙蟹宴的廣告，$988/4-6位用，仲有$50 coupon，那平均一位就大約百幾蚊，有蟹有蝦有蜆，梗係即刻BOOK啦。

 

蟹將軍尖沙嘴分店位於Isquare，我地呢日book得早（平日6點多），居然裏面都有不少顧客。

除了雙蟹宴，因爲我地有7個人，我地另外加多一客金菊豆花湯（$55)，而每位計的火焰富貴蝦我地就無多點。

 

 

室内環境舒服

 

朋友不是個個都會吃很多海鮮，所以我地都另外叫了幾樣$66的特價小菜。

 

餐牌

 

雙蟹宴Details：

可供4-6位用
需另收加一與茶介（$10/位）

 

 

火焰富貴蝦

上枱時有點被嚇倒，因爲完全聯想唔到這個啫喱杯。
說好的火焰呢？侍應說之前已用火焰揮發菜式的酒精（?)
幾時？將道菜冷藏前的事？那火焰好像不太關事

這道菜其實有點似啫喱水晶餚肉個層啫喱加上瀨尿蝦肉。
瀨尿蝦肉本身無問題，但sorry我不太會欣賞個層不知道怎麽形容的味道（海鮮高湯？）的啫喱，所以只刮了下面的瀨尿蝦吃。

花甲汁火焰蜆

 

 

呢道菜的包裝都幾特別，是將蜆包在錫紙袋裏面，再在上桌後點火煮熟。
但一打開，有陣超怪的香味，好似女人香水般的人工香味。
雖然食落的味道唔覺得奇怪，但放入口個刹那聞到個香水味真係唔開胃
最後忍唔住同經理講，幫我地換過碟。
據稱係之前個碟的花甲汁落多左。哦哦哦，原來花甲汁=香水味，真係長知識。
換過之後個碟味道同香味即刻正常返，係類似清酒煮蜆。

金菊豆花湯

賣相係好靚（個豆腐半切絲好似菊花般），但味道非常一般

 

濃香啤酒蟹或娘惹咖喱蟹

我們選了濃香啤酒蟹。
有輕微的啤酒味，比較似cream sauce。
無算濃味，清清地，可以提升到蟹肉的鮮味。

 

喜記正宗炒辣蟹

超級好味！！！！！
個炸蒜蓉超級好味，完全可以拿來配飯。
同啤酒蟹一樣，其實個蟹都OK大隻（中size），都算多肉

古法豉油雞煲

意外的好味道。
雞肉肉質很嫩，

濃湯雲耳鮮茄浸時菜

幾好食，但菜略嫌少了點（比較多雲耳鮮茄菇類）

鮮蟹肉蠔仔泡飯

 好味！蠔仔都算OK大隻而且係鮮蠔仔
都有不少蟹肉，good

 

附送的番薯糖水

 

 

以上就係蟹將軍雙蟹宴的菜式，我地另外點的$66特價小菜有呢d

蟹油蒜香骨

（唔記得影）
OK啦，不太感覺到咩蟹油（=食到蟹味？無咯）
我覺得有點炸過龍，所以有點乾硬

海味雜菜煲

不錯！！

沙爹粉絲牛肉煲

粉絲有點太淋，味道不錯

 

黑松露蝦球四季豆

幾好，好多蝦球
朋友話都有輕微黑松露味

總結，每位$220（如果單叫個餐6位每人約$180），又有蟹又有蜆又有雞，我覺得很抵，當然不是所有菜式的味道都極好，但平均算不錯。一班人食飯想平平d食海鮮，蟹將軍的特價餐係不錯的選擇。