好快就到3月尾, 將要到日本讀書的朋友應該準備得如火如荼. 我自己本身就有2個朋友會黎日本讀日文 (唔知點解日本突然變得咁熱門), 而另外好多今年係日本識ge同學, 都係呢2日歸國. 感傷ing.
我呢, 就會繼續係日本讀多一年日文, 可能係繼續浪費時間, 但係希望可以有得著.
其實我真係好幸運, 雖然香港人出國讀書ge機率都幾高, 但係好似我呢d一把年紀仲可以繼續做學生不事生產ge應該都唔多啦. 當然, 我個人係建議出國要"親"早, 唔多唔少我都有少少後悔當初大學畢業之後無即刻去日本. anyway, 做人後悔係無用ge.
無端端有d感慨, 我相信睇我blog ge blog友, 大部分都係想去日本留學/好中意日本. 我奉勸各位想黎日本讀書ge人, 真係係要好中意日文 (唔只係中意日本咁簡單) 先好. 如果唔係, 有機會留學ge人, 我會覺得去歐美, 英澳呢d 西方國家會更實際, 最重要係更開心. 日本, or I should say 東京 as a place, 真係唔係好討喜. 唔好以為你去東京旅行好開心就當係, 旅行同讀書/生活完全係兩回事. 咁當然呢d野好個人, 有d人比如好中意日本artists, 咁黎到日本當然係會好高興啦.
開始語無倫次, 總之祝願黎緊要出國讀書ge你有快快樂樂ge一年!
又看見櫻花開了，心裡有點怪怪的，我身邊都好多朋友會返去，唉~~
ReplyDelete你係咪都會喺原校讀呀？
[版主回覆03/22/2009 01:33:00]我都係, 感慨ing.
唔係啊, 會轉到另一間學校.
你呢? 好耐無見你update blog啦喔
你講得無錯呢~ 的確, dream & reality 係好唔同 ! 不過經歷過才明白自己真正得到的, 無論好 / 壞, 都係一次好寶貴的經驗
ReplyDelete[版主回覆03/22/2009 21:13:00]係啊, 我個人就普通, 希望你黎緊會過得好開心啦!
你幾號到?
我 4月3日到呀~ 有機會都想係日本見見你
ReplyDelete你係新的學校都要好好加油, 有o野唔知我都會繼續搵你呀~ 希望你唔好介意呀~
[版主回覆03/23/2009 02:32:00]hahah, 好啊, 橫點我地住得好近, 哈哈
no problem! 我答到你ge會儘量幫你!
我有KEEP住睇你個BLOG架呢一年....
ReplyDelete我就算未黎, 都明白一定要非常鐘意日本先好黎讀... 因為真係同旅行唔同.... 我鐘意左十年喇...希望黎到都頂得到啦... D難題會飛埋黎架喇.....
我都係諗住讀兩年架,. 不過我淨係報左一年名架咋(我學校冇2年普通COURSE, 所以我要分開報) 我有咩唔鐘意, 轉學校都可以嘛.. 雖然我唔希望... 你係咪一年過報左兩年??
[版主回覆03/23/2009 16:56:00]多謝睇我個無聊blog阿.
你都係今年學生? 邊間學校阿? 最緊要係你黎ge時候都好中意就得.
其實讀日文, 通常都係一年/年半course, 基本上係無2年course ge.
如果轉校, 唔係唔得, 不過唔係間間學校肯做架, 所以一定要留意返.
我唔係, 一開始都係讀一年, 但係因為覺得無夠, 所以想留多半/1年.
我JET呀.. 我覺得學日文應該1.5年夠架喇, 但我好想留咁耐得咁耐, 總之一定唔會一年咁少.... 但係, 到時十月我再報, 係咪又要出多次存款認明果D??咁咪好煩???
ReplyDelete[版主回覆03/24/2009 23:33:00]hahah, 咁你可以考慮讀專門學校/大學(院)個d. 如果你有學開日文, 無必要讀2年~
應該唔洗, 我今次做visa都無提供到.
我就快去日本啦。
ReplyDelete好似你一样，大学毕业之后至到日本读书。
有 D 0野想请教下你啊，你试过係日本生活最低消费ge哥个月係几YEN
[版主回覆03/27/2009 00:04:00]呵呵, 我係後悔當初無好似你而家咁, 大學畢業之後就到日本, 我畢業之後係有做野.
唔計房租個d, 大概每個月都要4萬左右.