《Trial》求長期Sponsor！訓住瘦！效果超明顯的瘦身療程～修身堂iPRO「肌長快綫」

失蹤人口mag返來了，其實都唔係咩回歸，我估今篇之後又會再次潛水。

會浮出來係因爲今次的試用實在是太適合我呢個痴肥中女。

講真，當收到修身堂的邀請試做一次他們的瘦身療程～修身堂iPRO「肌長快綫」

我的反應係：下，一次會見到咩效果，我唔識執相喔

點知，做完之後我即刻係想跪求長期合作（發夢ing）

修身堂iPRO「肌長快綫」一共有三個站（三部機）要做！

以革命性首創專利HIFEM™醫學技術

BTL EMSCULPT™ 

全球唯一強肌溶脂療程

30 分鐘20,000 次 

極限肌肉鍛鍊

超越終極體能極限 助你塑造人魚線與蜜桃臀

第一站：擊脂站

以BTL X-WAVE 擊脂槍

高能衝擊波 擊散脂肪頑固結構

*結實肌膚及增加彈性

*全效擊退:

頑固橙皮脂肪

脂肪間鈣化組織

水腫

妊娠紋

感想

“做呢部機個陣，治療師會好大力咁推

可能我條肥肚腰嘅淋巴太塞，我都有少少痛，

治療師話其他人無。

做完之後我個肥肚超紅！”

第二站：溶脂站

以BTL VANQUISH METM 隔空溶脂

標靶式射頻 追擊剿滅脂肪細胞

*270°大範圍弧形設計，大幅消除腰間難減脂肪

*平均減少脂肪層厚度達5.36mm

*標靶式射頻針對性追擊脂肪細胞

*隔空傳送能量

*加熱5-15mm深脂肪層高達46℃

*令脂肪細胞凋亡

感想

“一個字：爽！

基本上就係訓係到，

有部暖笠笠嘅野烘住你

超級舒服催眠，但係其實係幫你溶緊脂

哇，有無咁舒服咁爽皮嘅減肥啊～～～”

第三站：增肌站

以BTL EMSCULPTTM 增肌消脂

腹肌+蜜桃臀修煉術

*全球頂尖 增肌+消脂2合1

*革命性首創專利HIFEMTM醫學技術

*100%極限肌肉鍛鍊

*30分鐘=20,000次肌肉收縮

*專利技術直達7cm 重新躍動肌肉層

感想

“部機會不停咁震，同埋會分不同嘅頻率

治療師調較到部機比較高度數時，雖然會有少少不適但完全可以接受

同你實際做2萬Sit Up嘅不適無得比啦

但係個效果就係等於你做左2萬Sit Up！”

Final Thoughts！

有無得長期sponsor我啊～～～

呢個時候真係好想做超有錢人

就可以喪食喪懶唔做運動都可以輕輕鬆鬆減肥（笑）

而且係真係有效！媽啊做左一次之後，個肥肚居然無咁凸！

而且腰身出返哂來！

治療師話成個療程大約要6次左右先見效，可惜我只得一次試做，

個效果都可以last幾個星期。

更多資料可以到修身堂的Facebook或者以下鏈接：

https://www.facebook.com/sausantongofficial/

http://www.ipro-medical.com/肌長快綫_blogger/

以上。

#emsculpt HK #emsculpt #Sansantong #IPRO #肌長快線 #SST #修身堂

《Trial》洗髮護髮天然無添加！日本銷量NO.1 天然植物護髮品牌 BOTANIST 保濕滋潤系列

Mag係頭髮一無染無電就會覺得悶爆的人。但係好多朋友都話，睇你的髮質又唔覺得咁差喔。

咁係因爲我選對了洗髮護髮的產品，要知道我的秀髮（？）已經被無數次的漂染、電髮摧殘，上次去韓國，更加被髮型師拒絕我電髮，可想而知我的髮質係幾damaged。

而本人最近愛用的就是BOTANIST黑蓋的保濕滋潤系列。
 

 

有留意開日本藥妝彩妝的朋友，一定知道BOTANIST植物學家這個天然植物護髮品牌。

 

就算唔知，都一定係IG、FB一定見過它的蹤影。這個白底黑字簡約包裝的BOTANIST，由上兩年開始一直瘋魔日本，@cosme、各大美容雜誌票選NO.1 的日本頭髮產品。
 

 

究竟呢個日本牌子的洗護系列有咩咁特別？！

 

原來BOTANIST是日本的天然品牌植物學家，它推出的天然護髮產品成分源自植物的原料，當中的核心產品洗護系列兼顧清潔功能和完美護髮，而且成分天然對地球環保，推出後受不少名人追捧，更陸續於美國、法國、香港發售。

 

BOTANIST洗護系列的洗髮水和護髮素成分大多源自天然植物，如椰子、大豆、甘草或牛油果等，不僅追求天然，更重點研究弱酸性肥皂成分以打造高效能的清潔功能和光滑效果。

