《mag爲食紀》豪住食！打邊爐@金撈老鴨湯刺身火鍋專門店

香港人，除了飲茶之外，最中意應該就是打邊爐！是一年365日都會去打個種（定係只有我？）

今日約久未見面的朋友去打邊邊，想係公司附近搵間近近地，又有d特色的火鍋店，係OP search左一輪後就搵到呢家「金撈老鴨湯刺身火鍋專門店」。用鴨湯做火鍋湯底好似未食過，又見OP食評都幾好，就決定去試下啦。

 

「金撈老鴨湯刺身火鍋專門店」個位置都幾「格攝」，我係TST行過去都要用Google map搵少少路先搵到。如果由Austin站行就最近，大約幾分鐘可以到達。

 

 

可能因爲平日的關係，我們到達時只有一桌客人。（後來陸陸續續有不少客人來，加上裏面有房間，都有5-6成滿）

 

二話不説就拿起餐牌看看有咩好食！

 

湯底的選擇都挺多，我們第一次黎，當然點金撈富貴老鴨湯試試。（因爲只有三人，所以點了半隻）

 

 

哇，金撈富貴老鴨湯非常足料，一上桌煲滾後，忍不住立刻倒一小碗最純粹、未被其他火鍋料「污染」前的鴨湯飲用。

 

 

除左有半隻鴨外，還有滿滿的蟲草花、素翅等。
鴨湯本身味道非常濃郁、美味，藥材味不會過重，
其實好像加個麵直接來碗鴨肉麵（笑）。

半隻鴨都有好多鴨肉可以食，店家更體貼地提供鴨肉的特製沾料，辣辣地零捨開胃。

 

 

混醬的材料都有很多，梗有一款你喜愛的。

 

除左火鍋外，「金撈」也主打刺身，所以亦有很多海鮮刺身的選擇。

 

 

另外牆上亦有很多時令推介，但今次我們就無點刺身，可能下次來才試吧。

 

當我看到餐牌上的火鍋料時立刻兩眼發光，因爲有超級多新鮮海鮮可以點，而且價錢仲幾合理，yeah~（撒花）

 

點了我最愛的桂花蚌，另外試左「金撈」的特色火鍋料——特色蝦條。

桂花蚌 $108
以呢個價錢黎講算幾大碟。桂花蚌全部都切的很厚，而且大大片，唔似某d餐廳切得很碎很薄。
味道清甜，蚌肉質地又嫩又新鮮。

特色蝦條 $58
好似魚皮餃般的外皮，裏面有蝦肉同豬肉混合，好似泰國蝦肉條般的火鍋version。
肉質很鮮甜，鹹鹹地，味道幾特別。

 

聖子皇 $38/隻 & 大花甲 $88

聖子皇貴就貴左少少，但真係好大隻，超級鮮甜，啖啖肉！

大花甲$88有6隻，算挺便宜的，而且花甲出了殼大之外，花甲肉都大粒，又沒有沙。
「金撈」的海鮮質素都很好。

打邊爐點可以無炸魚皮？

炸魚皮（$28）勁脆，掃過少少火鍋湯底，沾上一點點濃郁的鴨湯，依然Keep到個爽脆度！

 

手打丸同滑都有很多種，看到「神秘手打丸」就點黎睇下有咩神秘可言？

叫了半份，四粒$88有點貴。

原來，用料高級，難怪這個價錢。

 

「神秘手打丸」其實就是—— 鵝肝蝦丸、芝士手打丸、黑松露丸、奶黃丸。
我吃了鵝肝蝦丸，蝦丸超級爽口彈牙，裏面更有一粒鵝肝，口感特別。
朋友吃了流新奶黃丸，覺得味道很特別，原來裏面的奶黃係同半島的奶黃月餅一樣配方，難怪味道這麽出衆。

打邊爐不可或缺的牛肉，我們就點了招牌本地手切牛頸脊（小）$238。

小份都已經很大碟。
一般我其實喜歡吃肥牛，朋友說牛頸脊才是最好吃的位置。
果然，雖然無肥牛的肥，但一d都唔會靭，而且很淋身，牛味十足。

 

最令我驚訝的是他們的選擇都很多，除了一般汽水，更有自家製竹蔗茅根水、洛神花茶等，我就喜歡在打邊爐時啤啤它，居然有apple cider，好滿足~

 

這次誤打誤撞來到一家高水準火鍋店，因爲點了海鮮，最後埋單每位大約$400不算平，但以這個食物水準加上好好味的老鴨湯湯底，完全覺得物有所值，可以再來！

 

金撈老鴨湯刺身火鍋專門店 Kum Lo Hotpot
地址：佐敦文昌街25-47號文昌樓地下41及43號舖
電話：2332 7600
時間：星期一至日: 18:00-02:00

是日消費：每人約HK$400（晚餐）

 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
 mag的FB Page: https://www.facebook.com/cestmag