《mag買物》聖誕敗家前哨戰：Lancome

年紀越大，mag的衝動購物次數已經減少左好多。
（關咩年紀事，房間無位擺先係原因！！）

 

要令我掏荷包真金白銀買的護膚品化妝品已經唔係太多，終於終於忍不住破戒了。
只怪，秋冬天要換新妝物啦唄！！！

 

 

今年冬天很想買深瘀紅色類似Dark Plum的顔色。
去YSL，搵唔到。
居然比我係陪朋友去買野時順便係Lancome搵到。

L'Absolu Crème de Brillance

極緻豐盈潤澤唇彩 L'Absolu Crème de Brillance

 

買得一支唇彩，加朋友的指甲油。
又好鬼想加$680換Lancome的2015聖誕珍藏版閃爍美肌彩妝箱。

 

雖然屋企的化妝品護膚品已經多到一箱箱。
但見到這麽抵的set，又好難忍到手！！

（據説同上年的Xmas Set差不多，我上年無買所以唔清楚，不過計我話齋，Xmas Set當然要放Star Items，又要大家都合用的，基本上都係個幾樣野）

 

最後爲了籌夠$500換個Xmas Set，買埋其實都十級靚的Hypnôse Dazzling 閃亮柔滑單色眼影#475 Nuit Enchantée紫紅色。

 

 

加錢換的這個Lancome2015聖誕珍藏版閃爍美肌彩妝箱真的超級抵。
我mark了幾樣貨size的價錢比大家參考下價值多少。（Lancome稱總值HK$2,928）
 

展扇濃黑睫毛膏 防染暈配方 $295
全方位防禦抗曬升級BB底霜01 SPF 50 PA++++ 30ML $410
速效眼部卸妝水125ML Bi-Facil $260
柔美胭脂 02 $330
限量版幻醉五色雙效眼影 $440
迷你黑色眼線筆
全方位瞬白亮肌精華補濕水15ML
迷你版LA VIE EST BELLE EDP 香氛
升級版嫩肌活膚精華肌底液7ML
升級版冰鑽亮眼肌底液5ML
迷你愛戀色澤唇蜜316
迷你愛戀色澤唇蜜355
迷你瑰麗豐盈唇膏368
限量版化妝掃套裝
限量版時尚化妝盒

 

 

美美的仿皮紅色化妝盒

 

 

限量版幻醉五色雙效眼影

 

柔美胭脂 02

 

睇完之後有無好心動呢，Lancome 2015聖誕珍藏版閃爍美肌彩妝箱是限量的，所以要買就快咯！！！

 

P.S. Fresh係陪朋友出席它們的顧客活動時送的禮物，據説Fresh成日有搞類似的活動，所以都算係一個很樂意回饋顧客的品牌。

 

以上。

 

 *文章分享内容純為本人之個人意見, 如有興趣的朋友，請自行向該品牌查詢。
 如有產品或服務試用合作，可聯絡mag→ yeah_panda@yahoo.com
  mag的FB Page: https://www.facebook.com/cestmag

《Share》Charming Store <還須淘寳嗎？葵涌廣場必逛又型又抵的飾品店！

*首先要聲明，我是沒收廣告費或任何利益（哈），真心想分享這家我進貢不少的飾品店！

 

本人好中意買飾物，但銀彈有限，主要都是買非名牌平平地的街邊貨，或者H&M等（雖然成日撞款...）

雖然之前曾經淘寳，但買過1，2次淘寳的飾品，品質真的很不平均，尤其是如果鑲石的飾品，收到時都會掉了一顆鑽，或者是已經破掉。自己又不會修理，就這樣浪費掉。

 

最近這半年迷上了逛葵涌廣場，不要覺得葵涌廣場只是賣cheap cheap旺角靚妹貨色，其實葵涌廣場是一個臥虎藏龍(?)之地，你要什麽風格，日系可愛風，森女風，公主風，韓國風，貴的便宜的，應有盡有。而其中有好幾間鋪頭是我每次都要逛的，今天先介紹我大愛的，價格相宜又款式好的飾品店: Charming Store！

 

 

雖然是小小一間，但裏面挂滿了necklace，bracelet，bangles，戒指，ear rings，連頭飾與裝飾眼鏡都有。

 

