事源，mag一向係花園街的粉絲，由中學幫襯到而家熟女年紀十多年黎無間斷，“雙方”關係一直維持友好狀態，但係，情況改變了！
何解，因爲我係花園街獻上我人生的第一次................被偷電話！！！
個日，約左食飯時間未到，一個人蛇去最愛的花園街打個白鴿轉，想睇下夠鐘未時，抄極都抄唔到個電話.....就係咁，我千里迢迢帶返黎的手機就咁比人偷左！！真係要詛咒小偷 xy$%&#%&%^&*$^&!
p.s. 不過大家真係要小心，係我被偷電話的個2日，原來有2個朋友都一樣比人偷左電話！！大家出門真係要小心個袋！
本身諗住買野，當堂無哂mood啦.........但以爲我會怕左而隔一段時間唔去就錯了！係邊到跌倒，就要係邊到企返起身！所以隔個禮拜我就去掃一轉！！
但今次收穫我覺得還好.........唔夠勁........
連身earth tone shirt dress, 我朋友話係“不自由”色......
鮮色西裝款薄外套，呢幾年都ok，所以買！
嚴格黎講呢2件係旺中買，睇中的係藍色呢件，但買2件平5蚊就買埋件打底花花背心。
最愛的izuma買的粗踭涼鞋，着得好舒服！
室内光影唔清楚，加flash個顔色會清楚d。
以上。
No comments:
Post a Comment