久しぶり

好似好耐無認認真真咁打一篇blog, 我見好似都唔係好多人睇我個blog, 更加懶多十成, 呵呵呵~

光陰似箭

由香港番到東京, 不經不覺都已經2個星期, 時間過得真係好快. 番香港個3個星期都係, 好似都無做過d乜, 亦都無特別同朋友聚會, 更可怕ge係, 居然無乜點買到衫 (要知道比起日本, 香港d野真係平到笑!!)! 番東京ge時候, 因為最後實在唔夠時間買日用品&壓縮袋, 個行李居然得個27kg! 激死我!!

人生1st time boarding @ final call! 堅!

因為無機位ge關係, 搭晨咁早9點幾機! 多謝爸爸特登送我去機場! 講開機場, 入禁區後我同Ms A仲矇成成慢慢係manning買糖. 行緊去鬼咁遠ge boarding gate 個陣已經9:10am (departure time係9:25am), 見到空姐揸住個final call牌, 我同Ms A 講, "乜咁似我地班機number ge.", 殊不知真係我地, 當時我地離個個超遠boarding gate 大概仲有5-10mins路程! Ms A即刻開步跑, 但係因為肥M無運動開, 連平時追電車激跑30秒, 都可以搞到面青口唇白, 就尤阿Ms A自己跑, 我係後面急步追算啦......好在都趕到上機!

東京同我係相剋

番東京ge 1st week, 我msn ge caption就係[東京呢噠地方同我係相剋], 何出此言呢. arrived @ 東京之後, o係行李帶到等左好耐, 一直都等唔到件行李. 明明一齊check-in, Ms A個行李都一早攞左. 最後見到有個last lugguage ge 牌, 當堂嚇到冒汗. 講真, 搭左咁多次飛機, 真係第一次唔見行李, 令我對CX ge 印象, 真係壞上加壞!!

行去報失ge counter, 有好多人都好似我咁! 搞乜鬼啊CX! 日本人做野一向都好有"效率", 搞左成個鐘, 不過添份form等通知, 發生乜事都話唔到比你知! 我以為我mobile & DC都係lugguage裡面, 就留左Ms A電話, 順勢就去佢到過夜, 因為電腦電池& charger都係lugguage, 基本上係無人聯絡到我. 去到, 原來mobile & DC都係handcarry到, 都好d.

係Ms A home 燒肉, 唔知係咪燒唔熟d野, 第2日番到屋企肚痾, 仲痾左成個禮拜, 佢地話我水土不服wor = =""

搞左呢2壇野, 再加上日圓高企, 講真我真係有諗之後應唔應該繼續留係日本.....不過以我d日文爛ge程度, 同人講我係日本讀左9個月都真係無人信(我自己都唔多信)!! 所以番到黎之後, 就即刻約左之前聯絡個間日本語學校..... 欲知後事如何, 請待下回分解!