《mag爲食紀》等到啦！正宗日本つけ麺＠三田製麵所

 

對つけ麺的情意結起於同同學去又抵食又好食的つけ麺屋やすべえ池袋店，其實在日本並沒有特別去什麽つけ麺名店，因此やすべえ的Level我已經很滿足。

 

係香港好似近幾年才興起つけ麺（沾麵），沒有特別去過什麽地方，只吃過尖沙咀的富士山55（和某間已經忘記了），感覺一般沒有記憶中的好吃就沒有再去。

 

OR見到排行榜上出現了一家「三田製麵所」，記得去台灣旅行的時候都見過。上網search下發現原來係來自日本，而且才剛與2015年2月中係香港銅鑼灣開了一號店，喜愛食つけ麺的mag點可以放過！！立刻叫朋友襯新年未放完假，陪我“平日下午”去試一試。

 

當日是年初六平日的中午，我已經避過lunch time時間2：30去排隊，

少少地都排左30-45分鐘。（暈倒）

 

店鋪位置都算OK大（約三十幾人座位），雖然中間有很大的玻璃窗廚房感覺有點佔位置，但可以清楚看到師傅煮麵的情況，同日本的麵店相似。
乾淨企理，位置雖然不算寬，但座位間都有點距離，不會太狹窄。用餐環境都算舒服。

 

見到裏面的師傅應該有某幾個是日本人，唔知係會長駐係香港店，

定係會係到直至某段時間。
而裏面的店員有好幾位都可以說流利日語，至少個句いらっしゃいませ特別正宗，

讓人感覺置身於日本麵店一樣。

午餐有特別set menu （11am-5:30pm）

其實就係可以加錢配多樣餸 （$18-$30不等） 以及送杯野飲

我同朋友都要加set，我選擇的當然係「濃厚魚介豚骨つけ麺」；

 朋友order的就係「三田特製ラーメン」。

另外還有辣味（辛）つけ麺與ラーメン提供，主食的menu that's it，就係四樣。

對香港人黎講可能無乜選擇，但我覺得居然可以配炸雞、炸豬排等等的set已經很特別。細想去一般日本拉麵orつけ麺店，通常都係得幾款選擇，無set配菜要另點的呢。

つけ麺有三種size，小140g中210g大280g 同價$78，特大420g $88
*注意係不可以share的

當日因爲準備之後再去食tea，所以少少地叫左個中size，其實食落都夠飽的，尤其仲有炸雞。一般女仔食我估中size都未必食得哂（如果有配菜的話）。

（上日本網睇，日本三田製麵所的size是小200g中300g大400g，難怪我覺得中size都不算很多。以前係日本，中已經覺得好飽！！）

 

 

看到其他人的食評先知原來有提供熱麵的つけ麺，

不過正宗應該都係冷麵，對熱麵呢個option無甚興趣。

等左一陣朋友的 三田特製ラーメン先上。

 

她覺得完全唔好食，因爲好咸。
麵質OK，但不算彈牙。
另外它的湯好得意，完全不知道是屬於那種，既不是miso，又不是豬骨。
完全吃不出來。

 

餃子（朋友點的。我無食，睇落都正常）

 

 

炸雞

 

等左好耐（所有都上齊，朋友的拉麵都吃完了）還是沒到。
應該是漏單。
追單後上的炸雞很熱，外脆、雞肉裏面都算juicy。
可惜都係偏咸。少扣分。

 

幸好我的つけ麺，比我預計的好。
賣相，同我記憶中遲到的 やすべえ相似。
叉燒比較少，味道一般。
半熟蛋OK，有d硬。

 

 

好在，主角的つけ麺，麵條彈牙，在筲箕上不會痴埋一堆。
麵條粗幼度適中，很有咬勁。
滑溜溜不會覺得很淋很粉。

沾汁味道也是我記憶中的魚介豚骨味道，
很濃厚，但偏咸。（可接受）
有點可惜的是一上菜的時候我的沾汁偏溫唔夠熱。
微扣分。

最後，其實可以在沾汁加入熱水當湯飲。但我覺得太咸了。無興趣。

 

 

開張期間惠顧會有HK25 coupon，派到我時居然派清光，不過係下午3點幾。
如果準備得這麽少，就不要提供這個優惠啦。

 

 

環境：★★★☆☆
座位不算寬敞，但很貼心的附上小籃子等你可以將包包收在椅下。
地點：★★★★★
味道：★★★★☆
服務：★★★☆☆
價格：★★★☆☆ （每人約$120，含加一）
Encore： Yes
總評：絕對會再encore，可惜可能要等odd hour，斷斷不想再排大半個時隊。
另外亦會試下香港其他的粘麵店，希望下次再去，

可能不再係日本師傅的三田製麵所依舊能夠保持水準。
 

 

三田製麵所
•地址：銅鑼灣登龍街25-29號金朝陽中心2期地舖一樓
•營業時間：星期一至四11am- 1am，星期六、日及公眾假期前夕11am-3am
•電話：2567 8066

 

**更多其他在香港吃沾麵的地方與食評，可以上網search劍心。

他對日本文化與美食都有很詳細的介紹。