Happy Friday 第二彈: 日本カラオケ

岩岩呢個金曜日, 就係Tanny さん等人ge積極安排下, 我地BB班S7終於搞左第一次after class活動, 就係去唱カラオケ

. 咁岩就係去我個站隔離間カラオケ, 而且價錢都唔貴, 咁我當然要去啦. 開頭都係得小貓三四隻, 有d人應承左又唔去, 有d人又最last min先cfm....anyway, 最後都有成12個人去, 利害! (我地班20人)

主打當然係TW幫, 而且大家唱歌都好好聽, 好多歌后!!! 勁犀利!

我地大概3點多唱到6點多, 大家share 左少少野食, 飲み放題(雖然都無話飲好多), 每人唔洗1000yen, 都ok抵! 之後就分道揚鑣, 有d人返寮, 有d人去食成3000yen ge 燒肉食べ放題, 我呢d窮人就去食普通野得啦.

雖然係普通野, 唔好以為就難吃, 我地去呢家つけ麵

, 好似幾有名, 仲要排左一陣隊!! 因為裡面係bar 台, 我地7個人就要分開坐. 呢到d麵, 係大中細一律 680yen, 我見唔係好餓, 就叫個中 (如果餓就叫大, 你知日本人好細食架啦). 點知, 係超大碟, 中都差不多好似一個大ge portion!! no kidding! 我好努力咁食

, 都不過係食左 5份3.....剩返接近一半.  日本呢到食剩係唔興打包 (我仲特登問過先生點解, 佢話因為你打包返屋企食, 如果出左乜事會係餐廳ge責任), 而且因為大小同價, 我食剩咁多, 變相就唔俾面間餐廳

. 點知, 我ge同伴都發揮驚人ge小宇宙, 2個人分埋我食剩個d, 勁!

食飽飽, 又分道揚鑣, 我同Tannyさん and Emmaさん就去Sunshine City行下, 不過8點已經9成shops閉哂, 之後去機舖hea左一陣. Emmaさん好勁啊, 用100yen比佢玩到個d類似夾公仔機, 有成10幾盒KitKat

!!! 之後去Big Camara行多一陣, 大概10點就打道回府!

夾公仔機ge超得意公仔