《mag為食紀》日本必食Cremia雪糕來到香港啦！都島屋 (將軍澳)

自從知道香港都有日本Cremia雪糕賣我真係超開心。 呢個每去日本必食的軟雪糕，如果你唔知道係咩，其實就係牛奶軟雪糕。

 

同一般軟雪糕不同，它的牛奶味係超級濃郁 （25%北海道鮮奶油(fresh cream)及12.5%高乳脂肪使用） 而雪糕筒的餅係類似白之戀人的餅乾-儂格酥（Langue de chat）

 

就算係日本，都係比較「高級」的軟雪糕，賣500yen（平時的軟雪糕大概3-400yen）

香港第一個賣的地方就係太古康怡「秋櫻屋」，第二個有售的地方就係將軍澳東港城一田「都島屋」。

 

得幾個位  

 

 

 

 

Cremia雪糕 @ 都島屋 HK$48

 

 

 

 

   
Cremia  軟雪糕 $ 48  

 

呢個價錢話貴又唔算好貴，我覺得可接受。 唔知係咪自己凝住，真心覺得同日本的味道有點兒不同。 日本的牛奶味真係好重，而且味道係好接近“真”牛奶/fresh milk 香港的味道雖然都係牛奶，但似奶粉味 日本的令我想再食多個，香港的就唔會 不過overall都係一個好食的牛奶味軟雪糕 如果係日本未食過Cremia的，都值得一試 P.S.個雪糕筒就完全一樣，應該由日本直接進口。 都有章魚小丸子賣

 

 

 

 

有章魚小丸子賣  

除了Cremia雪糕，當然要食埋pancake。

 

 

 

 

      
夏威夷果仁醬班戟 $ 50  

 

唔係而家被熱捧的souffle pancake，係結結實實的pancake/hotcake （類似麥記早餐個種） pancake牛油味好重(which i love!)，而且隔住玻璃睇住廚師整，一上檯熱辣辣超加分（係冒煙那種熱） 不過選擇的夏威夷果仁醬可能揀錯左 個醬係類似牛奶味，再有點夏威夷果仁，太普通 而且無忌廉又無雪糕，單調了點。 好在pancake本身好味道。 如果下次再來應該會選擇其它口味

《Trial》革命性肌底液！SOFINA iP 土台美容液

日本近年流行「碳酸泡沫」的護膚品，因爲碳酸泡沫的分子細小，容易滲透進肌膚。各式各樣碳酸泡沫洗面、爽膚水、面膜、防曬等，而其中最特別、最突破性的產品，就是SOFINA iP土台美容液（$420/90g）。

 

第一次看到SOFINA iP土台美容液的名字，大概每一個人的疑問就是--何謂「土台」？

 

原來「土台」在日文是根基的意思。而SOFINA土台美容液，顧名思義就是由肌膚底層提升改善肌膚質素。

 

 

經過30多年的科研，SOFINA發現皮膚的老化和身體機能之「血管力」有著重要關係，科研團隊認為要從以全身機能來推動，透過改善血管力來提升「土台之力Physical Power」，從而點燃「皮膚之力」，用全身的力量來孕育美麗肌膚。

 

 

「土台之力」是什麽？

 
 

在「生命美容科學」的領域中，血液循環系統、免疫系統、新陳代謝機能的運作效率，都屬於「土台之力」，當中以「血管力」最重要，是賦予肌膚美麗和健康不可或缺的力量。

 

隨著年齡增長，血管力呈現下降趨勢。另外，在寒冷天氣及睡眠不足的情況下，面部的血流量亦會較弱，難怪當疲勞、寒氣入侵時，面色特別容易顯得暗啞及憔悴。

而SOFINA iP土台美容液超越護膚領域，透過「微米碳酸泡沫」刺激皮膚的「感覺神經」，提高皮膚局部的血管力，使血管擴張，促進血液循環。

 

SOFINA 土台美容液使用的步驟是清潔面部後的第一步，即於塗抹化妝水及乳液前使用，便能從基礎開始提升肌膚血管力。

 

 

##要注意返，有別於一樣的泡沫產品，土台美容液是不需要上下搖晃，只需要直接按噴嘴就行

 

用量大約3cm直徑大小，已經足夠全臉與頸部使用。

 

一次用量已充滿2000萬個微米碳酸泡沫

1/100mm (10μｍ)的高濃度微米碳酸泡沫，由於比毛孔(約200μｍ)還要小，能迅速滲透至皮膚深處。

將土台美容液的極致高濃度微米碳酸泡泡點在臉部，再按摩到肌膚上，碳酸泡泡會像面膜一樣伸延開來，並迅速滲透到肌膚底層，使血管擴張，促進血液循環，塗抹後皮膚血管力上升1.5倍，激活肌膚「土台之力」，加速營養輸送，令隨後使用的化妝水及乳液滲透更佳。