除此之外，很多人時常忽略頭皮的保護及其新陳代謝的重要性，受到頭皮痕癢及頭屑問題的困擾。記得，有健康的頭皮，先有健康的頭髮！

BOTANIST洗護系列源於自然的肥皂成分與頭皮表面形成的脂肪膜一樣，都是由脂肪酸構成，具有滋潤、保護的作用，卻又不會過分清潔頭皮的角質層，可維持理想頭皮的新陳代謝，減少刺激頭皮，讓頭皮回到最原始健康的狀態。

在香港發售的BOTANIST有兩大系列：

- 黑蓋的保濕滋潤套裝（洗髮水：杏桃＆茉莉花香 護髮素：蘋果＆野莓香味）
- 白蓋的清爽順滑套裝（洗髮水：青蘋果&玫瑰花香 護髮素：蘋果＆野莓香味）

 

當香港有得賣BOTANIST時, Mag真係開心到飛起，因爲終於唔洗大老遠係日本搬返香港啦~~~

 

價錢都算OK，HK$117/支（日本售價約HK$105），不過貴少少就可以慳水慳力。

 

我最愛的黑蓋的保濕滋潤系列（洗髮水：杏桃＆茉莉花香 護髮素：蘋果＆野莓香味），特點就係修復性強。

以植物性精華將受損的頭髮輕柔洗淨，撫平毛躁的同時還能深層修護，使秀髮變得保濕潤澤。

 

洗髮水：杏桃＆茉莉花香

 

輕輕一搓，都搓到不少泡沫
 

 

護髮素：蘋果＆野莓香味

比洗髮水硬身少少的膏狀，我大約按2pump，塗抹耳朵以下的頭髮

 

呢個就係用完之後，睇落去係咪超順滑呢？（利申：我無做/噴任何野，只係吹乾)
 

 

 

比你睇下髮尾Closeup

有圖有真相，無開叉唔乾
 

有無留意到 洗髮水：杏桃＆茉莉花香 同 護髮素：蘋果＆野莓香味 的香味係唔同架呢？

唔洗擔心兩種香味會crash或者聞落好濃好俗。

洗髮水：杏桃＆茉莉花香是甜杏與茉莉花的清新香甜香氣，而護髮素則是帶有蘋果與莓果淡淡香甜的氣味，兩者加埋聞落依然很清新很香甜，雙重香氣沒有衝突反而令人聞得好舒服~~

 

BOTANIST的洗髮護髮系列，係我強烈私心推介的產品，有機會一定要試下。

以上。

《mag為食紀》期待已久！中環「平平地」鋦個扒@ La Vache!

呢排食左幾間想左食好耐（由佢開到而家！）終於食到嘅餐廳👍 其一就係中環中價扒房 La Vache!

 

 

 

呢到book位要5位起，否則就要walk in。 之前來過知道walkin要等個幾兩個鐘所以放棄左，今次朋友7點先來登記（佢在有檯時會打電話通知），都等左大約1個鐘。

 

內裏環境都好似歐洲的bistro

 

 

 

餐廳只要一樣餐點：牛扒+任添薯條 每位$298

 

 

Drink list如下

 

我地點了house wine，橙汁 同 L'elixir (cocktail)

 

 

講左牛扒要幾成熟後，先送上麵包+沙律食住先

 

 

沙律個dressing（唔清楚係咩）似加左檸檬汁，酸酸味味好refreshing

 

 

吃完沙律後，牛扒大約係點左餐後30分鐘上 餐廳會在牛扒盤子下放了小蠟燭keep warm

 

 

 

我地3人都要medium rare，覺得比medium rare熟d d但可接受

   
 

外層煎得幾香脆、裡面keep到d肉汁，食落唔會好硬，肉質算柔軟 牛扒碟上有3種不同醬汁，番茄醬、芥末、蒜味蜜糖醬（？），我最喜歡係蒜味個個醬，不過其實唔點醬牛扒本身都好有肉味！

 

當然呢個價錢，唔好expect有好靚的牛扒，但以 出街食·中環·晚餐·牛扒 來講，呢個價錢好ok。

 

主角我反而覺得係個薯條，佢似麥當勞個陣幼薯條，灑上小小辣蒜粉味，次次添加時都係熱辣辣脆卜卜（就算攤涼左都仲係脆），真係好好好好食，好想無限添食🤣

 

食完牛扒+薯條都好飽、有點可惜食唔到甜品，佢d甜品就咁放係甜品架，一目了然，引死人，可惜實在無位食了。

 

總結覺得呢到算係一間以中環而言性價比算不錯的餐廳，難怪開了幾年都依然大排長龍。

 

 

 

《mag為食紀》唔止得米線嘅米線專門店 MiSS‧Mixian Sour Spicy 米線專門店

是日旺角做完facial，夜夜地又餓餓地，返屋企前係附近行下覓食。 經過呢間米線專門店，見到有個厚切豬排好似幾正就試下。 除了米線，仲有焗飯（隔離點左聞到好香）同埋一人一鍋（70幾蚊都ok抵） 我點了厚切豬排+春卷，米線轉巑岐烏冬，加凍飲+$3，total$57

 

 

 

 

