日本住/租屋問題

呢排大家又開始準備明年到日本留學d野, 我見其他blog友對日本住/租屋方面都有d疑問, 咁我儘量將我知道ge post出黎, 歡迎其他blog友補充/更正.

日本住宿, 不外乎都係學校宿舍同自己租屋, 宿舍呢d就睇你本身間學校啦. 自己係出面住, 大致就有guesthouse/學生會館; furnished apartment; 普通去地產公司到租屋.

Option 1

係日本租屋, 一般都要比禮金(gift money)同押金(deposit), 大約係月租2-4個月

, 押金你退租個陣會退比你, 但係禮金就係比左個房東ge. 而家都會有零禮金同零押金, 不過95%都係要比. 所以你第一個月可能就要比好多錢出黎. 同埋係日本租屋係需要保證人, 有d學校會幫學生做, 如果唔得/唔受學校做保證人, 就可能又要花d錢請人/保證會社. 另外一個重點, 就係日本租ge屋大部分都係吉屋, 所以又要預十零廿萬買家具.

(budget: 每月齋房租大概5.5- 8萬) ----> 以下budget全部係當你一個人住

Option 2

另外一個option就係租furnished apartment (e.g. leopalace, sakura house), 好處係至少你可以係HK搞惦, 同埋溝通到(用英文/中文), 唔需要保證人. 當然價錢就比你出面揾會貴d d

. 不過就包基本家電, 同包水電費etc.

詳細可參考: http://www.leopalace21.com/

http://www.sakura-house.com/

(budget: 每月房租連水電雜費大概8-11萬)

Option 3

因為budget問題, 同唔想搞咁多野, 我就chose左住share house

. 日本share house其實都好多, 有貴(8-10萬)有平(5-6萬), 有多人ge(幾十人)有少人ge(2-3人), 任君選擇. 好處係會有機會認識到其他人, 有齊家電, 但係比option 2平 , 唔好處係要同多d人share.  可能需要保證人.

詳細可參考: http://guesthousebank.com/

http://www.oakhouse.jp/ 

學生會館: http://www.gakuseikaikan.com/international/index.html

(budget: 每月房租大概6-11萬, 有d會連水電雜費)

that's it, 希望幫到大家!

到步後就可以係日本過個快適生活 (唔好似我之前咁~~

)

Chanel Mobile Art @ Tokyo (June 13th)

6月13日 我同同學們一起去左係香港爭崩頭, 飲恨去唔到ge Chanel Mobile Art, 係日本, 唔知係咪因為我地早報名ge關係, 好簡單順利就攞到飛 (去便利店register就可以有免費飛. 零手續費).

廢話少講, 去片

我個人比較膚淺, 無乜藝術造詣. 不過見到咁多Chanel都好心花怒放, 哈哈哈

我幾時先會捨得買個2.55啊

Dinner at La Maison. 個到d cakes好好食,  dinner + cake set都係under 2000yen. 有機會你地都要去試下~

最近忙d乜 6 (完結篇) 搬左入新屋.唉, 要習慣.......極無奈

上個星期六(7月5日),  我就搬左去1号屋. 雖然事先已經用黑貓宅急便3大箱野, 但係另外立立雜雜我都仲有好多野, 多得前flatmate Yu chan借個o急比我, 同埋同學Ms J and Ra san 過黎幫手. 雖然好辛苦(平時行10mins ge 路程, 行多一倍), 而且遲埋到 (我約1點, 不過成1點半先到, 算啦.). 間房都尚算亁淨 (雖然之後見到3次類似甲甴ge物體, 而家都好煩).......

最大ge困擾係間房真係好X嘈, 我開頭以為夜晚訓覺ge時間會好d, 點知原來條路係24/7都咁多車. 而無奈地另外我無揀到個間房已經比人租左, 所以我無辦法轉房. 夜晚根本唔可以開窗訓, 仲一定要開冷氣添, 不過為左save電, 我都係開到成25-6度....... 而且間房唔似之前個到有2大隻窗, 加上無乜風, 日頭真係熱到我成身汗, no kidding. 就算關窗開冷氣, 都仲係好嘈, 所以搞到我頭2日都訓得極度差, 好在之後佢幫我換左床(本來係sofabed), 同埋可能都習慣左d d....叫左都訓到.....

講真, 唔中意都無用, 最少都要住3個月, 之後得返大概5個月時間, 就算有dorm住, 都唔會比個畢入館費.....總之就極無奈啦.

樓下係超大十字路口

  真係24/7嘈到爆shit

anyway, 搬屋事宜到第六回總算叫完結啦. 希望之後一切順利. 我都係時候po返其他d blog entries出黎......如果唔太懶的話....... 

最近忙d乜 5 嚇到眼凸

決定左1号屋之後, 本來都相安無事, 我都開始pack野準備星期六搬 (因為我而家個房東, 佢阿媽居然趕得切係星期五黎日本, 仲話如果我續住, starting from 7/5, 佢會收我4000yen一日, 都痴線架). 尋日返到屋企, 無啦啦收到新房東ge email. (新房東係鬼佬, 應該係南美人, 不過應該入左日本籍, 因為用日本姓)

佢話: " Tired to answer questions. No deal please. hope you find another nice place"

佢有無突然d, 真係比佢嚇到爆X

, 我即刻打比佢, 但係又無聽我電話. 基本上如果我住唔到1号, 我即刻搞2号屋ge申請, 都未必趕得切星期六搬入去.

之後佢覆我電話, 我就話睇到個email覺得好突然, 問佢無啦啦做乜唔租比我, 佢就話:

比起佢之前d tenants

- 我有太多問題/problems, 我send太多emails比佢 (hello, 連埋一開始約時間睇樓個d, 不過係sent左9個emails咁大把), 佢覺得如果租左比我之後, 會不停收到我d emails

- 無人睇2次樓, 個個都係睇完, 即刻confirmed比錢

- 佢話佢覺得而家賣緊樓比我, 而唔係租間房比我 (誇到呢..........)

- 我無即刻比錢同send passport 個copy比佢, 我咪話我係email都問左佢點樣sign contract, 我想sign左contract先比錢, 咁都好正路jeh, 佢又話乜如果我唔trust佢, 佢好難trust 我. (都痴痴地架) 我話我唔係唔想比錢同send passport 個copy佢, 我係emails都講左, 我唔識點樣做bank transfer, 同埋佢叫我fax個個number, 係一個好長, 848xxxxxxx ge number, 我問佢係咪fax number. that's it, 佢就覺得我拖佢.

 

咁講完電話之後, 佢又話肯租比我, 叫我錢啊,  passport copy個d 星期六先比佢(突然間就咁順攤), 我叫佢send個地址等我準備send野過去. 我諗如果佢當晚唔send地址比我, 就當佢返悔, 我今日即刻申請2号屋. 點知佢又真係sent左個address比我.

其實經此一事, 我已經有d bad feeling

, 不過而家我無可能搞得切2号屋

. 其實另外之前我有search到一道, 比2号屋再遠多少少(差不多1hr返到學校), 係岩岩新開ge guest house, 因為無分男女, 所以之前都無考慮. 不過因為可以好快搬到入去, 叫做有個backup. 不過我阿媽就話既然個房東比得我入去住, 應該ok ge (真係好鬼樂觀), 因為之後我都應該唔會點同個房東接觸. 佢反而ban左我個backup, 因為覺得又遠又男女同住唔好喔.

求神拜佛星期六搬屋順順利利, 搬左入去之後唔會發生乜特別事, 順順利利住落去.唉, 希望一切順利, 我ge厄運可以離我而去...................