 

留意返，雖然是泡沫，但是碳酸泡泡不像洗面膏濃稠的泡沫，而是較多空氣的泡沫，將泡沫分開點在臉頰、額頭、鼻子、下巴等位置時要小心不要弄破泡沫，點開後要立刻按摩到臉部（不然就會化成乳液狀滴落）

 

剛塗抹到臉上時會感到細微如碳酸「沙」～一樣的感覺，但不會有刺痛感，且不會刺紅。靜待約30秒等土台美容液大致滲透後，就可以使用之後的護膚程序。

 

試用了SOFINA iP 土台美容液約三個星期，我覺得肌膚的狀態有改善。

現在我的使用程序是 土台美容液 -〉 爽膚水 -〉 防曬乳液 （剛巧全都是SOFINA）

最顯著的改變是膚色比較均勻白皙，而且膚質更柔軟細緻。

 

 

SOFINA iP 土台美容液的價錢定位不算貴，加上嶄新的技術與成分，且效果不俗，很推薦給想提升增強自己護膚routine的人。

更多產品資料，可以到品牌網站：
http://web.sofina.com/hk/ip/mousse/

 

 

以上。

 

 

  *以上產品/服務以及有關的資料乃由該品牌提供。

 文章分享内容純為本人之個人意見, 如有興趣的朋友，請自行向該品牌查詢。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《mag爲食紀》抵食、味道OK--喜記蟹將軍：雙蟹宴

話說，同事見到免費報紙有蟹將軍雙蟹宴的廣告，$988/4-6位用，仲有$50 coupon，那平均一位就大約百幾蚊，有蟹有蝦有蜆，梗係即刻BOOK啦。

 

蟹將軍尖沙嘴分店位於Isquare，我地呢日book得早（平日6點多），居然裏面都有不少顧客。

除了雙蟹宴，因爲我地有7個人，我地另外加多一客金菊豆花湯（$55)，而每位計的火焰富貴蝦我地就無多點。

 

 

室内環境舒服

 

朋友不是個個都會吃很多海鮮，所以我地都另外叫了幾樣$66的特價小菜。

 

餐牌

 

雙蟹宴Details：

可供4-6位用
需另收加一與茶介（$10/位）

 

 

火焰富貴蝦

上枱時有點被嚇倒，因爲完全聯想唔到這個啫喱杯。
說好的火焰呢？侍應說之前已用火焰揮發菜式的酒精（?)
幾時？將道菜冷藏前的事？那火焰好像不太關事

這道菜其實有點似啫喱水晶餚肉個層啫喱加上瀨尿蝦肉。
瀨尿蝦肉本身無問題，但sorry我不太會欣賞個層不知道怎麽形容的味道（海鮮高湯？）的啫喱，所以只刮了下面的瀨尿蝦吃。

花甲汁火焰蜆

 

 

呢道菜的包裝都幾特別，是將蜆包在錫紙袋裏面，再在上桌後點火煮熟。
但一打開，有陣超怪的香味，好似女人香水般的人工香味。
雖然食落的味道唔覺得奇怪，但放入口個刹那聞到個香水味真係唔開胃
最後忍唔住同經理講，幫我地換過碟。
據稱係之前個碟的花甲汁落多左。哦哦哦，原來花甲汁=香水味，真係長知識。
換過之後個碟味道同香味即刻正常返，係類似清酒煮蜆。

金菊豆花湯

賣相係好靚（個豆腐半切絲好似菊花般），但味道非常一般

 

濃香啤酒蟹或娘惹咖喱蟹

我們選了濃香啤酒蟹。
有輕微的啤酒味，比較似cream sauce。
無算濃味，清清地，可以提升到蟹肉的鮮味。

 

喜記正宗炒辣蟹

超級好味！！！！！
個炸蒜蓉超級好味，完全可以拿來配飯。
同啤酒蟹一樣，其實個蟹都OK大隻（中size），都算多肉

古法豉油雞煲

意外的好味道。
雞肉肉質很嫩，

濃湯雲耳鮮茄浸時菜

幾好食，但菜略嫌少了點（比較多雲耳鮮茄菇類）

鮮蟹肉蠔仔泡飯

 好味！蠔仔都算OK大隻而且係鮮蠔仔
都有不少蟹肉，good

 

附送的番薯糖水

 

 

以上就係蟹將軍雙蟹宴的菜式，我地另外點的$66特價小菜有呢d

蟹油蒜香骨

（唔記得影）
OK啦，不太感覺到咩蟹油（=食到蟹味？無咯）
我覺得有點炸過龍，所以有點乾硬

海味雜菜煲

不錯！！

沙爹粉絲牛肉煲

粉絲有點太淋，味道不錯

 

