【試用】捍衛咪咪大行動！

胸部,作為女人的性徵,已經由單純的功能性(哺乳),變成女人的一大"武器".
好多女人的煩惱都是源自此,真的是無又煩,有(或者應該是太大?!)又煩.
在這個「瘦=美」的社會,大部分人的煩惱,可能是怎樣才可以變成又要瘦,又要大!
可惜胸部主要構成是脂肪,脂肪少/瘦的人通常的會比較小,如果你有這煩惱,CLARINS新出的美胸產品就可以幫到你!

作為歐洲美胸專家,CLARINS的幾個皇牌產品都是關於胸部的保養.最近新出的BUST BEAUTY LOTION主要針對的就是Enhances Volume,特別為小胸部而設.配合獨門配方Voluform,可以增加胸部的脂肪細胞,及提升儲存脂肪的效能.

那如果非常幸運地,你沒有咪咪大小的煩惱,這個含有越南奶果&有機溫柏果萃取精華的LOTION,亦可以促進彈力膠原的增生及強化,提升胸部線條,及令肌膚更柔滑.

體貼的附上了產品說明及一個小環保袋

盒上有清晰的產品簡介/盒底印明"made in France"+有效期為開封後18個月等資料

美美的磨砂瓶+緊密的開口

CLARINS的3款美胸保養品的使用次序&按摩手法

有別於很多的美胸保養品,這產品的質地是乳液狀.塗抹起來不會覺得像Gel狀產品般膠膠的,有層膜一樣.吸收很快,不油膩.

個人屬於幸運(?!)一族（如果這麽肥還airport....就太可憐了吧！）,咪咪size中規中矩,但踏入熟女年紀,咪咪跟臉部和其他肌膚一樣,絕對需要促進彈力膠原,防止皮膚鬆弛!

不想胸部下垂,原來除了咪咪外,下巴到咪咪,即鎖骨,胸口的一大片肌膚,亦是決定胸部的豐滿&胸型的美觀與否重要的一環.所以建議的按摩手法,是由下巴,繞過胸部下方,到頸部一圈.

使用一個星期後,產品標榜的更豐滿/更緊實效果,暫時未看到.但是咪咪&胸口的肌膚,明顯變得比較幼嫩~~yeah! 雖然開始使用的時候,我有擔心會不會令我胸口的粒粒更嚴重,可幸的是並沒有令我生粒粒,而且剛好這段時間使用的肥皂令我胸口的粒粒好很多!所以跟我有一樣困擾的姊妹們,可以安心使用!

【試用】寧做剩女，莫做味女！QB 3 Steps 試用！

唔好誤會，我唔係試用R牌產品，不過係借用一下個term jeh.

 

夏日炎炎，除了怕曬黑外，另一樣怕的就係熱出一身汗，除了濕到一噠噠的汗跡不雅觀外（君不見報章雜誌最中意影女明星腋下兩噠汗跡！），最最可怕的就係臭汗味！！試想下，你自己已經一身汗笠癡癡時，再係繁忙時間逼地鐵，身邊一堆不怕笠死你的男女+各種不同體味的混合，係幾咁噁心！！

 

唔想成爲人人厭惡的味男味女，除了要養成使用止汗產品的好習慣外，亦要慎選有效的止汗產品，唔好貪個香字，亦要真係止到汗先好！

但我發現，止汗產品雖然琳琅滿目，但for腳部的止汗產品並不多。雖然係香港，係屋企外的地方脫鞋的機會沒有日本多，但萬一你要試鞋，或突然要脫鞋的時候，一陣“香味”飄出都令人很尷尬。

 

之前其實行雅施的時候，就已經有留意過Quick Beauty 呢set 止汗產品（無法啦，香港腳部止汗產品choice不多）感覺好似好pro，但因爲價錢挺貴的，（QB止汗香體膏 5g $78/30g $296!）所以一直無機會買來一試（咁貴，買左唔work咪慘！

