《mag為食紀》日本必食Cremia雪糕來到香港啦！都島屋 (將軍澳)

自從知道香港都有日本Cremia雪糕賣我真係超開心。 呢個每去日本必食的軟雪糕，如果你唔知道係咩，其實就係牛奶軟雪糕。

 

同一般軟雪糕不同，它的牛奶味係超級濃郁 （25%北海道鮮奶油(fresh cream)及12.5%高乳脂肪使用） 而雪糕筒的餅係類似白之戀人的餅乾-儂格酥（Langue de chat）

 

就算係日本，都係比較「高級」的軟雪糕，賣500yen（平時的軟雪糕大概3-400yen）

香港第一個賣的地方就係太古康怡「秋櫻屋」，第二個有售的地方就係將軍澳東港城一田「都島屋」。

 

得幾個位  

 

 

 

 

Cremia雪糕 @ 都島屋 HK$48

 

 

 

 

   
Cremia  軟雪糕 $ 48  

 

呢個價錢話貴又唔算好貴，我覺得可接受。 唔知係咪自己凝住，真心覺得同日本的味道有點兒不同。 日本的牛奶味真係好重，而且味道係好接近“真”牛奶/fresh milk 香港的味道雖然都係牛奶，但似奶粉味 日本的令我想再食多個，香港的就唔會 不過overall都係一個好食的牛奶味軟雪糕 如果係日本未食過Cremia的，都值得一試 P.S.個雪糕筒就完全一樣，應該由日本直接進口。 都有章魚小丸子賣

 

 

 

 

有章魚小丸子賣  

除了Cremia雪糕，當然要食埋pancake。

 

 

 

 

      
夏威夷果仁醬班戟 $ 50  

 

唔係而家被熱捧的souffle pancake，係結結實實的pancake/hotcake （類似麥記早餐個種） pancake牛油味好重(which i love!)，而且隔住玻璃睇住廚師整，一上檯熱辣辣超加分（係冒煙那種熱） 不過選擇的夏威夷果仁醬可能揀錯左 個醬係類似牛奶味，再有點夏威夷果仁，太普通 而且無忌廉又無雪糕，單調了點。 好在pancake本身好味道。 如果下次再來應該會選擇其它口味

《mag爲食紀》佐敦。七福神和食亭

是日約朋友食日本野，當然靠萬能的OR幫忙，搵到呢間離公司近近地的就去試試。

 

《佐敦。七福神和食亭》

 

 

 

 

我地都算早到（大約7點），原來已經接近full house，好在我們剛好有座位。

 

 

（相片是離開的時候影，所以已經9點幾）

 

一坐底梗係睇下menu有咩好食，點知見到點菜紙，一時之間以爲自己去左放題（笑），自己點餐咁搞笑ge？！

 

Menu野食種類繁多，識睇梗係睇單張的Special介紹。

 

 

看到生蠔拼盤，二話不説就點！！

 

另外仲點左不少熟食，以上菜順序介紹咯。

一口朱古力芝士年糕 $38

芝士年糕是我去襯日式放題必點的一味。
七福神和食亭就玩gimmick，加上朱古力醬。
點菜的時候朋友都有點猶疑，好在上OR見到其他食評知道係朱古力醬另上。
上菜時芝士年糕應是剛剛炸起，很熱外皮很脆，正！！
朱古力醬是黑朱古力醬，所以唔怕會好甜。
芝士年糕粘上黑朱古力醬，黑朱古力醬的苦甜微配上咸咸的流心芝士，
都幾特別，但不太是我杯茶。

 

 

石鍋燒香菜海蜆胡椒湯 $60

點的時候以爲是類似清酒煮蜆不過係換成胡椒湯，點知錯左（笑）
它似一個蔬菜蜆肉煲多d。
裏面除了蜆，有莧菜同粉絲，又幾好食喔，雖然同我地諗的有出入。

 

 

芝麻雞翼 $55

又係一味我去襯日式放題必點之品。
剛剛炸起真係無得輸。超好食！！
外皮脆，内裏雞肉juicy，諗起都想再食。

 

 

網燒牛扒 $58

全晚最敗筆。早知就點“推介”的粒粒牛柳。
網燒牛扒不太清楚點樣網燒法。
雖然大大塊可以滿足食肉獸，但牛扒本身有陣好似用左鬆肉粉的味。
所以肉質是軟的，但我極度討厭這種味。
不介意的可以點，因爲價錢算實惠。

 

生蠔拼盤 $88
（生蠔1隻，三文魚刺身2塊，甘蝦3隻，翡翠螺2粒）
生蠔（coffin bay） $28/1隻

 

係咪有d奇怪點解刺身而家先上呢？！
係啊，我地都好奇怪。其實它上菜的次序真係怪左d，
而且我有少少不滿係基本上前面4味菜係差不多同時間上。
我好開心唔洗點等有得食，但店家最好都考慮下得2個人，邊食得咁快？！
搞到d野食攤凍哂，灰。

