癲佬秋葉原殺人事件

呢2日日本最熱哄哄ge話題一定係星期日中午發生ge大屠殺. 因為我個人比較背ge關係(無睇news嘛), 都係尋日同阿咪講電話, 佢話我聽日本有人係條街到亂砍人, 不過佢話我聽o係千葉 (點知係錯左), 加上佢太清楚我呢個懶鬼星期日係唔出街ge, 所以都無話點擔心.

全世界都知呢單新聞啦掛, 我都無謂copy and paste啦, 簡單黎講, 就係有條癲佬無啦啦駕貨車闖入秋葉原的行人專用區，橫衝直撞輾過d人 ，再跳下車用把刀見人就桶,  搞到7死11傷. 比警察一攞支gun對住就棄械投降. 佢犯案ge理由居然係「我厭倦生活，來秋葉原是為了殺人，殺甚麼人都好。人人都很好，我是獨行俠。」

今日返學, 即刻有同學話佢地咁岩個個時候都係秋葉原, 又話甚麼早行出去3分鐘就見到個犯人, 佢地都見到d傷者, 真係好彩!

Anyway, 我剩係可以話條友真係癡X左, 呢d真係生舊叉燒好過生佢. 自己癲就好, 咁厭倦生活咪去自殺囉(反面教材)，做乜要搞人地. 比人攞支gun對住就投降, 又唔癲得哂喔("正常"應該自刎之係) 我話佢父母就慘啦, 一定比d傳媒起底, 唔知洗唔洗道歉添架, 仲要比人指指點點. 唔知佢會唔會被判死刑呢 (我而家先知原來日本仲有死刑)?

其實黎左日本住之後, 都覺得其實日本d治安唔係話十分十分好, i mean 當然好過美國啊香港咁啦, 不過周不時都有呢d殺人事件(要知道我呢個人係幾咁背, 我知道ge都不過係小部分), 前陣子有幾單女子高生被殺, 又有一單有個人潛入同大廈一個女仔個單位殺人(inside story我就唔清楚), 總之大家就小心門戶啦!