《mag爲食紀》大失所望@辛安東元祖奶奶雞

是日哥哥生日，本身想去食韓燒慶祝但無得book位。
最後我提議去旺角「辛安東元祖奶奶雞」
大約大半年前去過一次，覺得個辛安東元祖奶奶雞都幾好食，所以就提議不如去試試。

 

因爲事前有訂位，據稱遲到就唔hold檯，所以都準時去到。
等左一等就有位坐。

裏面的裝潢挺特別，似懷舊的韓國餐廳feel。
座位是無椅背的長木凳，不過見客人大部分都係年輕人，大概都唔mind坐的不太舒服。
環境因爲密封加上座位都擠擁，吵雜的環境就預左。

 

上菜速度算慢，可能係人多吧！！

尤其係辛安東元祖奶奶雞，其他菜都吃完了，要三催四請才上。
滿心的期待，可惜卻令人大失所望。

 

 

芝士辛辣年糕 HK$58

上菜的時候完全以爲是上錯。
貨不對辦到極致。

年糕是有粘上一些芝士，但超級水汪汪，
完全跟圖片類似炒年糕的不是那一回事！
味道亦異常普通，感覺比超市買的叮叮年糕都不如

明洞水冷麵 HK$48

我以爲是淺灰色的那種韓國冷麵，
點知係白色似素麵個種，都ok ge。

 

安東炒雜菜 HK$58

與其說是雜菜，不如說是炒芽菜。
味道算不錯，但，HK$58的炒芽菜？！

 

真露煮大蜆 HK$68

賣相不錯，將大蜆連真露放在一個水壺裏面。但可取之處僅此賣相。
完全是難吃。大蜆無鮮味預左，蜆肉淡而無味，酒的味道亦不強，
吃起來只有淡如水酒精味。

燒原條鰻魚 HK$148

又一貨不對辦菜色。
這個我沒吃，no comment。

雜菜海鮮煎餅 HK$68

味道最正常合理。
有無海鮮如否已經不計較。

 

辛安東元祖奶奶雞（全隻）（小辛） HK$208

等左好耐終於上菜的辛安東元祖奶奶雞（全隻）。
雖然叫的是 全隻，但比我記得的少。
其實係非常少。

因爲本人不太吃辣，而家裏其他人都吃辣，所以點的是小辛。

可惜，它辣的程度一定不是小辛。我記得上次來的時候，一樣點小辛，我係吃到的。
這次是辣到完全吃不到。家裏其他人雖然吃辣都覺得很辣，完全不是小辛的level。

 

有好多辣椒.....

立刻問侍應：好辣喔，呢個真係小辛？！
侍應A：係啊。（望都唔望即刻行開）

再問：
侍應B：廚房出咩就上咩架啦

再問：喂，真係辣到吃唔到喔。
侍應C：我幫你check下單。（至少做下樣）
返黎話，你們的單真係入左小辣。
最後解決方法係攞一碗走辣的汁出黎比我們溝淡。

 

最大獲！

我們忍唔住問隔離檯他們點的係咩辣度？
一樣！係一樣的小辛！
醬汁的顔色要比我們的稀同淺色好很多！！！！
所以有乜理由我們的係小辛？！

 

 

最令人失望係，究竟侍應係咪對自己店裏的菜色毫無認識？！
明明顔色差這麽多，客人三番四次覺得唔對路，係咪應該主動幫我們換過或check下，
而唔係應該敷衍了事。
難道，這樣的要求對於旺角這種中價年輕人餐廳是太多？！

 

 

環境：★★☆☆☆
裝潢特別。座位窄不舒適，密封環境超級吵雜。
地點：★★★★☆
味道：★★☆☆☆
服務：★★☆☆☆
價格：★★★☆☆ （每人約$180，含加一）
Encore： No
總評：侍應不知道是服務隨便還是對自身餐廳知識不足，
好耐未去過一家令我覺得這麽差勁的餐廳。
我係好中意食呢種韓式燉雞，但這次經驗太差勁，應該不會再幫襯。
 

辛安東元祖奶奶雞 Spicy Andong 
•地址：旺角白布街20號地下
•營業時間：星期一至日: 12:00-15:00;18:00-00:00
•電話：2332 0823

以上。