Happy Friday 第一彈: しゃぶしゃぶ--> すき焼き

最近呢2個星期, 都變左星期五出去, 亦因此星期六做宅女, cuz 通常都會太tired唔想再出去.

上個金曜日(5月9日), 我地一行8個女仔去阿健屋企しゃぶしゃぶ, 美其名就係 house warming, 實質為搗亂!! 放學後, 我, Ms J, Ms K, ラさん先去買下野, 之後就上阿健屋企. 佢屋企係車站隔離, 真係好方便. 而且都好新下, 入大門要入key 按密碼, 唔似我個度推門就入得

上到去, 係普通1DK, 都算唔錯. 不過個廚房(open kitchen)好細, 只能容立一個人. 咁Ms J就係到準備d料, 我就順理成章地坐埋一邊抖涼 之後其餘ge人都上埋黎, 我地差不多5點幾6點就開始食........不過我覺得我地最後似食すき焼き多過しゃぶしゃぶ. 不過真係好抵, 我地連野飲, 每個人都係500yen左右!

　            Ms J 辛勞ge背影                                 いただきます。

 

 

見唔見到後面有個人唔望鏡頭? 就係OO さん ......... 

 

 好忙啊食野!!

中間有一個小插曲, 話說我地開頭以為健ge同屋OO さん(化名)都會一起食, 咁我地個個都唔算識阿OO さん, 但係好搞笑地, 原來OO さん就係我同事ge朋友ge朋友, 我黎日本之前都叫做同佢email過一次, 交流下咁ge. anyway, 咁阿健同我地講OO さん有野做出左去, 唔洗預佢. 之後又話佢會返黎, 咁橫點我地有野食, 一齊食當然無問題啦. 點知阿OO さん一返到黎, 剩係問左阿健一聲用電腦, 完全無理我地個堆 "hello", "唔好意思打搞哂"ge 問候話.....之後唔知阿健定邊個話, 不如介紹下啊. 點知阿OO さん話 "我而家整緊野, 唔得閒".........我地個個O哂嘴 + 滴哂汗.

(不過我咁樣講人, 好似有d d 衰咁..............)