《mag爲食紀》地道歐洲風味藍青口@FRITES

Friday night朋友突然叫我一起去FRITES食藍青口。

説來奇怪雖然我好中意食藍青口，但一次都無去過FRITES，可能因爲它的分店都是集中於香港區。

7點左右去到已經很多人。

餐廳裝潢似歐洲pub，可能比較密封，哇隔離坐一班年輕人happy hour真係吵到以爲去左LKF。因爲想同朋友係唔洗大哎的情況下都講到野，所以就要求調到外面的位置（雖然要捱二手煙）

主打的藍青口桶 Mussel Pot，有1/2 KG $235 或 1KG $385選擇。

有以下口味：

1）FRITES HOUSE MUSSELS

diced tomato, garlic, onion, light cream and fresh chives

2）HOEGAARDEN

coriander, fennel, lemon zest and hoegaarden beer

3）PROVENCALE

tomato, garlic, onion and herbs

4）MARINIERE

white wine, celery, garlic and mixed herbs 

5）LAKSA

coconut cream, lemongrass and kaffir lime in an aromatic curry sauce

6）MEDITERRANEAN

chorizo, chilli, onion, coriander and yellow pepper sauce

我地點了MARINIERE 1KG。

伴碟有 麵包、薯條&mayo。

薯條係類似麥記的幼身薯條，但外脆内軟，而且熱辣辣，好味。

朋友話無以前般好食，但因爲我是第一次吃，所以無從比較。

**點mussel sauce特別好味**

1KG的藍青口，見到滿滿一桶真的很開心~~~

全部都有肉，無乜無開口的。

肉唔算好細粒，可以接受。

雖然明知雪藏（都應該無fresh啦），但十足鮮甜而且無雪味，

煮得剛剛好，無overcooked，青口沒有靭。

個sauce真係好好味，濃度剛剛好。

white wine sauce唔會太膩。

如果有多d麵包點就perfect。

因爲怕唔夠食，加了一個main —— Pappa Prawn Pasta $235

扁ribbon pasta，很可以Carry到個sauce。

個sauce味道幾特別，係帶椒味的sauce，不過始終係cream sauce，食得多都有點膩。好在分量不算大，兩個人都KO到（雖然好飽）

Hoegaarden Rose （$70/杯）

非常推介FRITES的mussels，I'll be back！

其實兩個人點得有點多，下次都係mussels + 一個side/starter好咯。

FRITES Belgium on Tap

地址：灣仔港灣道28號Brim 28灣景中心1樓6號舖

電話：2877 2422

營業時間：星期一至日: 11:45-00:00

是日消費：HK$419（連飲料）

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《mag爲食紀》佐敦。七福神和食亭

是日約朋友食日本野，當然靠萬能的OR幫忙，搵到呢間離公司近近地的就去試試。

 

《佐敦。七福神和食亭》

 

 

 

 

我地都算早到（大約7點），原來已經接近full house，好在我們剛好有座位。

 

 

（相片是離開的時候影，所以已經9點幾）

 

一坐底梗係睇下menu有咩好食，點知見到點菜紙，一時之間以爲自己去左放題（笑），自己點餐咁搞笑ge？！

 

Menu野食種類繁多，識睇梗係睇單張的Special介紹。

 

 

看到生蠔拼盤，二話不説就點！！

 

另外仲點左不少熟食，以上菜順序介紹咯。

一口朱古力芝士年糕 $38

芝士年糕是我去襯日式放題必點的一味。
七福神和食亭就玩gimmick，加上朱古力醬。
點菜的時候朋友都有點猶疑，好在上OR見到其他食評知道係朱古力醬另上。
上菜時芝士年糕應是剛剛炸起，很熱外皮很脆，正！！
朱古力醬是黑朱古力醬，所以唔怕會好甜。
芝士年糕粘上黑朱古力醬，黑朱古力醬的苦甜微配上咸咸的流心芝士，
都幾特別，但不太是我杯茶。

 

 

石鍋燒香菜海蜆胡椒湯 $60

點的時候以爲是類似清酒煮蜆不過係換成胡椒湯，點知錯左（笑）
它似一個蔬菜蜆肉煲多d。
裏面除了蜆，有莧菜同粉絲，又幾好食喔，雖然同我地諗的有出入。

 

 

