今次要試用的係我的愛牌Biotherm!
但試用的唔係皇牌護膚品/base, 而係Biotherm另一條都好有名的line，纖體塑身系列的新成員“Biotherm Celluli Laser Size.Code基因緊腹精華”。
大部分sis應該同我一樣，應該都係OL,一日坐到黑，平日又少運動，加上年紀越來越大，新陳代謝速度減慢，想唔變“小腹婆”都難！
而且原來本身腹部細胞的新陳代謝速度已經全身最緩慢，加上腹部的脂肪由於沒有骨架的支撐而失去緊緻度變得好容易積聚，真係“請肥肚容易送肥肚難”~~
Biotherm 呢支新出的「Biotherm Celluli Laser Size.Code基因緊腹精華」， 標榜的係 “10日緊緻腰腹 1個月擊退小肚腩”！ 聽落好神奇，等我黎試用下！
「Biotherm Celluli Laser Size.Code基因緊腹精華」的兩大纖腹成分：
1.纖腹成分Slimming Action – 達至做運動的功效
蘊含天然酵母萃取物Yeast Extract，能有效刺激膠原蛋白的生長，改善皮膚底層的彈性纖維組織，令腹部肌膚更緊實
2.嶄新研發的纖腹植物複合物Adiposveltyl™ Complex，揉合石榴籽油、荷花精華及咖啡因，活化AMPK激酶，重新觸發腹部脂肪細胞燃燒脂肪的動力，抑制頑固脂肪囤積，同時加速脂肪分解。
價錢&容量：HK$360/150ml ★★★★☆我覺得好ok, 唔算好平，但因爲大支，所以相對就用得耐d。密封的樽口，衛生安全。建議使用方法：早上 及/ 或晚上沐浴後，在腰、腹及胃的需要部份使用。建議配合按摩動作以達致更佳纖體效果。
但唔難推開，一開始時會感覺有d吮住，但因爲需要按摩，我覺得咁樣反而可以唔會覺得一下子吸收哂，慢慢按摩令佢吸收，效果仲好。
但唔知係岩定錯，我“met”d肉個陣，都有d痛......香味：★★★☆☆有別於Biotherm護膚品的招牌香味，呢個產品的香味是偏中性，我覺得有d草味（？！）。比起甜，是走清新路綫。使用1星期後的效果：★★★☆☆（其實應該係2星半）Sorry, 1個星期，我唔覺得有改變。肥肚d膚質，係有滑到。
但最重要的減肚肚，未見效。
但依然有2.5星，因爲我真係唔覺得based on 1個星期的使用係會變細腰，to be fair, so far我覺得無大問題，亦有信心繼續用落去，eventually係有效的，所以我比較寬鬆地評分。回購度：★★★★☆效果2.5星，但回購度高？！
有d奇怪，但同上所講，我覺得比d時間佢，我係會增加“效果”方面的評分，但1個星期實在難以決定有無效。單憑對Biotherm的信心，“回購度”我比4星！
「Biotherm Celluli Laser Size.Code基因緊腹精華」1星期試用報告到此完畢！
上次試豐胸，今次試纖肚肚，喂，其實我比較想試V shape面喔！
以上。