）。好好彩，見到雅施FB有呢set旅行裝的試用，又比我中到

！等我試下work 唔 work先！

 

試用的產品係QB 3 Steps，内有QB藥用止汗肥皂，QB藥用止汗潤膚液，QB藥用止汗膏 （無香料、無着色）

 

 

 

等我講下自己的“狀況”（？），我係一個朝9晚6的OL，平日最愛著平底Ballerina（唔著襪），有使用止汗SPRAY的習慣（for both 腋下&腳部）。但係呢排咁熱，雖然我曝露係室外的時間不過係返工的短短30分鐘，但係返到office的時候，腋下已經有d汗（太陽暴曬+趕頭趕命追車

）。一日下來，腳部都會有少少汗&異味。

（止汗SPRAY我只在出門前用，不會補噴第二次）

 

為左準確地試用QB 3 Step的功效，搵左個朝早早d起身shower，用了QB藥用止汗肥皂沖涼，再用另外2樣於腋下&腳部這些多出汗的位置。

 

Step 1 QB藥用止汗肥皂沖涼---〉雖然見到雅施FB話只用於出汗嚴重的地方，而非用作全身清潔使用。但我睇過官網，係可以全身使用的，因爲其中一個功效就係可以減少暗瘡的產生！！應該有好多人背部，甚至胸口都會有粒粒，呢舊肥皂都可以有效清潔！當然，如果你身體無生粒粒的問題，亦可以專用於出汗的地方，因爲要慳d洗！

唔想舊soap融哂，我從別的blogger到偷師把舊soap切一小塊一小塊咁用
Step 2 after shower，就用QB藥用止汗潤膚液@多汗位置，如腋下/足部。

Step 3 等潤膚液乾左，就用QB藥用止汗膏。建議用量係一粒小豆（？！），即約5mm的大小。官網建議係1周用1，2次，或者覺得有味味，需要時用~

 

用後感：

肥皂：用少少已經好夠，感覺好d乾，用後一星期，心口粒粒好似生少左！

潤膚液：我唔明點解叫“潤膚”液，介紹完全見唔到提過任何關於“潤”的。主要的功效不過係收緊毛孔，減少排汗。水溶性的質地，好快吸收同乾！

止汗膏：講起cream，大家可能會覺得會笠，但係係完全唔笠，仲好快吸收，好乾爽。搽完lotion後，再搽cream，唔洗怕要等乾，即刻着衫着鞋都無問題！

 

今日早上一樣都係34度，陽光普照，但比起平時，返到公司我雖然個身有少少汗，比平時出少左d! (平時我要濕紙巾抹一抹身的

)。腋下有微微滲汗，亦比平時少！最犀利係一整日，完全無出腳汗（= feel 唔到有濕！）。但腳仍然有少少味，可能係對鞋本身的膠味，但比平時已經淡d。

 

Overall 我都十分之滿意！雖然價錢係貴左d，但係真係堅有效！！（有睇過我其他試用文的，都知我好少咁咬牙鐡齒讚）。尤其係對於不時找尋有效的腳部止汗的我，簡直係非常滿意！

可惜3樣一起用，我唔sure會唔會只用一樣都有唔錯的效果，如果3選1，我會選止汗膏，感覺係最有效之餘亦方便用！

最後感謝雅施今次的試用機會，不過亦因此賺到個會回購的客仔（i.e.我

）！

 

至於詳細的產品介紹，或者成分，使用方法，大家可以參考QB的官網。有英文version，唔怕睇唔明日文啦~

QB website: http://qbqb.jp/

【mäg談食2】非一般的方包☞Danish Bread@BO-LO’GNE

我是個對食無乜特別要求的人，亦唔太會周圍去搵新野食，好在家裏有人是我的相反，所以我安在家中都可以食到好多熱門的野食~

前陣子，家裏買了這個面包，是類似我好懷念的日式厚麵包！但更正的是這麵包的“皮”是danish bread （所以呢個麵包叫Danish pastry），而且麵包好重牛油味！！我好中意酥皮&牛油，呢個麵包就正中下懷~