他們家賣的，除了款式是時下最潮的飾物外，最最重要的是，價格超親民！！

necklace大部分是HK$69;
bracelet/bangles HK$69
ear rings/戒指 HK$39

如果到銅鑼灣等，你大概要過百元才可以買到吧！

 

Chunky Necklace

Long necklace 最適合套在毛衣外。
另外還有shoulder accessories





Bling Bling戒指

 

復古風耳環

Bracelet/Bangles




Cute glasses

他們的店員超可愛，有點像日本藝人Suzanne。
除了態度親切，還會給你意見，介紹適合你的飾物給你。

 

她推介的best seller，大概HK$168。

而且他們還有保養，如果你的飾物斷了，或者掉石了（要keep住），拿回來給他們，他們會幫你修理。（當然是可修理的情況下了）

 

好了，講到口水乾，那我的戰利品呢？！

 

登登登登！！

 

不同style的 bracelets
上面大鑽石的比較浮誇。

下面的是僞Rocker







Twin Rings

 

Mono tone big necklace

 

 

是不是好吸引了！！

還有還有，價格這個相宜，居然還有VIP折扣！
買滿$200可以有VIP card (有效期1年)，購物就可以有85折優惠。

 

有興趣的，一定要去逛逛哦！

地址:葵涌廣場 3樓TOP世界 3127A

facebook:http://www.facebook.com/#!/charmingstore

 

以上。

【獨家不藏私】Sephora開箱文！

今次想要跟大家分享，前陣子在Sephora訂了的東東！

多相少字，請見諒！

忘記提及關於運費部分，Sephora美國是no international shipping的，只送USA/Canada，所以想買的要麻煩你們在美加的朋友囉！

我這次是拜托我在Canada的表弟幫我帶回來的。超麻煩，因爲原來下單要用USA/Canada Credit Card!!

而且表弟還自作聰明，選了express delivery!!貴了CAD16!氣死了!

下次我買，大概會join forum的代購~

 

 

 

 

這次order的主角：BENEFIT MINI SET CAD18 & 10.5

比我想象中細支好多呢......

 

 

大愛的香水STELLA，香港已經沒有的走珠version。方便携帯！ CAD44.1

 

CAD10.5的CLARINS洗面gel

 

美國blogger大推的Jack Black lip balm CAD7.5~7.87 each

 

萬用的Sephora Colorista CAD23

 

好像是USD1的eyeliner CAD1

Pencil sharpener CAD1

 

生日月送的禮物，我選了Jack Black的sample。另外的choice是Philosophy的shower gel。

 

購物送的sample，我大部分都選了香水版！

 

同場加映：

 

 

開始用的時候再發文！

 

 

以上。

【買物】超市驚喜！

某日去dinner前,趕到超市掃貨。（yes,超市都係一個流血的重鎮！）
見到舊版Clinicare減價清貨中,之前已經係惠康買過隻leave in conditioner,今次見到一向愛用的treatment減價,好難忍手。 (個人覺得而家係入手好時機,因為一向中意用Clinicare,雖然轉左新版,但舊版依然會咁好用,仲可以用更實惠的價錢去買!)

10支急救修護精華送small size shampoo & conditioner才$49.9,買滿$50再9折.....差1毫 ><"
另外都覺得好好用的瓶裝Hair Mask先$35.9,如果有9折,可以減$8.6,咁瓶treatment就會係平過$30!!

最後總結係$77.3 就有:
Clinicare 10支急救修護精華連40ml shampoo & 50ml conditioner
Clinicare Hair Mask

最突然係,比錢的時候,個Cashier突然拎比另外的東東比我,原來另外再送,送左以下的:
VS Shampoo & Conditioner (各194ml) x 2 sets
Pantene Conditioner 50ml x 2

超surprise!!!仲多過我買的野!!

所以我只比少於$80就有以上的東東,好開心!!

大家多d行下超市啦,成日都有意想不到的優惠!