言歸正傳，$88有8樣刺身都覺得OK抵，如果生蠔可以有兩粒就好了。
所以我地都另外order多兩隻coffin bay。
刺身全部都很新鮮，尤其係生蠔係我中意的肥美型。
反而翡翠螺就遜色了點。不過自己一向一般翡翠螺凍食，因爲味道比較淡。

 

牛油香煎銀雪魚 $108

朋友想點的銀雪魚，因爲我不太食魚所以只嘗了一小口。
沒有雪味，而且充滿油質。
煎的程度剛剛好。

 

蛋包泡菜牛肉炒飯 $52

其實吃到這已經有點7分飽，但看到鄰桌的炒飯忍不住要追加。
一上桌看到半溶的蛋，食欲立刻來了。
雖然說是泡菜牛肉炒飯，但完全吃不到泡菜或泡菜味，
反而是類似椒類的味道，小小辣很惹味，
個蛋當然也很加分。

 

椰子雪芭 $40/個

全晚的亮點居然係最後出現。
其時已經係飽到接近喉嚨位，
但沒有甜點點算係完滿的晚餐？！
一早已經打算吃雪芭sorbet，千揀萬揀之下決定了椰子味！！

滿滿的椰子雪芭塞滿了椰子殼（謎之音：其實個椰子殼會唔會洗左再用？）
一湯匙刮起，咦，點解個texture唔似雪芭，似雪糕嘅？

 

一吃————好好味啊！！！！！
超幼滑，充滿椰子奶味的雪糕（我都係覺得它似雪糕）
又唔會好甜，陣味又唔會好假。
本來係一個兩份，我即刻叫朋友自己order一個！！
真的超級推介！！！大家要留肚食啊！！！

 

 

七福神和食亭 
地址：佐敦彌敦道311-313號1樓
電話：2388 2302
營業時間：星期一至日: 11:30-15:00/15:30; 17:30-23:30
是日消費：每人約HK$327.5（不含飲料）

 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
    mag的FB Page: https://www.facebook.com/cestmag

《mag爲食紀》擊退monday blue @ 勝八鉄板串料理

星期一通常藍到放工立刻跑回家，可惜今日有事需出席，既然要出去了順便同友人一起吃飯，在openrice找了一家評價不錯的日式鐵板燒料理，就柴娃娃沖上去。

 

登龍街號永光中心的食肆都挺多，同場樓上好像是勝八的居酒屋，所以不要像我這樣跑錯層（鉄板料理是10樓！）

 

星期一晚客人不算特別多，大概就4桌人。

 

 

 

 

所以都算寬躺不擁擠，但同一般樓上食肆一樣的問題是密封的環境聲浪特大，所以不要打算二人世界的時候來~（笑）

 

勝八鉄板串料理的鉄板類食物都是大廚即場在場内的鉄板炒的，雖然是這樣，場内不會覺得大油煙，很讚！！鉄板臺前更有一排bar臺，給你近距離欣賞廚師的功架。

 

首先我們點了巨峰梳打&乳酸梳打 （各$38）

兩者都好好喝！！！應該是糖漿+梳打，但完全不會覺得甜！
有氣梳打飲落好像有氣酒，可以稍微慰籍不想星期一喝酒的酒鬼

 

刺身拼盤 （$290）

刺身拼盤是海膽、帶子、三文魚、甜蝦與兩款時令魚（這次的是鯛魚與油甘魚）
不太吃魚的我當然是把魚都推給友人，友人大讚又新鮮又鮮甜
主攻甜蝦的我超開心，因爲甜蝦大隻厚肉之餘，鮮甜又爽口
另外海膽&帶子都很好吃，不會覺得腥。
全個刺身拼盤都覺得很滿意，這個價錢有這個品質同分量都令人喜出望外。

 

清酒煮大蜆 （$88）

這個是我全晚最愛~~~（心心眼）

首先，蜆肉全部超級大顆！！
勁厚肉！！
勁鮮甜！！
無沙！
無吉殼！
試問你到外面吃幾家的清酒煮大蜆可以這樣？！
湯汁酒味不算重，有清酒的酒香，沒有酒的刺辣味，而且配上昆布更加好吃~~~

來到勝八鉄板串料理，主打點的當然是鐵板類。

 

有不少時令海鮮可以點，我們就點了蟶子（$78/隻）

以牛油&蒜茸炒，非常新鮮惹味。
但稍微蓋過了蟶子的甜味。

 

廣島燒蠔 （$58）

兩隻廣島蠔沒了殼立刻縮水了~~（笑）
一大堆的配料（煙肉、蒜、蔥）鋪在面，比較重口味，怕蠔的腥味的人都愛吃。
不知道爲什麽突然想配飯！！可惜沒喝酒，不然一定超下酒。