而且原來係熱賣野，上網一search發現好多人讚過！是日本過江龍BO-LO'GNE的招牌麵包。（可惜我孤陋寡聞，係日本的時候未聼過，原來係店鋪設于Kyoto）

官網介紹：

    BO-LO'GNE是一家代理和銷售博洛尼亞面包的專業面包店。
   折後有81層的丹麥面包系列 傳說博洛尼亞是第一個在日本牽起吃丹麥面包的熱潮。在京都誕生，流行到日本全國，被稱為魔幻的面包 獨特技術制造成出美麗的大理石模樣，外面香脆裏面柔軟，味道鮮甜，就好像吃糕點那樣美味有奢侈的口感。

廢話少講，看圖！

我仲嫌唔夠肥，再加牛油！！（要“真”牛油，Say No to Margarine!）

 “我肥，但我好好味！”

塊麵包本身已經有牛油味，烘左之後，外面的酥皮有d脆，麵包依然係好鬆軟！

上網search, 原來BO-LO'GNE有間Cafe, d Toast正到！！雖然好想好想好想試，但唔多就腳......

“借用”Openrice上的相（唔係我影的！）下次要參考Cafe的做法！

Openrice Link: http://www.openrice.com/restaurant/sr2.htm?shopid=32153

好似好食到暈！！！

有機會一定要一試！！



以上~

大愛的泰國餐廳--金泰燒烤

作爲一個極度lazy發文, 但blog齡耐的老blogger, 我仍然有一個“壞習慣”就係出街食飯，菜一上第一件事唔係起筷，而係影相！好在而家已經演變到由全枱得我一個，到現在全枱大部分人都影("thx" to fb/i瘋 & 微博)，幸好都可以係d餸凍之前開動！

 

積埋積埋太多相，就決定寫下Dining blog. 不過我個人太懶試新野，所以應該都係幾篇貨仔only，呵~

第一篇的dining blog, 就介紹下我大愛的泰國餐廳....位於九龍城的金泰燒烤！

雖然有兩間鋪，一間超細，但因爲開放式，遠遠都聞到串燒香味引你埋去！！轉彎就係大d個間，但一般dinner time都好多人。美中不足係好似waitress唔多夠，同埋可能係分工，落單係某1，2個人，所以次次落單都要等一陣！好在落單後唔會話等好耐先有得食！

 

平時一家人去食，通常都係哎4-5樣野到，今次難得10個人去，可以哎好多野！！

叫得《金泰燒烤》，出名的當然係燒物！呢到最正的係全部都係即叫即燒！！碟碟上枱都熱辣辣！

 

個人最愛: 燒雞翼！ （燒~雞翼~我中~意食~）

下........居然無影到相！！！

 

 睇呢個人個blog啦，d相靚過我個d!

 

http://carjaswong.pixnet.net/blog/post/25755670

 

串燒：叫左豬牛雞&雞肝雞腎

最好食的係豬肉，juicy得黎又唔硬。其他的都好味！

 

第二推介：燒大蜆

 

成隻碗咁大啊！

 

 

第三最愛：濕炒海鮮河，唔好以爲係海鮮芥蘭，有d河粉埋藏左係底。我覺得以前好d，最近d河粉少左，以前2個人齋食呢個都ok, 而家d粉唔多夠......

 

又一最愛（好多最愛啊~）烤GARLIC BREAD都超好味，我中意就咁食，但用黎點咖哩都一流！

 

咖哩雞，唔辣，有少少甜添，仲要打左隻蛋落去煮，所以有d蛋味，幾好吃！送飯點面包一流！

 

炒菜都好好味！全部都好有鑊氣好惹味！

呢個係馬拉盞炒通菜，另外叫左蒜蓉炒菜&炒雜菜，全部都好好味！

 

春卷.....一般

 

菠蘿炒飯.....不錯

 

另外無影相的仲有:

泰式鳯爪 （可以接受的辣度！好味！）

生蝦刺身 (新鮮！)

炸蝦餅 (唔好味)

可能有漏左的........