【買物2】邊到跌倒，邊到企返起身！

事源，mag一向係花園街的粉絲，由中學幫襯到而家熟女年紀十多年黎無間斷，“雙方”關係一直維持友好狀態，但係，情況改變了！

何解，因爲我係花園街獻上我人生的第一次................被偷電話！！！

 

個日，約左食飯時間未到，一個人蛇去最愛的花園街打個白鴿轉，想睇下夠鐘未時，抄極都抄唔到個電話.....就係咁，我千里迢迢帶返黎的手機就咁比人偷左！！真係要詛咒小偷 xy$%&#%&%^&*$^&!

p.s. 不過大家真係要小心，係我被偷電話的個2日，原來有2個朋友都一樣比人偷左電話！！大家出門真係要小心個袋！

 

本身諗住買野，當堂無哂mood啦.........但以爲我會怕左而隔一段時間唔去就錯了！係邊到跌倒，就要係邊到企返起身！所以隔個禮拜我就去掃一轉！！

 

但今次收穫我覺得還好.........唔夠勁........

 

連身earth tone shirt dress, 我朋友話係“不自由”色......

鮮色西裝款薄外套，呢幾年都ok，所以買！

 

 

嚴格黎講呢2件係旺中買，睇中的係藍色呢件，但買2件平5蚊就買埋件打底花花背心。

 

最愛的izuma買的粗踭涼鞋，着得好舒服！

室内光影唔清楚，加flash個顔色會清楚d。

 

如果我有咁ge腳就好了.........假garter stocking我覺得幾得意就買！

 

以上。

 

【買物】復活節血拼@旺角

一連4日的復活節假, 大家有去外遊嗎??

我就留係香港刺激本地消費!

星期日個日, 跟好友下午去最常去的花園街&旺角血拼!

花園街真係大大話話行左10幾年, 有少女時代到熟女年代, 雖然d衫越黎越細件(每次拿起d褲, 都覺得"係人著架?!"), 同埋越黎越貴, 但係我都係咁愛行!!

 

係花園街買左vintage風碎花one piece/ layered border背心/washed blue打底背心 (有色差, 因為夜晚我房的燈影響到拍攝效果><)

可惜買唔到鞋, 最鐘意的izuma真係越黎越貴, 全部都差不多139蚊起,真係再無個支100蚊樓下的歌仔唱, 真係百物騰貴! 而且對對wedges都高都飛起, 其實我好想買對豬肉"劇", 但對對都好似踩高撬咁好難搞喔

 

 

light dinner 之後, 去左旺中. 唔好以為旺中只適合妹妹仔去(okay, 實際上都係妹妹仔最岩行~), 裡面賣袋啊賣襪啊都唔錯. 本來都唔乜收穫, 因為旺中d clothes對我呢個肥豬仔黎講太細件, 但居然比我買到條khaki work pant, 不過$90!! 雖然效果普通, 但我好少買到咁平的褲(通常要h&m, zara個d有大size的先買到), 所以都抵!!

 

旺中之後, 例行h&m同對面的cotton on, h&m例牌超多人, 個人比較中意中環個間, 加上行得好密, 無收穫!

 

殺去cotton on. 自從cotton on 開左之後, shopping 可以行到好夜! 去到發現比平時多人, 原來做緊Easter promotion, 全店30% off. 不過cotton on d衫我一向普通, 反而中意佢d roomwear & lingeries多d. 去上面個層, 哇, d鞋好似掃哂落地, 成個垃圾崗咁, 唔係講笑. 成地鞋無人執, 行都行唔到要涉"鞋"而過. 不過真係好抵, 我都掃左2對!!

 Cotton On 戰利品

 

主打係鞋. 涼鞋係夏天必備, 米色wedges意外地舒服, 所以入手!

上面2樣, 一件係每個衣櫃都有的白色cotton 背心, 一件係corset. 其實corset應該無乜用, 不過我有舖買lingeries癮. 而白色cotton 背心, 估計應該係有類似的(邊個會無?!) 但實在太平, 真係唔買對唔住自己!! 本來以為30% off 係original price, 點知原來係全單!! 最後買4樣野都不過係2百幾, 平到傻左!! 

Happy Easter! Happy Shopping!

 

p.s. 你地估下件白色cotton 背心折實後幾錢??

 

 

 

 

 

 

Ans: HK$14!!!