尋日去左某舖頭整指甲，但我決定唔會再去!
呢到係我第二次去，因為朋友結婚要做姊妹的關係，所以我12月初去做整gel甲。
我有咬指甲的習慣，所以去到，延長需要加錢都預左，修甘皮又要另外收，加埋比原本的$259多成百幾蚊，但因為效果都ok，所以我就預約多1次。
尋日再去，佢就suggest我做soak off gel。其實上次個個女仔(佢係代班的)都有suggest我做，因為比較唔傷甲，雖然貴$60變左$319，但都ok la， 因為有包卸甲/鑽石等。
佢卸卸下甲，先同我講話原來卸甲要另外收錢， 下，唔係包架咩?!
佢話，如果我做左gel甲， 卸甲後再做gel甲 OR soak off gel再做soak off先包，而家因為卸gel甲 做 soak off gel就要收錢?! 咁即係硬食?! 咪一樣係佢個到整，點都要卸甲， 要另外收錢!仲有收$120!
又話聖誕期間，要收加一!
下， 預約、甚至我改時間時都無提過， 又硬食?! 而且29號啦喔，仲係聖誕!? 之後1月又話新年前啊?!
OK， fine。
Service又差， 我叫佢比本雜誌我睇， 佢就話等陣，等到整完都無左件事。
呢樣都算， 可以一邊搽gel一邊夾住個電話講電話， 你講1、2句都話，唔係囉，係講左一陣! 可以再unprofessional d。
幫我搽gel個陣，有少少大力地”靈”我d 手指，我都係第1次遇到咁粗手粗腳的美甲師!
中途又話我隻手好乾，哦，原來想sell我買野， 之後話之後比d我試。
Ok， 搽完gel，完全無問過”要唔要整石?!”!?
就當我唔整。 個刻我已經極無奈， 想快d完左件事。
佢攞d濕紙巾求其抹左2下，完全無意欲同我搽返handcream，係之後我話唔係比我試架?! (其實點都要搽handcream架啦!)， 佢先”吱”左d落我隻手到， 正常係咪個美甲師會幫你搽勻+少少按摩咁， 無囉!
我呆望左幾秒，之後佢話搽勻就得…下， 已經到達O嘴的地步……
咁”好”的service， 加加埋埋要$480! 我比呢個價錢， 去d好d的都得啦!!
如果係之前代班個女仔，我都可能會再去。 但呢個姐姐仔真係比我都唔再去!
費時開名， 係旺角新之城裡面。
No comments:
Post a Comment