 

有機會到九龍城的一定要去試下啊！

 

以上！

 

Openrice link: http://www.openrice.com/restaurant/sr2.htm?shopid=10362

【買物】復活節血拼@旺角

一連4日的復活節假, 大家有去外遊嗎??

我就留係香港刺激本地消費!

星期日個日, 跟好友下午去最常去的花園街&旺角血拼!

花園街真係大大話話行左10幾年, 有少女時代到熟女年代, 雖然d衫越黎越細件(每次拿起d褲, 都覺得"係人著架?!"), 同埋越黎越貴, 但係我都係咁愛行!!

 

係花園街買左vintage風碎花one piece/ layered border背心/washed blue打底背心 (有色差, 因為夜晚我房的燈影響到拍攝效果><)

可惜買唔到鞋, 最鐘意的izuma真係越黎越貴, 全部都差不多139蚊起,真係再無個支100蚊樓下的歌仔唱, 真係百物騰貴! 而且對對wedges都高都飛起, 其實我好想買對豬肉"劇", 但對對都好似踩高撬咁好難搞喔

 

 

light dinner 之後, 去左旺中. 唔好以為旺中只適合妹妹仔去(okay, 實際上都係妹妹仔最岩行~), 裡面賣袋啊賣襪啊都唔錯. 本來都唔乜收穫, 因為旺中d clothes對我呢個肥豬仔黎講太細件, 但居然比我買到條khaki work pant, 不過$90!! 雖然效果普通, 但我好少買到咁平的褲(通常要h&m, zara個d有大size的先買到), 所以都抵!!

 

旺中之後, 例行h&m同對面的cotton on, h&m例牌超多人, 個人比較中意中環個間, 加上行得好密, 無收穫!

 

殺去cotton on. 自從cotton on 開左之後, shopping 可以行到好夜! 去到發現比平時多人, 原來做緊Easter promotion, 全店30% off. 不過cotton on d衫我一向普通, 反而中意佢d roomwear & lingeries多d. 去上面個層, 哇, d鞋好似掃哂落地, 成個垃圾崗咁, 唔係講笑. 成地鞋無人執, 行都行唔到要涉"鞋"而過. 不過真係好抵, 我都掃左2對!!

 Cotton On 戰利品

 

主打係鞋. 涼鞋係夏天必備, 米色wedges意外地舒服, 所以入手!

上面2樣, 一件係每個衣櫃都有的白色cotton 背心, 一件係corset. 其實corset應該無乜用, 不過我有舖買lingeries癮. 而白色cotton 背心, 估計應該係有類似的(邊個會無?!) 但實在太平, 真係唔買對唔住自己!! 本來以為30% off 係original price, 點知原來係全單!! 最後買4樣野都不過係2百幾, 平到傻左!! 

Happy Easter! Happy Shopping!

 

p.s. 你地估下件白色cotton 背心折實後幾錢??

 

 

 

 

 

 

Ans: HK$14!!!

不做黃臉婆!! 試用@CLARINS UV PLUS HP清透美白防曬乳

今次好開心被抽中了BE x CLARINS的 試用活動！

對於CLARINS,我的印象有三，分別是塑身產品，蘋果光粉底產品&小S(之前TW代言人)。感覺CLARINS的產品都是比較適合輕熟女，可能是品牌形象高貴的關係？！（完全的誤解！！！）

但其實話説10幾年前我已經用過CLARINS的塑身產品，反而skincare/makeup就沒試過。時隔10年後，可以一試他們的skincare!