 

大蔥法國鴨胸肉 （$48）

大約4塊切好的鴨胸肉，本身沒有很多醬汁但很夠味。
因爲配上上面的大蔥絲+薄炸蒜片，多種不同重口味。
鴨胸肉本身不會乾，一片約兩口的分量很快就可以KO全碟。

 

黑豚肉串（$48/串）

我另一飛佛。很簡單只有鹽燒，再畫上一些沙律醬。

黑豚肉本身高質，簡單的烹調就很好吃。

附上的好像是芥末鹽，沾上一點可以提味。
推介！！

 

牛肉炒麵 （$88）第二飛佛

本來以爲是甜甜的日式炒麵，居然是醬油+蒜炒，
說真的有點太油，但味道太好吃所以我們明明已經很鮑都將它吃光光。
牛肉是細牛肉粒，加上椰菜、芽菜及灑上紫菜粉，明明是勁油的炒麵，
卻吃到停不了口！！！

是日每人消費大約$430，新張期内有八五折優惠。
以這個價錢吃鐵板料理不算貴，加上刺身等用料新鮮高質素，是想「吃好一點」的不錯選擇。

 

 

勝八鉄板串料理
地址：銅鑼灣登龍街28號永光中心10樓
電話：2776 6880
營業時間：星期一至日: 18:00-01:00  
是日消費：每人約HK$430（晚餐連飲料）

 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
   mag的FB Page: https://www.facebook.com/cestmag

《mag爲食紀》夢幻雞翼？！名過於實

Friday Night無訂位，隨便browse OR想找無需訂位的餐廳，突然想起了《世界の山ちゃん》，這家來自名古屋的居酒屋有據説拿過日本No.1的雞翼，

最愛吃雞翼的mag已經想吃好久，決定去排隊看看。

 

一排，就排了45分鐘，我都挺佩服我爲了食的毅力。

 

 

正式入座，我做到餐廳的另外一角的最裏面，裏面很煙霧彌漫，但奇怪又不太聞到油煙味。
（雖然最後離開時發現滿身油煙味，室内的抽油煙系統有待改進）

 

《相片是外面的座位，感覺油煙應該沒有這麽嚴重》

 

煞有本事的食雞翼講座，令人對名物夢幻雞翼期待萬分。

 

 

anyway，一行仨我們點了：

 

精力韭菜炒滑蛋 $58

一道本應很普通的韭菜炒滑蛋，
加入特製sauce同炸蒜後居然會變得這麽好吃。
可惜略嫌有點過油與味道過濃，
如果配白飯應該會更佳。

 

 

香炸竹輪海苔卷 $48

像是日式魚蛋（魚肉？）加紫菜。
很香口，很適合下酒
（其實這家感覺全都是下酒菜）

 

 

鐵板豆腐 $58

$58只有4粒豆腐，感覺偏貴。
豆腐做到外脆内嫩，
而且有醬汁配合不會淡而無味。

 

 

椰菜沙律 $28

麻油味道很重的椰菜沙律雖然只有椰菜有點單調
但意外地好吃。
味道是有點濃，但沒想到椰菜+麻油很搭，
吃多多也吃得下！

 

 

名物夢幻雞翼 （$48/5隻）

來《世界の山ちゃん》爲的就是他們的名物夢幻雞翼。
首先被它的細size嚇倒。
味道是類似椒鹽，很惹味，但亦很鹹
雖然雞翼的肉不會很乾，但實在太小隻，沒有什麽肉吃。
我想到比較像下酒菜，所以味道這麽濃，也不需要太多肉。
但同我想像中的不同。

 

 

味增烏冬鍋 $88

很濃的味增，一樣都是偏鹹
配料有少量雞肉、雞蛋等
烏冬是很Q很彈牙，撇除偏鹹這點
我還蠻喜歡這道。

 

 

香煎雞蛋卷 $48

很普通的玉子燒。
如果是熱的會比較開心。

 

注意，《世界の山ちゃん》是不提供水，
以這店的重口味來説，令人必須要點餐飲，
也算是成功的手法。（笑）

 

總括而言，世界の山ちゃん是惹味，亦算偏鹹，
雖然是好吃，但對我（普通人）來説實在太鹹
喜歡重口味的人應該很like，
可惜名物夢幻雞翼令人失望。

 

世界の山ちゃん
地址：尖沙咀金馬倫道57-59號金馬倫中心地庫 
電話：2723 9038
營業時間：
星期一至六: 17:00-23:30
星期日: 17:00-23:00 
是日消費：每人約HK$187（晚餐）
 

以上。

* 文章分享内容純為本人之個人意見。
 如有產品或服務試用合作，可聯絡mag→ yeah_panda@yahoo.com
  mag的FB Page: https://www.facebook.com/cestmag