《mag爲食紀》有少少比人呃左的fu@鳳城酒家

好耐無寫過食野,其實有好多都好想寫但懶得寫....

 

終於寫了,而且仲係新鮮滾熱辣前2晚的事,原因實在係有d不吐不快!

 

話說,朋友至遠方來,想食local food for dinner,近我又多野食的就算太子/旺角一帶。
一向對食無乜研究的我,當然要救助openrice揾食中餐的地方。
本來想訂八月軒但已經full booking,就選左評價都ok的鳳城酒家。

 

Openrice上推介的有乳豬生腸併盤,蓮蓉西米布丁,炸鮮奶,炸子雞,蝦多士等。
經過上次去金山「哎乜都賣哂」的一役後,今次我都精左,係訂位的時候特登問:「有乜咩菜要預定先,到時會唔會賣哂?」,對方就話唔會,咁我就book左8點。(有2個時間,6:30pm & 8pm)
8點正上到去,我就先同知客講訂左位8點的(當時另外都有少少應該係有book檯的人等緊),有d位執緊,個知客就叫我等一陣。
Ok,企埋一邊等,但5分鐘都無動靜,我都唔知咩情況,就再問,亦得到一樣的回答。
大姐,妳可以至少話比我聽,究竟係有檯但執緊,定無檯啊?!
如是者total等左大概10分鐘就有位。

 

友人無意見下,我就哎openrice上推介的dish,點知.....
蓮蓉西米布丁已經賣哂,下,原來要預訂!!大佬,打電話booking的時候係妳地話我聽唔洗預訂架喔!
OK, fine。哎左乳豬生腸併盤,蒜蓉炒豆苗,炸鮮奶,炸子雞,蝦多士。

 

乳豬生腸併盤

一上檯,雖然openrice已經有人寫過,但比佢迷你的size輕微嚇到.....
不過好在乳豬幾好食,皮脆肉嫩,唔會乾。生腸就ok,唔"un",好爽好咬口。

 

蒜蓉炒豆苗
好食
要批評的地方就係唔係exactly係豆苗囉。
豆苗唔係得葉架咩?!佢係連埋條莖的,雖然係多d,但相對比平d囉個成本。

 

炸子雞(半隻)$120
OK好食! d肉好嫩,皮好薄好脆
美中不足係雞肉無乜味,一定要點野

 

蝦多士 OK好食!
炸得好脆。塊多士感覺有少少油,但尚可接受,唔會覺得油得濟。

 

我期待的炸鮮奶(本人好中意食炸鮮奶!),四樣菜上哂都未到,我就追問d侍應了(同我點菜時同一個女人)。
我話:唔好意思個炸鮮奶未到,麻煩跟跟。
侍應:OK,幫你追下個炒奶。
我都有少少奇怪,點解叫"炒奶",但當時以為係另一個名之類,就無為意。
點知,上菜的係:

 

大家都O左嘴!
我即刻問:乜唔係炸鮮奶黎ge?!
侍應:下,無炸鮮奶啊,得炒奶。炸鮮奶要預訂。
當時我都呆左,亦無反應到話唔要,就算了。

 

不過好食就算了,但個味道係好....微妙........
個texture好似scramble egg, 但又無蛋味,亦都完全無奶味。
咁有乜味?!就係有咸咸地,少少蟹味(裡面有非常少的蟹肉)
難食,又唔係,但唔好食囉。

 

overall,其實D野係幾好食,但我應該都唔會再去。原因:
一,明明電話裡問左,都話我知唔洗預訂,但去到有2樣想食的都無已經扣分

 

二,炸鮮奶變炒奶!完全unacceptable。
我唔sure我order時,個侍應有無重複我哎的係炸鮮奶,但我好sure自己一定係order炸鮮奶。
如果要預訂,或者已經賣哂,應該係我order的時候話我聽無。
或者係我追炸鮮奶單的時候,雖然覆我係話會追個炒奶,但都應該提醒聲"你地order的係炒奶,唔係炸鮮奶喔"。
我有d覺得被呃左囉....
仲要係唔好食!

 

三,五個菜+五個白飯,承惠$730
唔係平囉!d野係幾好食,但呢到的服務/環境,如果係呢個價錢的話,我會expect係更好味囉。

 

以上。