《mag爲食紀》夜媽媽，飲個茶@譚點王朝

平時mag來九龍城都是去吃泰國菜，是日去完聚會，夜夜地友人提議去飲茶。除了間唔中同同事lunch time飲下茶之外，我自己是絕少去飲茶，尤其夜晚食點心做晚餐更加好似係未曾試過添。抱住戰戰兢兢（？）的心情就同朋友來到--譚點王朝。

 

 

因爲時間已晚（大約8點，譚點王朝營業到9點），餐廳大概只剩1-2檯客人。
譚點王朝同傳統茶樓有點不同，餐廳裝潢窗明几淨，桌椅用上酸枝木材材質，散發濃濃的中國風。牆壁卻掛滿大大小小的招牌點心宣傳照，看著這些樣式新穎的點心，

mag的爲食魂亦蠢蠢欲動。

 

一坐底馬上拿起點心紙剔剔剔，因爲實在太多新奇有趣的點心啦！
因爲無乜客人的關係，等左5分鐘左右，所以我們點的點心很快就開始陸陸續續上桌了，

全部都新鮮製造熱辣辣：）

首先梗係要飲啖湯先。我們好多人都點左這個譚點海皇大湯包(HK$48)。

 

好得意，譚點海皇大湯包附上一支飲管，原意就係客人可以用吸管戳穿湯包，慢慢飲裏面的湯，不完全戳穿湯包皮就可以保持住湯的溫度。
但......湯咁熱，用飲管飲不會燙嘴嗎？！

最後mag都係原始地用湯匙喝湯。捅開個湯包皮，湯的香味立刻湧出來。這個湯是有豐富用料的海鮮湯，每個湯包都可以清楚看到蟹肉等，真材實料。湯本身鮮味十足，不過太濃稠，所以食完都不會好飽（當然如果吃完湯包皮就另外說。）

 

青芥脆蝦一口漢堡仔(HK$24) 

 

西式的mini burger都不是什麽新奇東東，那中式的你食過未？
青芥脆蝦一口漢堡仔，漢堡扒唔係牛肉而係炸蝦餅，加少少青芥末與沙律茶，就算有兩塊漢堡包仔，因爲size細細，吃一個都唔會飽肚。唔會損耗太多戰鬥力，可以繼續再戰其他點心。

 

王朝蝦餃皇 (HK$18)

 

蝦餃是mag去飲茶必點的點心。譚點王朝的王朝蝦餃皇完全沒有令我失望。
雖然一盅只有兩件，是坊間的一盅四件減半，但品質size就double！
王朝蝦餃皇size大概是BB拳頭大小，而且它的皮很薄，可想而知它的蝦肉有幾多！
蝦餃既薄又煙韌，裏面的蝦仁用的似係新鮮蝦，因爲沒有雪味，而且唔覺得裏面混左很多膠，食落爽口，大大粒蝦仁食得超開心！

 

 

但令我最喜出望外的居然係---黑魚子花菇蒸燒賣 (HK$18)！

平時去飲茶基本上mag係唔點亦唔食燒賣（因爲我唔太中意食魚肉），但友人話黑魚子花菇蒸燒賣係譚點王朝的熱賣點心，咁我當然要一試！
同蝦餃王一樣係一盅兩件，哇，size大到有小小嚇親，居然比蝦餃皇仲要大顆。
黑魚子花菇蒸燒賣用上的是豬肉加上冬菇粒，豬肉裏面又有少少肥豬肉所以食落不會乾憎憎。燒賣頂更配以黑魚子綴，外表加分之餘亦更添食材的特別，推介一定要一試！

 

 

低糖綠茶流沙包 (HK$24)

mag去飲茶另一必點的就係流沙包，譚點更加趕上“綠茶熱”，推出左低糖綠茶流沙包。
創意十足，可惜綠茶包的綠茶味道不算突出，而且包偏乾。咸蛋黃餡不夠流沙，可能蒸過頭，但吃到咸蛋黃粒，味道搭救。
 

 

 
譚點的咸水角亦唔係一般的咸水角，他們家的是甘荀咸水角(HK$20)，造型100%，好像一個蘿蔔仔，搭配親親椰絲小白兔(HK$9)一起影相perfect ：）

 

味道呢……不太嘗到甘荀味道，是比普通的咸水角帶點甜味，所倖外脆内煙韌，

作爲咸水角味道可以過關~

 

 

香港人食飯，點可以無甜品做個perfect ending！
譚點提供的甜品除了之前相片的椰絲小白兔同其他比較常見的甜品如芒果布甸、桂花糕外，亦有比較特別的甜點。

 

冬天要滋潤，mag就點了紅酒桂花燴雪梨 (HK$38)。

 

一上桌我們又哇一聲，因爲看起來太高級了！！
原顆雪梨煮成酒紅色，而且立刻飄來一陣紅酒香味。

雪梨已經烹煮得很焾，用湯匙輕輕一切，再加上一些紅酒汁，酒味不算濃淡非常香，

雪梨亦保持住它的清甜。
建議大家一定要留點肚子位置比紅酒桂花燴雪梨！！

 

值得留意，譚點全日不設加一，茶芥每位$3~

 

以上。