黑松露蝦球四季豆

幾好，好多蝦球
朋友話都有輕微黑松露味

總結，每位$220（如果單叫個餐6位每人約$180），又有蟹又有蜆又有雞，我覺得很抵，當然不是所有菜式的味道都極好，但平均算不錯。一班人食飯想平平d食海鮮，蟹將軍的特價餐係不錯的選擇。

《Trial》親膚天然好磨砂~~ LUÈ BY JEAN SEO 燕麥飄霜

 

今次試用的產品是美國品牌 LUÈ BY JEAN SEO推出的Erase 燕麥飄霜，看到這個美麗的名字不太聯想到是什麼產品（笑），其實它是由精細的全燕麥粒子、脫脂奶粉及碳酸鎂完美混合而成的臉部磨砂產品，功效是清潔、磨砂及提亮肌膚。

 

 

 

使用的方法是將燕麥飄霜與水以 2:1 份量混合，將混合的糊狀物塗抹在臉上等1分鐘，再向上按摩，燕麥會如橡皮擦膠碎般剝落 （如果過乾，可以再加點水按摩，切勿太乾去按摩否則過度摩擦肌膚）

 

 

我喜歡混合好的燕麥飄霜糊仔有很香的「麥精」味，而且按摩完洗淨的肌膚超級柔軟，比起平時使用粒狀磨砂膏更親膚（有時候用粒狀磨砂膏太大力可能會紅紅的），加上成分天然，更適合較敏感的肌膚。清潔力都很強，用完後明顯看到肌膚變得比較白淨，而且鼻子的黑頭有清潔到，希望持續使用可以減低毛孔堵塞問題。

 

唯一不是太喜歡是初初使用較難拿捏混合時的用量，比較麻煩，而且如果糊仔太稀會很容易弄髒頭髮。

 

 

 

 

不過相對用後的效果，這些的缺點都不重要，很讚的產品，我會推薦給大家。

 

 

 

 

以上。

 

 

  *以上產品/服務以及有關的資料乃由該品牌提供。

 文章分享内容純為本人之個人意見, 如有興趣的朋友，請自行向該品牌查詢。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

 

《mag爲食紀》突然爆紅好似未handle到@原味館

雖然很多人閙爆X假期成日介紹完d景點、餐廳後會搞到好多人，但無可否認亦真係令到更多人認識某些餐廳或地方。

 

這次來到的《原味館》位於荃灣，基本上我是不會踏足，就係因爲睇到報導介紹的[三鮮麵]，嗜食海鮮的我又點可以放過。

 

 

 

是日（3/17）慕名而來，真係完全低估了報導的威力。
大約8點到達，除了全店滿座之外（唔難，因爲其實大約得12-15個位左右）--〉後來後巷位再加了幾檯。

店外亦圍住很多人等候。

 

拿到號碼紙大約要等8張檯，以爲吃個麵應該好快，點知都等左一個鐘左右。

 

9點幾其實已經等到極餓，一場來到梗係[三鮮麵]啦。

可惜麵綫、米綫、面綫等已經賣哂，只剩米粉，唉雖然無奈但只可接受。

 

很快就先上一碗。我讓朋友先吃。

點知，等左勁耐（15-20分鐘）第二碗都未出現。
忍唔住終於問夥計，好明顯係漏單，大佬，兩個人，點兩碗麵都可以漏一碗。
廚房先話無哂蟶子，心諗WTF，廚房提議比牛肉我，sorry我真係一心食海鮮。
最後話比多d唔知花蛤定蚵仔我，雖然我望落同朋友個碗無分別。

 

**呢碗係我個碗無蟶子（有一隻係朋友個碗比我的）

好啦，呻一大論。味道點呢？
以$58來講，有2-3隻蟶子，幾隻花蛤，幾隻蚵仔的麵係抵ge。
海鮮的size都算合理，
而且個湯的味道真係幾鮮甜。
不過就唔會引到我下次再長途跋涉入荃灣食咯。
如果經開或者係附近的都可以一試。

 

之前見到有人post食唔飽，朋友（一般女仔）覺得OK剛好，比較爲食的我就覺得大約7分飽左右，之後兩個再食到豆腐花（笑）。

 

原味館
地址：荃灣大河道91-97號天保大廈地下F2號舖  
電話：6855 2041
營業時間：星期二至日: 12:00-22:30 逢星期一休息
是日消費：每人$58

 

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag

《Trial》懶人必試，輕鬆排汗瘦身@美人蒸—古法薰蒸養生館

成日見到韓國人樣靚（不論真假）身材正，身為平庸港女一枚的mag當然好羡慕啦。
除了飲食養生外，好似7-11一樣走兩步就有一間的汗蒸幕佔了重要的一環，韓妹由細到大得閑就去下汗蒸幕，除了排毒令皮膚靚靚之外，更可以祛除水腫，想唔瘦都難！可惜香港人多地少，想好似韓國周圍都係大大間汗蒸幕簡直是妄想。當然香港人這麽多ideas，我地不會比地方細而局限的。