芝麻雞翼 $55

又係一味我去襯日式放題必點之品。
剛剛炸起真係無得輸。超好食！！
外皮脆，内裏雞肉juicy，諗起都想再食。

 

 

網燒牛扒 $58

全晚最敗筆。早知就點“推介”的粒粒牛柳。
網燒牛扒不太清楚點樣網燒法。
雖然大大塊可以滿足食肉獸，但牛扒本身有陣好似用左鬆肉粉的味。
所以肉質是軟的，但我極度討厭這種味。
不介意的可以點，因爲價錢算實惠。

 

生蠔拼盤 $88
（生蠔1隻，三文魚刺身2塊，甘蝦3隻，翡翠螺2粒）
生蠔（coffin bay） $28/1隻

 

係咪有d奇怪點解刺身而家先上呢？！
係啊，我地都好奇怪。其實它上菜的次序真係怪左d，
而且我有少少不滿係基本上前面4味菜係差不多同時間上。
我好開心唔洗點等有得食，但店家最好都考慮下得2個人，邊食得咁快？！
搞到d野食攤凍哂，灰。

言歸正傳，$88有8樣刺身都覺得OK抵，如果生蠔可以有兩粒就好了。
所以我地都另外order多兩隻coffin bay。
刺身全部都很新鮮，尤其係生蠔係我中意的肥美型。
反而翡翠螺就遜色了點。不過自己一向一般翡翠螺凍食，因爲味道比較淡。

 

牛油香煎銀雪魚 $108

朋友想點的銀雪魚，因爲我不太食魚所以只嘗了一小口。
沒有雪味，而且充滿油質。
煎的程度剛剛好。

 

蛋包泡菜牛肉炒飯 $52

其實吃到這已經有點7分飽，但看到鄰桌的炒飯忍不住要追加。
一上桌看到半溶的蛋，食欲立刻來了。
雖然說是泡菜牛肉炒飯，但完全吃不到泡菜或泡菜味，
反而是類似椒類的味道，小小辣很惹味，
個蛋當然也很加分。

 

椰子雪芭 $40/個

全晚的亮點居然係最後出現。
其時已經係飽到接近喉嚨位，
但沒有甜點點算係完滿的晚餐？！
一早已經打算吃雪芭sorbet，千揀萬揀之下決定了椰子味！！

滿滿的椰子雪芭塞滿了椰子殼（謎之音：其實個椰子殼會唔會洗左再用？）
一湯匙刮起，咦，點解個texture唔似雪芭，似雪糕嘅？

 

一吃————好好味啊！！！！！
超幼滑，充滿椰子奶味的雪糕（我都係覺得它似雪糕）
又唔會好甜，陣味又唔會好假。
本來係一個兩份，我即刻叫朋友自己order一個！！
真的超級推介！！！大家要留肚食啊！！！

 

 

七福神和食亭 
地址：佐敦彌敦道311-313號1樓
電話：2388 2302
營業時間：星期一至日: 11:30-15:00/15:30; 17:30-23:30
是日消費：每人約HK$327.5（不含飲料）

 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
    mag的FB Page: https://www.facebook.com/cestmag

《mag爲食紀》回憶的味道~城寨銀針粉

在雜誌看到住家附近居然有銀針粉，這道以前我常常做早餐，而家已經很少見。
既然係屋企附近有，襯之前周末就同家人去回味一下。

 

係九龍城的《巴蜀燒》，日頭以車仔面爲主，晚上就搖身一變成爲串燒店。

我一心諗住食的銀針粉就係早晚都有。

 

 

 

店面不算大，但不知道是不是冷氣壞了，
打開了全部門沒什麽冷氣，吃飯都挺熱的。
幸好雖然是串燒，但不會弄得滿身油煙味。

 

 

城寨銀針粉 $35

3個人只叫一碗嘗嚐鮮。
怕叫兩碗會太飽。
因爲它的分量都唔細，大約有4個碗仔分量。
裏面的料都不少，有魷魚、冬菇、肉碎等。
個湯講真有d肥，但又好鬼好味。
唔覺得會味精，味道好濃，
配上軟硬適中的銀針粉剛剛好！！
完全值得再encore。

 

 

燒紐西蘭羊架（2件） $48

這個係爸爸點的。
我唔食羊所以無食。
據稱味道幾好，因爲有大量香草香料腌，
而且不會overcooked，
以這個價錢吃到兩舊羊架覺得幾划算。

 

 