上次去完S牌的工作坊，再一次了解到使用防曬產品的重要性！除了防止即時性的曬黑&皮膚老化，紫外綫會沉澱在皮膚底層，形成色斑，令膚色暗啞，又會產生皺紋！所以就算一直在室内（office，屋企）的，都不要以爲曬不到太陽就不用防曬！但如果一天到晚都要使用防曬，感覺好像會增加肌膚的負擔，所以我會選擇比較light的防曬乳！

這次試用的，是CLARINS清透美白防曬乳，包括健康色調貨size及自然色調試用裝各1支。

讚：*SPF40--->防曬（UVB）40小時！
*PA+++--->防UVA最高數值
*oil free
*100%礦物成份
*made in France
*含源自法國普羅旺斯的卡塔路爾有機哈蜜瓜精華，加強細胞對抗初代抗氧化物，減少肌膚氧化與DNA損害，從內截擊氧化及肌膚衰老

顔色：潤色(少少粉色)及自然色(透明)
質地：乳液狀
使用步驟：所有skincare/面霜後使用！

不知道大家是不是跟我一樣, 對於防曬產品是又愛又怕, 因為好多時高度數的防曬產品都會油立立, 感覺好heavy, 最惡頂的是那種防曬太陽油味!!!

所以我一直都想找一支清爽, 不油膩, 不會感到厚重, 不難聞且度數高的防曬! 居然給我在這次試用中找到!!

質地雖然同是乳液狀, 自然色比潤色再稀一點點, 但兩者都好容易推!

雖然說是潤色(pink tinted), 但個人認為跟自然色(transparent)沒甚麼差別, 兩者都有會令膚色看起來白皙一點(見下圖!), 而潤色就比自然色再閃一點點, 所以皮膚看起來會再明亮一點! 但這產品完全沒有遮瑕效果, 所以單用這個, 除非是皮膚狀況很好的人, 不然可能要用一點遮瑕for 黑眼圈etc, 但單用這支已經可以大大提高肌膚的明亮度和透白度!!!

 

見紅圈, 可以清楚看到"邊界線", 有用CLARINS清透美白防曬乳的明顯透白明亮很多!!!

這產品的香味, 完全沒有太陽油味, GOOD! 個人認為這香味可以接受, 我不懂形容這是甚麼香味, 不是花香不是很人工的香味, 有點似以前護膚品的味.....(玉蘭油之類...) 雖然不算香, 但完全可以接受!

搽上面, 完全不感到油膩, 反而感到有少少乾, 所以真的要做夠保濕才用!

搽完後用面油紙Test, 居然是一點油跡都無!!! 反而有少少令了, 可能是產品有加到令皮膚閃亮的成分?!

當然產品的美白&抗氧化成分在這次試用沒辦法試出來, 但So far 我對於CLARINS這個防曬乳都十分滿意, 因為完全我對防曬乳的要求, 夠light, 無負擔, 度數夠, 而且會令皮膚透亮, 在不想化妝讓皮膚休息的日子, 用這個出街就不怕變黃臉婆啦!!

 

我要白!白!白!@SOFINA 完美淨白底妝工作坊(產品試用篇)

ok, I'm guilty! 遲了好幾天才發, 又發出這麼hea的文.....請見諒, 無奈我剛轉工, 實在是忙到爆錶!!

上兩個禮拜去了she.com x SOFINA的完美淨白底妝工作坊, 得到（自己）史上紀錄最SO的試用產品5樣, 今次就要講一下result!

首先是美白新產品Whitening Essence  全效淨白精華素 & Whitening Stick 淨白重點去斑筆.


使用方法是每天早晚在塗抹toner/乳液後，取適量（直徑約1.5cm）在整張臉上均勻地塗抹全面。
然後，在色斑部位/或者需要特別加長的地方塗抹淨白重點去斑筆。

Whitening Essence  全效淨白精華素 50g/HK$720 & 22g(1個月)/HK$370

 《---- 整面一次用量
1. 滋潤度★★★★★
2. 滲透度★★★★★
3. 皮膚透白度★★★★
4. 淡斑度★★★★

Whitening Stick 淨白重點去斑筆 3.7g/HK$450

1. 滋潤度★★★
2. 滲透度★★★
3. 皮膚透白度★★★★
4. 淡斑度★★★★★


My Comment:
試用期為2星期！其實個人很怕寫關於護膚品的試用，因爲1-2星期實在難以看到明顯的效果！（太快看到效果我反而會怕！）
為了更有效果， 我使用方法是Whitening Essence  全效淨白精華素 & Whitening Stick 淨白重點去斑筆都全臉搽（不要怕會overdo, 因爲BA當日就是這樣幫我塗的！），然後眼部/暗瘡印/斑點位置就再用去斑筆搽！Essence乳液狀好易推&很快吸收！而去斑筆是唇膏狀，可以塗在比較細微的位置且用起來很方便！

請看Before&After相！！(有些色差因日光下拍&室内白光下拍的分別)

兩星期後可以見到鼻樑&臉頰的暗瘡印淡了很多，已經接近不見了！
眼角下的色斑，還沒看到明顯的分別....
眼部周圍&鼻翼下方顔色淡了點，整體膚色均勻了！暗啞減少了點！讚！
以美白精華素來説，這價錢適中，而且效果不俗，回購度挺高！



之後就是SOFINA Primavista的春夏新底妝妝物, 今次試用的有Long Keep Base UV持久控油底霜, Multi Cover Base UV 3合1完美遮蓋底霜 & 柔亮持久粉餅．
這3款產品都有SPF20 (粉餅是SPF25) & PA++，就算不用防曬都不怕曬黑！而且都有洋甘菊精華的保濕成分，無香料&通過過敏測試！

 左至右

Multi Cover Base UV 3合1完美遮蓋底霜
1. 控油度 ★★★
2. 上妝服貼度★★★★
3. 遮瑕度★★★
4. 持久度★★★★

Long Keep Base UV持久控油底霜
1. 控油度 ★★★★★
2. 上妝服貼度★★★★
3. 遮瑕度★★
4. 持久度★★★★

柔亮持久粉餅
1. 控油度 ★★★★
2. 上妝服貼度★★★
3. 遮瑕度★★★★
4. 持久度★★★★★

My Comment:
2個底霜產品，很明顯賣點不一。
tube型的multi cover base UV, 賣點是只要這一支就可以有效遮蓋毛孔、色斑・雀斑，還是暗啞！
略帶膚色，所以單用這個後膚色已經變得均勻，毛孔完全cover到。質地帶點creamy, 但不算難推。我覺得如果皮膚沒什麽斑點的/黑眼圈比較淺的， 單用這個已經可以出門了！
而油性皮膚/或者OL早上化妝想要last到晚上的，就可以用Long Keep Base UV。這支看起來有點像防曬乳液，用前一樣要搖勻！質地比MCB稀，相對的更容易推開及吸收。無色，塗上後膚色會變得有點透亮！但遮瑕度比MCB低，黑眼圈/斑點不覺得有被cover到。

講完base到粉餅了！自從我開始化妝以來，我一直都是粉底液派（現在變成BB cream派），所以粉餅我是完全的新手！個人對粉餅的印象是，方便補妝，粉感比較重！今次試用Primavista 柔亮持久粉餅是人生初的粉餅！

很意外！！意想不到的持久！個人是很少在補粉底的妝，頂多用concealer補補黑眼圈。這次用multi cover base UV + 柔亮持久粉餅化的底妝，有早上9點(AM)到淩晨12點 (Midnight)，可以見到脫妝的只有鼻翼部分的一丁點！！眼下的是mascara掉了.....看我上面的素顏相就可以發現眼部周圍暗啞/暗瘡印/斑點都還是有效地遮蓋住！

平常我如果用BB cream + 碎粉，朋友都不知道我有化妝，因爲見面的時候都掉光光了！這次用粉餅化的妝，還是確實的存在！

但缺點是，可能我不太會用粉餅，粉感還是比平常重，雖然朋友並不覺得（要我特地問認真看才覺得好像是比平常粉）！但拍照就一流，膚色簡直是perfect! 絕對是可以推介給所有容易脫妝&想要妝容保持一整天的姐妹們！

以上！