 

地方細細一樣有其玩法，位於荃灣的[美人蒸—古法薰蒸養生館]就引進了韓國韓國最HIT的懶人運動：薰蒸療法。這個來自韓國的薰蒸療法，只要短短40分鐘的時間，配合不同的草藥包，就可以達至排毒、美顏、消脂瘦身、祛除水腫、改善睡眠質素、舒緩經痛等功效。

 

 

到達[美人蒸]後，首先店員會講解古法薰蒸前後需要注意的事項。
譬如有皮膚病或中藥敏感、糖尿病或高血壓、懷孕中等等都不適合做全身的古法薰蒸。

如果中了其中一項，店員就會建議改做腳部薰蒸。

 

 

確認可以做全身古法薰蒸，就可以從list上6種選取其中1種古法薰蒸藥包。

我無打錯，原來老闆話有一個隱藏版的藥包主要成分爲薑，可以祛寒之餘會特別熱，所以老闆通常會等客人來了幾次後才推薦。

本來我想試試#1消脂瘦身（本人最需要），但諗諗下都係先挑戰去水腫的#2 排毒美顔。

 

選好藥包，店員就帶我去更衣。點知經過一家好似幼稚園play room的房間。
原來[美人蒸]有托兒服務（需預約）！哇，太customer-friendly！呢啲咪就係超加分。

 

換好衫後發現更衣室内的梳妝臺居然有一大堆名牌的護膚品與香水。
老闆解釋說這些是免費提供比客人，在蒸薰後因爲會比較乾，沒有帶產品在身的人都可以即時護膚，不怕太乾，超級貼心（心心眼！）

 

最近店内亦增設按摩服務（需預約），我一諗到蒸薰後出了一身汗，再來個body massage就爽歪歪~~

 

腳部薰蒸蒸箱

 

 

終於到戲玉——全身古法蒸薰蒸箱
我這次用的蒸箱一間房間裏有兩個，有布簾隔開保持私隱。

 

在我更衣期間，店員已經將藥包放入蒸箱內，蒸箱内薰出的高溫蒸氣含藥包内的藥氣，當我地進入蒸機箱內，就可以在這40分鐘内讓藥力透過全身毛孔吸收，比起内服或外塗更能吸收功效。

 

坐入蒸箱之後，可以將衣服拉低，令背部更好吸收蒸氣。
蒸箱有兩個洞口供人伸手出來，所以在蒸薰的過程内，大家可以玩玩手機或休息，就不怕悶咯。
最讚的是，[美人蒸]提供免費wifi，又可借外置充電器，不怕會玩到手機無電。
因爲蒸薰過程會大量流汗，所以在蒸薰前、途中與蒸薰後都建議多喝水補充水分。

 

雖然說40分鐘好似很耐，轉眼間就過去了。
Mag本身都是挺怕熱的人，所以在最後10分鐘蒸薰溫度最高時都有叫店員把溫度調低。
最神奇是，平常我可能要快走1個小時才會微微出汗（因爲代謝較慢），這次不過做了40分鐘的蒸薰，除了整件衣服濕透，還滴汗！！！平時就算去桑拿我都不會流這麽多汗。

 

做完之後全身都紅彤彤，可想而知血液循環是有多快！！！
（這張加了特效的相是已經減低了我的紅，將這個加深大概3倍就是實際的紅度！）

 

 

雖然流了這麽多汗，但店員提醒不能夠立刻沖澡或進食，因爲加快了代謝循環，立刻進食就會變了雙重吸收（oh no！）。而立刻沖澡就有可能會著涼，好在雖然唔可以沖澡，但不會有很濃的汗味，反而有點點的草藥香味。

 

這次的古法薰蒸，雖然一次不會立刻達到你想要的祛水腫或瘦身效果（又唔係抽脂！），但做了一次後出了一身汗，渾身的疲勞得到舒緩，而且皮膚即刻邊光滑，相信持之以恆一定達到所需的功效。

 

 

美人蒸 – 古法薰蒸養生館收費與現有優惠（2017年3月）

 

 

 

美人蒸 – 古法薰蒸養生館
Facebook: https://www.facebook.com/SteamBeauty/
地址: 荃灣大河道99號99廣場1504-05室
電話: 2771-2148

 

以上。

  * 文章分享内容純為本人之個人意見。

 如有產品或服務試用合作，可聯絡mag→ yeah_panda@yahoo.com

   mag的FB Page: https://www.facebook.com/cestmag