燒雞全翼 $18
燒雞中翼（3隻） $28

食串燒好難唔點燒雞翼~~~
我分別點了自己食的——燒雞全翼
同大家些牙的——燒雞中翼
其實兩者味道差不多，都係用差不多的腌料，
雞中翼覺得燒得有點燶，不過講真，好難唔好食（笑）。

 

五花腩 $16

令我驚喜反而是五花腩。
平時去韓燒例點的五花腩，來到吃串燒也要吃~~
燒完之後不會覺得很多肥膏，
濃烈腌料加上辣辣地的辣粉撲面，
惹味之餘，令人停不到口。

 

原條生燒粟米 $22

非常一般。
粟米細粒又唔juicy，
甜度一般。

 

 

燒原條蒜茸茄子 $32

又一我無食的。
鋪滿蒜茸青蔥的燒茄子
不會燒得過乾，
很難不好吃之作。

 

燒肥牛蘆筍卷 $25

分量有點少（得2條）
肥牛燒得有點乾，脆脆的配上爽口的蘆筍，
算是一整餐裏面比較“清新”的選擇。

 

 

牛油芝士海鮮焗飯 $78

全晚最敗筆。
我真係以爲自己食緊茶記午餐。
雖然，料算多（有青口、魷魚、蜆、超細粒蝦等）
飯完全沒有什麽味道，而且分量不大，
可以不點。

 

 

總括來説，以每人約$100吃到這麽多串燒的價錢算是抵食，
大部分野食味道都不錯，尤其係城寨銀針粉絕對值得encore。

 

巴蜀燒 
地址：九龍城衙前圍道84號地舖
電話：2382 0911
營業時間：星期一至日: 08:00-03:00   
是日消費：每人約HK$100（不含飲料）

 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
    mag的FB Page: https://www.facebook.com/cestmag

《Trial》零刺激。極滋潤。Obagi 醫學保濕睡眠面霜

夜晚睡覺除了是為身體精神充充電的時間外，亦係肌膚修護的黃金時間。
都市人平日生活繁忙，所以幾年前開始流行了睡眠面膜，在基礎保養後加多一層保護。
但很多睡眠面膜都是偏水性，很多是在開冷氣或天氣乾燥的情況反而更乾，要提升肌膚的鎖水才是正解！

 

這次mag就有緣試用了Obagi Hydrate Luxe Moisture-Rich Cream 「醫學保濕睡眠面霜」（HKD 720/48g）。

 

 

有用開醫美品牌的人應該都認識Obagi，因爲Obagi是美國銷量連續10年No.1的醫學美容品牌，為針對各種皮膚問題研發出不同配方系列。

 

Obagi醫學保濕睡眠面霜糅合嶄新Hydromanil高效保濕鎖水技術，深層滋潤肌膚，即時保濕，長效鎖水。

 

 

品牌指出，使用2小時後，肌膚含水量大幅增至92%，8小時後減少51.1%肌膚水份流失。 配以細胞生長因子Kollaren及Chronoline，熟睡間同時修復肌膚組織，緊緻抗皺，延緩肌膚老化。

 

打開Obagi醫學保濕睡眠面霜，它的質地是較厚實的霜狀，
顔色雖然是黃色，但沒有任何香味，無香料不怕引起敏感。

 

 

 

先試在手上看看Obagi醫學保濕睡眠面霜的威力。
塗抹任何產品前超級乾、乾紋盡現的手（嚇）
將Obagi醫學保濕睡眠面霜塗抹在手上
馬上、是馬上得到即時滋潤，乾燥的緊綳感消失。

 

用在面上也一樣。
因爲是睡覺前的護理，所以我都習慣用量比較多。

 

將Obagi醫學保濕睡眠面霜推開，薄薄一層，或者想我一樣塗得厚身一點也OK。
不要怕會有油膩感，因爲推開之後會充滿滋潤的感覺，但不會是氾油光或許摸上去油油的。

 

第二朝醒來，摸上面很滑，而且不會感到乾燥。
肌膚得到充分的滋潤，將水分完全鎖緊。
雖然價錢算小貴，但得到的保濕滋潤效果是其它產品所不能做到的。
所以我都很推薦給大家~~

 

官網：www.obagi.com.hk/

 

 

以上。

  *以上產品及有關資料由Obagi提供。

 文章分享内容純為本人之個人意見, 如有興趣的朋友，請自行向該品牌查詢。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag