7月搬家之後, 想說唔會有人寄野比我, 所以都無通知朋友我搬家了, 不幸地我有朋友真係好有心地7月底寄了野比我 (應該係生日禮物添), 咁我今日去舊屋個到想攞包野, 點知去到個信箱空ge, 我就知道個死人房東黎左日本. 咁我就上去博下睇下佢係唔係到, 點知又真係係到, 我就問佢有無收到個parcel, 佢同我講話無收到, 我話7月底寄, 應該8月會收到, 佢話佢岩岩先到日本, 新房客剩係比左佢個名d信佢. 我叫佢幫我問下新房客, 如果有再揾我. 不過睇怕都凶多吉少.......
點解?! 因為我好懷疑其實個新房客存唔存在. 有一次我有封信, 我一直以為我收唔到, 原來係我以前個flatmate幫我收左放埋一邊. 因為我臨搬走之前, 房東個阿媽黎整理, 我覺得都好大機會掉左, 咁我就email佢問, 佢同我講話新房客已經處理左, 但係我好懷疑, 因為我個日都有去舊屋, 成個信箱都係野, 好明顯係無人住. 我唔明點解佢要騙我, 同我講話佢阿媽掉左封信咪得lor!
所以我覺得好大機會佢已經掉左, or自己攞左.....anyway我都覺得好過份, 而家唔係咩野無聊信, 佢叫我返去攞返洗死?! 雖然歸根究底都係我自己衰, 無話比人聽我搬走左.....希望係我怪錯人, 有機會攞返啦.
咁小器咁記仇架!
ReplyDelete今日留一線,日後好相見嘛!又唔係有仇!
呢d人咁麻煩,你真係早搬早著呀!
[版主回覆08/13/2008 18:04:00]我都唔明佢點解要咁......
你快d去郵局攪re-direct addess啦,free 1年架
ReplyDelete[版主回覆08/13/2008 18:04:00]我都係岩岩先知, 不過而家無乜必要, 因為我改哂地址同通知左所有人啦..
日本房東唔鍾意亞洲人，尤其中國人，不過掉左人地d信，又真係好衰，唔好咁勞氣啦！應該好好享受一下日本生活！
ReplyDelete[版主回覆08/15/2008 16:15:00]佢係台灣人黎架......哈哈, 不過算啦, 如果我早d搞轉居屆咪無事lor, 我自己衰jeh
以我o既程度....如果4月入讀..勉強去到2級~ 所以我都可能打算去2年...讀埋商業日語....
ReplyDelete不過..再拎visa會唔會好麻煩呢=口=
[版主回覆08/21/2008 17:43:00]你而家乜野程度?
我自己都打算讀多一年, 不過因為想讀日本語學校, 好似轉學校會比較困難, 而家都係問緊 讀埋商業日語......你意思係同一間學校? 你可以考慮有d係4月入學, 但係1.5-2年課程. 因為一年一定唔夠, 假如你唔識日文