厚切豬排+春卷巑岐烏冬 $ 54  

好快就上桌，豬排啱啱煎起，熱辣辣好香！唔算話好厚切，切開裡面唔乾都算juicy，醃料都算入味👍

   
厚切豬排  

 

算的是辣味番茄湯底，問左侍應話唔太辣先點應該自己食得小小辣程度only。來到即刻試個湯底，都幾辣下（小辣？），陣味變左有少少似羅宋湯，酸味幾強，食落有少少假，好在有幾舊番茄粒搭救。

 

 

烏冬話係巑岐烏冬，食落都好Q同少彈牙，有少少烏冬酸鹼味。 overall 呢個價錢以快餐來說算ok，個豬排👍，下次都係試下米線，話哂都係米線專門店（笑）。

 

 

少少補充：可能來嘅時間都夜，已經接近過晚餐時間之前可能有唔少客，但餐廳嘅清潔真係要加強，檯底大大舊春卷，周圍地下都髒髒der，檯面同餐具感覺都唔太乾淨

《mag為食紀》好味道鐵觀音卷蛋

Kumanon造型鐵觀音蛋卷 @ 「cha FOR TEA」 by 天仁茗茶 HK$108 好surprise，超出我期待的好吃。 雖然其實唔太食得出鐵觀音味，我反而覺得似焙茶味(hojicha)的甘香， 茶香很濃郁 蛋糕本身很鬆軟，中間的忌廉唔會太甜太膩 一條唔算大條，但係每人食細細塊，都夠6-7個人食 真心推介！ 題外話，雖然話係熊本熊造型，其實不過係張膠紙有熊本熊造型😂 收錢位哥哥好似好新，落單啊個d好似無咩經驗，公司應該安排個熟練d嘅做cashier

 

 

 

《mag為食紀》終於一試Uncle Tetsu

係將軍澳東港城一田「都島屋」對面就係Uncle Tetsu 一直又想試uncle tetsu的cheese cake但係又無機會 今次除了招牌日式芝士蛋糕，仲食埋東港城店限定的芝士味雪糕新地 《Uncle Tetsu日式芝士蛋糕》 HK$68

 

 

日式芝士蛋糕 $ 68  

 

 

 

sorry，真心覺得很普通。 雖然真係好鬆軟，濕潤，但味道不過係一般的日式芝士蛋糕味 受到熱捧相信主要係因爲價格算好便宜？ 《Uncle Tetsu芝士雪糕新地》 HK$48

 

 

 

 

芝士雪糕新地 $ 48  

 

用膠杯裝，上面有Uncle Tetsu芝士味軟雪糕加上草莓粒topping 下面有corn flake 芝士味軟雪糕真係有芝士蛋糕味（廢話），幾特別 加上酸酸的草莓粒這個配搭唔錯 但個人建議都係試軟雪糕筒（HK$28）就OK，因爲都差$20！

《mag為食紀》日本必食Cremia雪糕來到香港啦！都島屋 (將軍澳)

自從知道香港都有日本Cremia雪糕賣我真係超開心。 呢個每去日本必食的軟雪糕，如果你唔知道係咩，其實就係牛奶軟雪糕。

 

同一般軟雪糕不同，它的牛奶味係超級濃郁 （25%北海道鮮奶油(fresh cream)及12.5%高乳脂肪使用） 而雪糕筒的餅係類似白之戀人的餅乾-儂格酥（Langue de chat）

 

就算係日本，都係比較「高級」的軟雪糕，賣500yen（平時的軟雪糕大概3-400yen）

香港第一個賣的地方就係太古康怡「秋櫻屋」，第二個有售的地方就係將軍澳東港城一田「都島屋」。

 

得幾個位  

 

 

 

 

Cremia雪糕 @ 都島屋 HK$48

 

 

 

 

   
Cremia  軟雪糕 $ 48  

 

呢個價錢話貴又唔算好貴，我覺得可接受。 唔知係咪自己凝住，真心覺得同日本的味道有點兒不同。 日本的牛奶味真係好重，而且味道係好接近“真”牛奶/fresh milk 香港的味道雖然都係牛奶，但似奶粉味 日本的令我想再食多個，香港的就唔會 不過overall都係一個好食的牛奶味軟雪糕 如果係日本未食過Cremia的，都值得一試 P.S.個雪糕筒就完全一樣，應該由日本直接進口。 都有章魚小丸子賣

 

 

 

 

有章魚小丸子賣  

除了Cremia雪糕，當然要食埋pancake。

 

 

 

 

      
夏威夷果仁醬班戟 $ 50  

 

唔係而家被熱捧的souffle pancake，係結結實實的pancake/hotcake （類似麥記早餐個種） pancake牛油味好重(which i love!)，而且隔住玻璃睇住廚師整，一上檯熱辣辣超加分（係冒煙那種熱） 不過選擇的夏威夷果仁醬可能揀錯左 個醬係類似牛奶味，再有點夏威夷果仁，太普通 而且無忌廉又無雪糕，單調了點。 好在pancake本身好味道。 如果下次再來應該會選擇其它口味