講起德國，即刻諗起的是豬手，之後就啤酒。
護膚品？完全諗唔起。
直到幾年起前某德國價廉物美的洋甘菊handcream彈起，大家先知咦原來德國都有好惦的skincare架喔！
至此市面上見到越來越多的德國skincare，其中甚得我歡心的就是Kamill。
之前也曾經分享過Kamill 的 Hand & Nail Classic Handcream:
【mäg推介】♥便宜又好用的hand cream: Kamill Hand & Nail Classic♥
http://www.theztyle.com/blog/space.php?uid=33410&do=blog&id=81528
Kamill的產品都以「德國洋甘菊」做為護膚的base，質地溫和，與肌膚的pH值接近，不含人工色素，所以不怕會引起肌膚多餘的負擔，而且可以有效解決手部肌膚問題。 最近Kamill越來越多搞作，繼邀請了Lisa S.做代言人外，係facebook更提供了不少的試用活動！ 今次好幸運被抽中，拿到的是有防敏配方sensitive系列的handcream & body lotion!
唔知大家有無同我一樣的煩惱呢？ 就係以前根本唔知道皮膚敏感係咩一回事，但近幾年，皮膚容易敏感左好多，成日都會好痕，起紅色粒粒。 尤其係冬天乾燥或者轉天氣的時候更加容易會皮膚敏感，而且好痕，搽乜都無用要睇醫生。 但次次都睇醫生，荷包好快乾塘。所以日常都要用一d可以舒緩皮膚負擔的產品。 我娘親更慘，冬天的時候皮膚敏感起來時，真的以爲是“生野”。外觀不好就算，最慘是痕痕痕！！ 瓶底：
評一下sensitive系列的handcream & body lotion！（兩者對我來説感覺好似，所以就一起評分吧！）
容量&價錢：★★★★★
100ml/$33（手） and 250ml/$40（身）
個人覺得好抵買，因爲我用body lotion & handcream量&次數都多，這個價錢就不會令你不捨得用，可以豪氣地大量使用！
質地： ★★★☆☆
乳霜狀
很容易推，個人覺得handcream吸收比body lotion快，可能是我喜歡厚抹body lotion的關係？！
香味： ★☆☆☆☆
兩者的香味都一樣.........就是沒香味！要知道敏感皮膚最好是使用沒有香料的產品。
但........可以選擇的話，我會選用普通的產品，因爲感覺會令我聯想到醫院味......
但overall是不難聞的，有點藥用軟膏味.....(希望你知道我講乜！)
滋潤度：★★★★☆
兩者的滋潤度令人滿意！
body lotion最適合現在有點乾燥的天氣！前陣子我在用的body lotion已經不太夠潤，手臂&小腿有時都會乾到痕，一改用這個，痕癢問題就有改善！
而且我還叫我那重度敏感的娘親用，她都覺得幾好，滋潤度夠！
Handcream表現不過不失，唔係唔好，而係效果同之前的classic一樣好。
都係好快吸收，一搽手部乾紋即消失！
持久度：★★★★☆
不錯！
body lotion我厚搽，整晚都不會覺得乾燥！
而handcream可以last到好耐，基本上因爲我幾個小時就至少洗一次手，而洗手後handcream必搽，所以我都無辦法判斷到確實可以維持幾耐......至少幾個小時都無問題啦。
總評：
多數for敏感皮膚的產品會比其他產品貴，所以以呢個價錢就買到有效的敏感皮膚產品，非常划算！
以上。
